ഒമ്പതു വയസുകാരന്​ സ്​കൂളിൽ മർദനവും  ക്രൂര പെരുമാറ്റവുമെന്ന്​ മാതാവി​െൻറ പരാതി

ദുബൈ: ഒമ്പതു വയസുകാരനെ സ്​കൂളധികൃതർ മർദിക്കുകയും മോശമായി പെരുമാറുകയും ചെയ്​തെന്ന പരാതിയുമായി മാതാവ്​. യു.എ.ഇ ​ൈവസ് ​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ ഇടപെടൽ ആവശ്യപ്പെടുന്ന വീഡിയോ സാമൂഹിക മാധ്യമങ്ങളിൽ പോസ്​റ്റു ചെയ്​ത മാതാവ്​ ഗുരുതര ആരോപണങ്ങളാണ്​ സ്​കൂൾ പ്രിൻസിപ്പളിനും അധ്യാപകർക്കുമെതിരെ ഉന്നയിച്ചത്​.
 ക്രൂരമായി ഉപദ്രവിച്ചതിനു പുറമെ സഹപാഠികൾക്കു മുന്നിൽ വെച്ച്​ അടിച്ചുവാരിച്ചെന്നും ഇതിൽ പ്രതിഷേധമറിയിക്കാൻ സ്​കൂളിൽ ചെന്ന തന്നെ പ്രിൻസിപ്പൽ അധിക്ഷേപിച്ചതായും അവർ കുറ്റ​​പ്പെടുത്തുന്നു. കുട്ടിയെ സ്​കൂളിൽ നിന്ന്​ പുറത്താക്കിയ വിവരമാണ്​ പിന്നീട്​ ലഭിച്ചത്​. വിദ്യാഭ്യാസ മന്ത്രാലയത്തെയും ദുബൈ പൊലീസി​​​െൻറ ശിശു സംരക്ഷണ യൂനിറ്റിനെയും ബന്ധപ്പെട്ടതായും മാതാവ്​ പറയുന്നു. 

വിദ്യാഭ്യാസ മ​​​ന്ത്രിയുടെ ഒഫീസിൽ ചെന്നെങ്കിലും സന്ദർശന അനുമതി ലഭിച്ചില്ലെന്നും വെബ്​സൈറ്റ്​ മുഖേന പരാതി നൽകാൻ നിർദേശിക്കുകയായിരുന്നുവെന്നും മാതാവ്​ പറയുന്നു. ദുബൈയിലെ ഒരു പൊലീസ്​ സ്​റ്റേഷനിൽ പരാതി നൽകാൻ ചെന്നപ്പോൾ അവരും കൂട്ടാക്കിയില്ല. എന്നാൽ ദുബൈ പൊലീസി​​​െൻറ മനുഷ്യാവകാശ  വകുപ്പു മുൻപാകെ അറിയിച്ചിരുന്നില്ലെന്ന്​ ഡയറക്​ടർ ​​ബ്രിഗേഡിയർ ഡോ. മുഹമ്മദ്​ അൽ മുർ മനുഷ്യാവകാശ വകുപ്പിനു കീഴിലെ സ്​ത്രീ^ശിശു അവകാശ സംരക്ഷണ സെൽ വിഷയം പരിശോധിക്കും. സ്​കൂൾ അധികൃതരുമായി ഇക്കാര്യം അന്വേഷിക്കും. മന്ത്രാലയവും സംഭവത്തിൽ ഇടപെടും.കുട്ടിയുടെ അവകാശം സംരക്ഷിക്കപ്പെടുക എന്നതാണ്​ സുപ്രധാന വിഷയമെന്ന്​ ഡോ. അൽ മുർ പറഞ്ഞു.
ഇവരുടെ മൂത്ത മക്കളും ഇതേ സ്​കൂളിൽ വിദ്യാർഥികളാണ്​. അവർക്കൊന്നും യാതൊരു പ്രശ്​നവും സ്​കൂളിലില്ല,ഇളയ മകനുനേരെ രണ്ടര മാസം മുൻപാണ്​ ദ്രോഹങ്ങളാരംഭിച്ചതെന്നും മാതാവ്​ പറയുന്നു.