എക്​സ്​പോ 2030 ആതിഥേയത്വം വഹിക്കാൻ​ സൗദിയും; യു.എ.ഇയുടെ പിന്തുണ

ദുബൈ: 2030ലെ എക്​സ്​പോക്ക്​ ആതിഥേയത്വം വഹിക്കാനുള്ള സൗദി അറേബ്യയുടെ ശ്രമത്തിന് യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം പിന്തുണ പ്രഖ്യാപിച്ചു.

കഴിഞ്ഞ ദിവസം ട്വിറ്ററിലൂടെയാണ്​ ശൈഖ്​ മുഹമ്മദ്​ റിയാദിൽ സംഘടിപ്പിക്കാൻ ഉദ്ദേശിക്കുന്ന എക്​സ്​പോക്ക്​ വേണ്ടിയുള്ള ശ്രമങ്ങൾക്ക്​ പിന്തുണ അറിയിച്ചത്​. വിശ്വമേളക്ക്​ ആതിഥ്യം വഹിക്കുകയാണെങ്കിൽ ദുബൈ എക്‌സ്‌പോക്ക്​ വേണ്ടി കഴിഞ്ഞ ഏഴ് വർഷത്തെ തയാറെടുപ്പിലൂടെ നേടിയ അറിവും അനുഭവങ്ങളും സഹോദര രാജ്യവുമായി പങ്കിടാൻ ഒരുക്കമാണെന്നും അദ്ദേഹം വ്യക്​തമാക്കി.എക്​സ്​പോക്ക്​ വേദിയാകുന്നതിന്​ വേണ്ടി അപേക്ഷ സമർപ്പിച്ചതായി സൗദി കിരീടാവകാശി മുഹമ്മദ്​ ബിൻ സൽമാനാണ്​ കഴിഞ്ഞ ദിവസം വെളിപ്പെടുത്തിയത്​. വിഷൻ 2030 എന്നറിയപ്പെടുന്ന രാജ്യത്തി​െൻറ സാമ്പത്തിക പരിഷ്‌കരണ പരിപാടിയുടെ സമാപനത്തോടനുബന്ധിച്ച്​ തലസ്​ഥാന നഗരിയായ റിയാദിൽ വിശ്വമേള ഒരുക്കാനാണ്​ ലക്ഷ്യമിടുന്നത്​.

'മാറ്റത്തി​െൻറ യുഗം: ദീർഘവീക്ഷണത്തോടെ നാളെയിലേക്ക് ഭൂമിയെ നയിക്കുന്നു' എന്ന തലക്കെട്ടിൽ മേള ഒരുക്കാനാണ്​ സൗദിയുടെ ആലോചന.

എക്​സ്​പോ സംഘാടക ​േബാഡിയായ ബ്യൂറോ ഇൻറർനാഷനൽ ഡെസ്​ എക്​സ്​പോസിഷനാണ്​ അപേക്ഷ സമർപ്പിച്ചത്​.