ദു​ബൈ​യി​ൽ പു​രാ​വ​സ്തു ഗ​വേ​ഷ​ണ​ത്തി​ന് ​സാ​റ്റ​ലൈ​റ്റു​ക​ളും

ദു​ബൈ: മ​ണ്ണ​ടി​ഞ്ഞ ഭൂ​ത​കാ​ല​ത്തി​ന്‍റെ അ​വ​ശേ​ഷി​പ്പു​ക​ൾ ക​ണ്ടെ​ത്താ​ൻ അ​ത്യ​ന്താ​ധു​നി​ക സാ​​ങ്കേ​തി​ക വി​ദ്യ​ക​ൾ ഉ​പ​യോ​ഗ​പ്പെ​ടു​ത്താ​ൻ ദു​ബൈ. റി​മോ​ട്ട്​ സെ​ൻ​സി​ങ്​ സാ​റ്റ​ലൈ​റ്റു​ക​ൾ അ​ട​ക്കം സം​വി​ധാ​ന​ങ്ങ​ൾ ഉ​പ​യോ​ഗി​ച്ച് പു​രാ​വ​സ്തു ഗ​വേ​ഷ​ണ​ത്തി​ന് ​​എ​മി​റേ​റ്റി​ലെ സാം​സ്കാ​രി​ക വ​കു​പ്പാ​യ ‘ദു​ബൈ ക​ൾ​ച​റും’ ഖ​ലീ​ഫ യൂ​നി​വേ​ഴ്​​സി​റ്റി ഓ​ഫ്​ സ​യ​ൻ​സ്​ ആ​ൻ​ഡ്​ ടെ​ക്​​നോ​ള​ജി​യും ക​രാ​റി​ലെ​ത്തി. ന​വീ​ന സാ​​ങ്കേ​തി​ക​വി​ദ്യ​ക​ളും വൈ​ദ​ഗ്​​ധ്യ​വും ക​രാ​റ​നു​സ​രി​ച്ച്​ പ​ര​സ്പ​രം പ​ങ്കു​വെ​ക്കും. മ​ണ്ണി​ന​ടി​യി​ൽ ഒ​ളി​ച്ചി​രി​ക്കു​ന്ന ഘ​ട​ന​ക​ളും ശ​വ​കു​ടീ​ര​ങ്ങ​ളും മ​റ്റു അ​വ​ശി​ഷ്ട​ങ്ങ​ളും ക​ണ്ടെ​ത്താ​ൻ ഇ​ത്​ സ​ഹാ​യി​ക്കു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.

എ​മി​റേ​റ്റി​ലെ പ്ര​ധാ​ന​പ്പെ​ട്ട പു​രാ​വ​സ്തു മേ​ഖ​ല​ക​ളാ​യ സാ​രൂ​ഖ്​ അ​ൽ ഹ​ദീ​ദ്, അ​ൽ അ​ശൂ​ഷ്​ എ​ന്നി​വി​ട​ങ്ങ​ളി​ലാ​ണ്​ പു​തി​യ രീ​തി​ക​ൾ പ്ര​യോ​ഗി​ക്കു​ക. ഖ​ലീ​ഫ യൂ​നി​വേ​ഴ്​​സി​റ്റി​യി​ലെ ശാ​സ്ത്ര​ജ്ഞ​ർ വി​ക​സി​പ്പി​ച്ച ജി​യോ ഫി​സി​ക്ക​ൽ സ​ർ​വേ രീ​തി​ക​ളും ഉ​പ​യോ​ഗ​പ്പെ​ടു​ത്തും.

എ​മി​റേ​റ്റും മ​റ്റു നാ​ഗ​രി​ക​ത​ക​ളും ത​മ്മി​ലു​ള്ള ബ​ന്ധം മ​ന​സ്സി​ലാ​ക്കാ​ൻ ആ​ഗ്ര​ഹി​ക്കു​ന്ന ഗ​വേ​ഷ​ക​ർ​ക്ക് ദു​ബൈ​യി​ലെ പു​രാ​വ​സ്തു കേ​ന്ദ്ര​ങ്ങ​ൾ അ​റി​വി​ന്‍റെ സ​മ്പ​ന്ന​മാ​യ ഉ​റ​വി​ട​ങ്ങ​ളാ​ണെ​ന്ന്​ ദു​ബൈ ക​ൾ​ച​റി​ലെ സാം​സ്കാ​രി​ക, പൈ​തൃ​ക വി​ഭാ​ഗം സി.​ഇ.​ഒ മു​ന ഫൈ​സ​ൽ അ​ൽ​ഗ​ർ​ഗ് പ​റ​ഞ്ഞു. ഈ ​പ്ര​ദേ​ശ​ങ്ങ​ളി​ലെ സ​ർ​വേ​ക​ളും ഉ​ത്ഖ​ന​ന പ്ര​വ​ർ​ത്ത​ന​ങ്ങ​ളും നി​ര​വ​ധി മി​ക​വു​റ്റ ക​ണ്ടെ​ത്ത​ലു​ക​ൾ രേ​ഖ​പ്പെ​ടു​ത്തി​യി​ട്ടു​ണ്ട്.

