അ​ത്യാ​ഡം​ബ​ര വീ​ടു​ക​ളു​ടെ വി​ൽ​പ​ന​; ദു​ബൈ​ക്ക്​ റെ​ക്കോ​ഡ്

ദു​ബൈ: ഓ​രോ വ​ർ​ഷ​വും കൂ​ടു​ത​ൽ ഉ​യ​ര​ങ്ങ​ളി​ലേ​ക്ക്​ കു​തി​ക്കു​ന്ന ദു​ബൈ റി​യ​ൽ എ​സ്​​റ്റേ​റ്റ്​ മേ​ഖ​ല 2022ൽ ​കൈ​വ​രി​ച്ച​ത്​ വ​ൻ നേ​ട്ടം. ല​ണ്ട​ൻ ആ​സ്ഥാ​ന​മാ​യ നൈ​റ്റ്​ ഫ്രാ​ങ്ക്​ റി​യ​ൽ എ​സ്​​റ്റേ​റ്റ്​ ഏ​ജ​ൻ​സി​യാ​ണ്​ ഇ​തു​സം​ബ​ന്ധി​ച്ച ക​ണ​ക്കു​ക​ൾ പു​റ​ത്തു​വി​ട്ട​ത്. ഒ​രു കോ​ടി ഡോ​ള​റി​ലേ​റെ വി​ല​യു​ള്ള 219 വി​ല്ല​ക​ൾ ക​ഴി​ഞ്ഞ വ​ർ​ഷം വി​ൽ​പ​ന ന​ട​ത്തി​യി​ട്ടു​ണ്ട്. ഇ​ത് ദു​ബൈ​യു​ടെ​ ച​രി​ത്ര​ത്തി​ലെ ത​ന്നെ ഏ​റ്റ​വും വ​ലി​യ വി​ൽ​പ​ന​യാ​യാ​ണ് വി​ല​യി​രു​ത്ത​പ്പെ​ടു​ന്ന​ത്. 2021ൽ 93 ​വി​ല്ല​ക​ൾ മാ​ത്ര​മാ​ണ്​ ഈ ​വി​ല​യി​ൽ വി​റ്റ​ത്. ​അ​തി​നും മു​മ്പു​ള്ള വ​ർ​ഷ​ങ്ങ​ളി​ൽ 20ൽ ​താ​ഴെ മാ​ത്ര​മാ​യി​രു​ന്നു ഇ​ത്ത​രം വി​ൽ​പ​ന​ക​ളു​ടെ എ​ണ്ണം.

ദുബൈ റിയൽ എസ്റ്റേറ്റ് മേഖലയിൽ2022ൽ 528 ശതകോടി ദിർഹമിന്‍റെ ഇടപാടുകൾ നടന്നതായും ആദ്യമായാണ് റിയൽ എസ്റ്റേറ്റ് രംഗത്ത് അര ട്രില്യണിൽ കൂടുതൽ ഇടപാട് നടക്കുന്നതെന്നും ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം വ്യക്​തമാക്കി. 10കോ​ടി ദി​ർ​ഹ​മി​ന് മു​ക​ളി​ൽ വി​ല​യു​ള്ള ഭ​വ​ന വി​ൽ​പ​ന​ക​ൾ രേ​ഖ​പ്പെ​ടു​ത്തി​യ വ​ർ​ഷ​മെ​ന്ന പ്ര​ത്യേ​ക​ത​യും 2022നു​ണ്ട്. പാം ​ജു​മൈ​റ​യി​ൽ 30 കോ​ടി ദി​ർ​ഹ​മി​ലേ​റെ വി​ല​യി​ൽ വി​ൽ​പ​ന ന​ട​ത്തി​യ വി​ല്ല​യാ​ണി​തി​ൽ ഏ​റ്റ​വും ഉ​യ​ർ​ന്ന​ത്. 60 കോ​ടി ദി​ർ​ഹം വി​ല​യു​ള്ള മ​ൾ​ട്ടി പ്രോ​പ്പ​ർ​ട്ടി വി​ൽ​പ​ന​യും ക​ഴി​ഞ്ഞ വ​ർ​ഷം രേ​ഖ​പ്പെ​ടു​ത്തി​യി​ട്ടു​ണ്ട്. ഇ​തും സ​ർ​വ​കാ​ല റെ​ക്കോ​ഡാ​ണെ​ന്ന്​ ക​ണ​ക്കു​ക​ൾ വ്യ​ക്​​ത​മാ​ക്കു​ന്നു.

