ജോയ് ആലുക്കാസിന് റീട്ടെയിൽമീ ഐകോൺസ്​ അവാർഡ്​

ദുബൈ: ജോയ് ആലുക്കാസ് ഗ്രൂപ്​ ചെയർമാൻ ജോയ് ആലുക്കാസിന് മിന (മിഡിൽ ഈസ്​റ്റ്​, നോർത്ത്​ ആഫ്രിക്ക) മേഖലയിലെ റീട്ടെയിൽ ബിസിനസ് രംഗത്തെ പ്രവർത്തന മികവിനുള്ള അംഗീകാരമായി റീട്ടെയിൽമീ (RetailME) ഐകോൺസ്​ അവാർഡ്​ സമ്മാനിച്ചു. ദുബൈ ഡിപ്പാർട്​മെൻറ്​ ഓഫ് ടൂറിസം ആൻഡ്​​ കോമേഴ്​സ്​ മാർക്കറ്റിങ്​-അലൈൻസ്​ ആൻഡ്​​ പാർട്​ണർഷിപ്​ സി.ഇ.ഒ ലൈല മുഹമ്മദ് സുഹൈലിൽനിന്ന്​ അവാർഡ്​ ഏറ്റുവാങ്ങി. ജോയ് ആലുക്കാസ് ജ്വല്ലറി ഇൻറർനാഷനൽ ഓപറേഷൻസ്​ മാനേജിങ്​ ഡയറക്​ടർ ജോൺ പോൾ ചടങ്ങിൽ സന്നിഹിതനായി.

റീട്ടെയിൽ ബിസിനസ് ബ്രാൻഡുകൾക്കുമാത്രമുള്ള ഈ പുരസ്​കാരം ജ്വല്ലറിക്ക് ലഭിക്കുന്ന മറ്റൊരു അംഗീകാരമാണെന്ന് ജോയ് ആലുക്കാസ് പറഞ്ഞു. തങ്ങളുടെ ബിസിനസ് മികച്ചതാക്കാൻ നടത്തിയ പരിശ്രമങ്ങൾക്കുള്ള അംഗീകാരമാണ് ഇത്തരം അവാർഡുകൾ.

ഈ മഹത്തായ ബഹുമതി ലഭിച്ചതിൽ സന്തോഷിക്കുന്നു. കർശന മാർഗനിർദേശങ്ങൾ അടിസ്ഥാനമാക്കിയാണ് അവാർഡ്​ ജേതാക്കളെ തിരഞ്ഞെടുത്തതെന്നും ജോയ് ആലുക്കാസ് വ്യക്തമാക്കി. അവാർഡ്​ നേടിയ റീട്ടെയിൽ വ്യാപാരികൾ പുതുമയുള്ള ആശയങ്ങൾ പ്രാവർത്തികമാക്കുകയും മികച്ച നേതൃപാടവം പ്രകടിപ്പിച്ചതിനൊപ്പം അവരുടെ പാരമ്പര്യം തെളിയിച്ച്​ സ്ഥാപനത്തി​െൻറ പ്രവർത്തന മേഖലകൾ വിപുലീകരിച്ചവരുമാണെന്ന്​ അവാർഡ്​ സംഘാടകർ വ്യക്​തമാക്കിയിട്ടുണ്ട്​. ഈ മേഖലയിലെ മുൻനിര റീട്ടെയിലർമാർ ആരാണെന്ന് ലോകത്തെ അറിയിക്കലാണ് ഈ അവാർഡിലൂടെ ലക്ഷ്യമിട്ടത്. ഒരു മുൻനിര ബ്രാൻഡ്​ എപ്പോഴും പുതുമകൾ തേടാനും അതിരുകൾക്കപ്പുറം സധൈര്യം മുന്നേറി സാധ്യതകൾക്ക്​ അടിത്തറ പാകാനും പ്രാപ്​തിയുള്ളവരാണെന്ന്​ സംഘാടകർ അഭിപ്രായപ്പെടുന്നു . ഈ കാറ്റഗറിയിൽ മികച്ച പ്രകടനം കാഴ്​ചവെച്ചതിനുള്ള​ പുരസ്കാരമാണ് ജോയ് ആലുക്കാസിനെ തേടിയെത്തിയത്.

ഉപഭോക്താക്കൾക്ക്​ മികച്ച റീട്ടെയിൽ അനുഭവം സമ്മാനിക്കാൻ തങ്ങൾ പരിശ്രമിക്കുന്നു. ഈ അവാർഡ്​ പ്രതിബദ്ധതയെ കൂടുതൽ ശക്തിപ്പെടുത്തുന്നതാണ്. തങ്ങളുടെ എല്ലാ റീട്ടെയിൽ ഷോറൂമുകളും ഉപഭോക്താക്കൾക്ക്​ വ്യത്യസ്​ത അനുഭവം നൽകാൻ കഴിയുന്ന രൂപത്തിലാണ് സജ്ജീകരിച്ചിരിക്കുന്നത്.

പ്രിയ ഉപഭോക്താക്കളോടും ബിസിനസ്​ പങ്കാളികളോടും മുഴുവൻ ടീമിനോടും ഈ നേട്ടത്തിൽ കടപ്പെട്ടിരിക്കുന്നുവെന്നും അവാർഡ്​ സ്വീകരിച്ചതിനുശേഷം സംസാരിച്ച അദ്ദേഹം വ്യക്തമാക്കി.