ദു​ബൈ​യു​ടെ പു​രാ​ത​ന ച​രി​ത്ര​വും പു​രാ​വ​സ്തു​ക്ക​ളു​മാ​യി ബ​ന്ധ​പ്പെ​ട്ട പ​ഠ​ന​ങ്ങ​ൾ​ക്കും ഗ​വേ​ഷ​ണ​ങ്ങ​ൾ​ക്കും ഒ​രു പ്ര​ധാ​ന ഉ​റ​വി​ട​മാ​ണി​ത്. എ​മി​റേ​റ്റി​ലെ പു​രാ​വ​സ്തു ഗ​വേ​ഷ​ണ​ത്തി​ലെ സു​പ്ര​ധാ​ന ചു​വ​ടു​വെ​പ്പാ​ണ് ഖ​ലീ​ഫ യൂ​നി​വേ​ഴ്​​സി​റ്റി​യു​മാ​യു​ള്ള ധാ​ര​ണ​പ​ത്രം -അ​വ​ർ കൂ​ട്ടി​ച്ചേ​ർ​ത്തു. ഖ​ലീ​ഫ യൂ​നി​വേ​ഴ്സി​റ്റി പോ​ലു​ള്ള അ​ക്കാ​ദ​മി​ക് സ്ഥാ​പ​ന​വു​മാ​യി സ​ഹ​ക​രി​ക്കു​ന്ന​ത് സാ​രൂ​ഖ്​ അ​ൽ ഹ​ദീ​ദ്, അ​ൽ അ​ശൂ​ഷ്​ സൈ​റ്റു​ക​ളു​ടെ സ​മ്പ​ന്ന​മാ​യ ച​രി​ത്രം അ​നാ​വ​ര​ണം ചെ​യ്യാ​നു​ള്ള ശ്ര​മ​ങ്ങ​ളെ കൂ​ടു​ത​ൽ മെ​ച്ച​പ്പെ​ടു​ത്തു​മെ​ന്നും അ​വ​ർ പ്ര​ത്യാ​ശ പ്ര​ക​ടി​പ്പി​ച്ചു. പു​രാ​ത​ന പു​രാ​വ​സ്തു വി​ജ്ഞാ​ന​ങ്ങ​ളു​ടെ ശാ​സ്ത്രീ​യ പ​ര്യ​വേ​ക്ഷ​ണ​വും ഗ​വേ​ഷ​ണ​വും വി​പു​ലീ​ക​രി​ക്കു​ന്ന​തി​ന് ദു​ബൈ ക​ൾ​ച​റു​മാ​യി സ​ഹ​ക​രി​ക്കു​ന്ന​തി​ൽ സ​ന്തോ​ഷ​മു​ണ്ടെ​ന്ന് ഖ​ലീ​ഫ യൂ​നി​വേ​ഴ്‌​സി​റ്റി എ​ക്‌​സി​ക്യൂ​ട്ടി​വ് വൈ​സ് പ്ര​സി​ഡ​ന്‍റ് ഡോ. ​ആ​രി​ഫ് സു​ൽ​ത്താ​ൻ അ​ൽ ഹ​മ്മാ​ദി പ​റ​ഞ്ഞു.

ഇ​ന്‍റ​ലി​ജ​ന്‍റ് സി​സ്റ്റം​സ്, മെ​ഷീ​ൻ ലേ​ണി​ങ്, റി​മോ​ട്ട് സെ​ൻ​സി​ങ്​ എ​ന്നി​വ​യി​ലെ യൂ​നി​വേ​ഴ്​​സി​റ്റി​യു​ടെ വൈ​ദ​ഗ്ധ്യ​വും പു​രാ​വ​സ്തു ഗ​വേ​ഷ​ണ​വു​മാ​യി ബ​ന്ധ​പ്പെ​ട്ട മേ​ഖ​ല​ക​ളെ​ക്കു​റി​ച്ചു​ള്ള ദു​ബൈ ക​ൾ​ച​റി​ന്‍റെ ആ​ഴ​ത്തി​ലു​ള്ള ധാ​ര​ണ​യും സം​യോ​ജി​പ്പി​ച്ച് രാ​ജ്യ​ത്തി​ന്‍റെ പൈ​തൃ​ക സം​ര​ക്ഷ​ണ​ത്തി​നും പ്രോ​ത്സാ​ഹ​ന​ത്തി​നും സം​ഭാ​വ​ന ന​ൽ​കു​ക​യാ​ണ് ല​ക്ഷ്യ​മി​ടു​ന്ന​തെ​ന്നും അ​ദ്ദേ​ഹം വ്യ​ക്ത​മാ​ക്കി.