ആർ.ടി.എ. ഉദ്യോഗസ്​ഥ​െൻറ തിരിച്ചറിയൽ കാർഡ്​ ദുരുപയോഗം ചെയ്​ത  യുവതി പിടിയിൽ

ദുബൈ: പാർക്കിങ്​ ഫൈൻ ഒഴിവാക്കാൻ റോഡ്​സ്​ ആൻറ്​ ട്രാൻസ്​പോർട്ട്​ അതോറിറ്റി (ആർ.ടി.എ) ഉദ്യോഗസ്​ഥ​​​െൻറ തിരിച്ചറിയൽ കാർഡ്​ ഉപയോഗിച്ച യുവതി പിടിയിൽ. ദുബൈയിലെ ഒരു പാർക്കിങ്​ സ്​ഥലത്ത്​ പരിശോധനക്കെത്തിയ മറ്റൊരു ആർ.ടി.എ. ഉദ്യോഗസ്​ഥനാണ്​ തട്ടിപ്പ്​ ക​ണ്ടെത്തിയത്​. സഹപ്രവർത്തക​​​െൻറ കാർ പാർക്ക്​ ചെയ്യാനുള്ള തിരിച്ചറിയൽ രേഖ കാറിൽ വച്ചിരിക്കുന്നത്​ കണ്ട ഇയാൾ അ​േദ്ദഹത്തെ അവിടെല്ലാം അന്വേഷിച്ചുവെങ്കിലും കണ്ടെത്താനയില്ല.

തുടർന്ന്​ ഫോണിൽ വിളിച്ച്​ അന്വേഷിച്ചപ്പോഴാണ്​ കാർഡി​​​െൻറ ഉടമയല്ല കാറുമായി വന്നതെന്ന്​ വ്യക്തമായത്​. തുടർന്ന്​ വാഹനത്തി​​​െൻറ ഉടമയായ അറബ്​ യുവതിയെ കണ്ടെത്തി ചോദ്യം ചെയ്​തപ്പോൾ തെറ്റ്​ സമ്മതിക്കുകയായിരുന്നു. രണ്ട്​ മാസം മുമ്പ്​ വഴിയിൽ കിടന്ന്​ കിട്ടിയ കാർഡാണ്​ ദുരുപയോഗം ചെയ്​തതെന്ന്​ അവർ സമ്മതിച്ചു. പാർക്കിങ്​ ഫീസുകൾ ഒഴിവാക്കാൻ അന്നു മുതൽ ഇൗ കാർഡ്​ ഉപയോഗിച്ചു വരികയായിരുന്നു. 
ഒൗദ്യോഗിക രേഖ ദുരുപയോഗം ചെയ്​തതിന്​ കടുത്ത വകുപ്പുകൾ ഇവർക്കെതിരെ ചുമത്തിയിട്ടുണ്ട്​. ഇവരെ തുടർനടപടികൾക്ക്​ പബ്ലിക്​ പ്രൊസിക്യൂഷന്​ കൈമാറി.