യു.എ.ഇയിൽ നിന്ന്​ 'ആയിരത്തൊന്ന്​ നുണകളു'മായി സലീം അഹമ്മദ്​

ദുബൈ: ദേശീയ അവാർഡ്​ ജേതാവും പ്രശസ്​ത സംവിധായകനുമായ സലീം അഹമ്മദ് അലൻസ്​ മീഡിയയുടെ ബാനറിൽ അവതരിപ്പിക്കുന്ന 'ആയിരത്തൊന്ന്​ നുണകൾ' എന്ന മലയാള സിനിമക്ക്​ ദുബൈയിൽ തുടക്കംകുറിച്ചു. ഒട്ടേറെ ഹൃസ്വ-പരസ്യചിത്രങ്ങളിലൂടെ ശ്രേദ്ധേയനായ നവാഗത സംവിധായകൻ താമർ കെ.വിയാണ്ചിത്രത്തി​െൻറ രചനയും സംവിധാനവും നിർവഹിക്കുന്നത്.

പൂർണമായും യു.എ.ഇയിൽ ചിത്രീകരിക്കുന്ന സിനിമയുടെ ഷൂട്ടിങ് അടുത്ത വർഷം ഫെബ്രുവരിയിൽ ആരംഭിക്കുമെന്ന്​ പിന്നണിപ്രവർത്തകർ അറിയിച്ചു. അലൻസ് മീഡിയ മുമ്പ്​ നിർമിച്ച നാല്​ സിനിമകളുടേയും രചനയും സംവിധാനവും നിർവഹിച്ച സംവിധായകൻ സലീംഅഹമ്മദാണ്​ നിർവഹിച്ചത്​. യു.എയിലുള്ള നിരവധി പ്രതിഭകൾക്ക്​ അവസരമാകും സിനിമയെന്ന്​ സലീംഅഹമ്മദ്​ പറഞ്ഞു.

പൂർണമായും യു.എ.ഇയിൽ ചിത്രീകരിക്കുന്ന സിനിമയിൽ പുതുമുഖ പ്രതിഭകൾ പ്രധാന കഥാപാത്രങ്ങളെ അവതരിപ്പിക്കുമെന്ന്​ വിധായകൻ താമർ പറഞ്ഞു. പത്ത്​ ദിവസം നീണ്ടുനിൽക്കുന്ന ആക്​ടിങ്​ വർക്​ഷോപ്പും ചിത്രത്തിന്​ മുന്നോടിയായി അരങ്ങേറും. ആക്​ടിങ്​ വർക്​ ഷോപ്പിൽ മികവ്തെളിയിക്കുന്ന 14 പേർക്കായിരിക്കും ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കാൻ അവസരം.

യു.എ.ഇയിലെ പ്രതിഭകളായ പുതുമുഖങ്ങൾക്ക് ​സിനിമയിൽ അവസരം നൽകാൻ കഴിയുന്നതിൽ അതിയായ സന്തോഷമുണ്ടെന്ന്​ നിർമാതാക്കളായ അഡ്വ. ടി.കെ ഹാഷിക്​ തൈക്കണ്ടിയും സുധീഷ്​ ടി.പിയും അറിയിച്ചു. 1001nunakal@gmail.com എന്ന ഇ-മെയിൽ വിലാസത്തിൽ അഭിനയിക്കാൻ താൽപര്യമുള്ള കലാകാരന്മാർക്ക്​ ഫോട്ടോയും പ്രൊഫൈലും അയക്കാവുന്നതാണ്.

വരുംദിവസങ്ങളിൽ ചിത്രത്തി​െൻറ അണിയറ പ്രവർത്തകരേയും മറ്റുവിവരങ്ങളും പുറത്ത്​ വിടുമെന്ന്​ കോ -ഡയറക്​ടർ ഹാഷിം സുലൈമാൻ പറഞ്ഞു.