ക​ഴി​ഞ്ഞ വ​ർ​ഷ​ത്തെ മി​ക​ച്ച പ്ര​ക​ട​നം ആ​ഗോ​ള ത​ല​ത്തി​ൽ നി​ക്ഷേ​പ​ക​രു​ടെ ആ​ക​ർ​ഷ​ണ കേ​ന്ദ്ര​മാ​യി എ​മി​റേ​റ്റ്​ മാ​റി​ക്കൊ​ണ്ടി​രി​ക്കു​ന്ന​തി​ന്‍റെ കൃ​ത്യ​മാ​യ തെ​ളി​വാ​ണെ​ന്ന്​​ വി​ദ​ഗ്​​ധ​ർ വി​ല​യി​രു​ത്തു​ന്നു. ഗ്ലോ​ബ​ൽ ആ​റ്റി​റ്റ്യൂ​ഡ്‌​സ് സ​ർ​വേ പ്ര​കാ​രം 2023ൽ ​യു.​കെ ക​ഴി​ഞ്ഞാ​ൽ ലോ​ക​ത്ത്​ ഏ​റ്റ​വും കൂ​ടു​ത​ൽ ഭ​വ​ന വി​ൽ​പ​ന ന​ട​ക്കു​ന്ന​ത്​ യു.​എ.​ഇ​യി​ലാ​യി​രി​ക്കും. ദു​ബൈ​യു​ടെ ഏ​റ്റ​വും ആ​വ​ശ്യ​ക്കാ​രു​ള്ള ലൊ​ക്കേ​ഷ​നു​ക​ളാ​യ എ​മി​റേ​റ്റ്സ് ഹി​ൽ​സ്, ജു​മൈ​റ ബേ ​ഐ​ല​ൻ​ഡ്, പാം ​ജു​മൈ​റ എ​ന്നി​വി​ട​ങ്ങ​ളി​ൽ 2022ൽ ​ആ​​കെ 44 ശ​ത​മാ​നം വി​ല ഉ​യ​ർ​ന്ന​താ​യാ​ണ്​ രേ​ഖ​പ്പെ​ടു​ത്തി​യി​ട്ടു​ള്ള​ത്. ഇ​തി​ൽ പാം ​ജു​മൈ​റ ത​ന്നെ​യാ​ണ്​ ഏ​റ്റ​വും ആ​വ​ശ്യ​ക്കാ​രു​ള്ള​തും വി​ല​യേ​റി​യ​തു​മാ​യ സ്ഥ​ലം. ഇ​വി​ടെ മാ​ത്രം 50 ശ​ത​മാ​ന​ത്തോ​ളം വി​ല​ക്ക​യ​റ്റ​മു​ണ്ടാ​യി​ട്ടു​ണ്ട്. മു​ഹ​മ്മ​ദ്​ ബി​ൻ റാ​ശി​ദ്​ സി​റ്റി, ദു​ബൈ ഹി​ൽ​സ്​ എ​സ്​​റ്റേ​റ്റ്​ എ​ന്നി​വി​ട​ങ്ങ​ളി​ൽ 20 ശ​ത​മാ​നം വ​ള​ർ​ച്ച​യു​മു​ണ്ട്. ലോ​ക​ത്തെ അ​റി​യ​പ്പെ​ടു​ന്ന കാ​യി​ക താ​ര​ങ്ങ​ളും സി​നി​മ മേ​ഖ​ല​യി​ലു​ള്ള​വ​രും സ​മ്പ​ന്ന​രു​മെ​ല്ലാം ഈ ​സ്ഥ​ല​ങ്ങ​ളി​ൽ വി​ല്ല​ക​ൾ സ്വ​ന്ത​മാ​ക്കാ​ൻ രം​ഗ​ത്തെ​ത്തി​യി​ട്ടു​ണ്ട്.