ഗതാഗത- വാഹന വാടക ഇടപാടുകൾ നിയന്ത്രിക്കാൻ ദുബൈയിൽ നിയമം

ദുബൈ: എമി​േററ്റിൽ  ഗതാഗത^ വാഹന വാടക ഇടപാടുകൾ നിയന്ത്രിതമാക്കാൻ പുതിയ നിയമം. റോഡ്​ ഗതാഗത അതോറിറ്റി (ആർ.ടി.എ)യിൽ നിന്ന്​ അനുമതി നേടാതെ ഗതാഗത പ്രവർത്തനങ്ങളോ വാടക ഇടപാടുകളോ നടത്താനാവില്ല.  ദുബൈ കിരീടാവകാശിയും എക്​സിക്യുട്ടീവ്​ കൗൺസിൽ  അധ്യക്ഷനുമായ ശൈഖ്​ ഹംദാൻ ബിൻ റാശിദ്​ആൽ മക്​തൂം ആണ്​ യാത്രക്കാരുടെയും സാധന സാമഗ്രികളുടെയും ഭക്ഷ്യവസ്​തുക്കളുടെയും ഗതാഗത ജോലി നിർവഹിക്കുന്ന സ്​ഥാപനങ്ങൾക്കായി നിയന്ത്രണ പ്രമേയം പുറത്തിറക്കിയത്​. ബസുകൾ, ട്രക്കുകൾ, വിനോദ വാഹനങ്ങൾ, മോട്ടർ സൈക്കിൾ, സൈക്കിൾ എന്നിവയുടെ വാടക ഇടപാടുകളും നിയമത്തിനു കീഴിൽ വരും. ഒാരോ വർഷവും പെർമിറ്റ്​ പുതുക്കേണ്ടതുണ്ട്​. 
 പ്രത്യേക വികസന മേഖലകൾ, ഫ്രീ സോണുകൾ, ദുബൈ ഇൻറർനാഷനൽ ഫിനാൻഷ്യൽ സർക്കിൾ എന്നിവ കേ​ന്ദ്രീകരിച്ചു പ്രവർത്തിക്കുന്ന സ്​ഥാപനങ്ങൾക്കും ഇതു ബാധകമാണ്​. എന്നാൽ സർക്കാർ സ്​ഥാപനങ്ങൾ  നിയന്ത്രണത്തി​​​െൻറ പരിധിയിൽ വരില്ല. ഏത്​ ആവശ്യങ്ങൾക്കയാണോ അനുമതി നേടുന്നത്​ അതിനു മാത്രമേ ഇൗ വാഹനങ്ങൾ ഉപയോഗിക്കാനാവൂ. സ്​ഥാപനത്തിന്​ വ്യവസ്​ഥാപിതമായ ഒാഫിസ്​ വേണം, വാഹനങ്ങളും പാർക്ക്​ ചെയ്യാൻ ആവശ്യമായ സ്​ഥലവും ഉണ്ടായിരിക്കണം തുടങ്ങിയ പ്രമേയത്തിൽ നിർദേശിക്കുന്ന വ്യവസ്​ഥകൾ ഗതാഗത^വാഹന വാടക പ്രവർത്തനങ്ങളിൽ ഏർപ്പെട്ടിരിക്കുന്ന സ്​ഥാപനങ്ങളെല്ലാം  ഒരു വർഷത്തിനകം ഉറപ്പാക്കിയിരിക്കണം.