കുട്ടികളിലെ സ്ക്രീൻ സമയവും പൊണ്ണത്തടിയും
text_fieldsമാതാപിതാക്കൾ ശ്രദ്ധിക്കേണ്ട കാര്യങ്ങൾ
മൊബൈൽ, ടി.വി, കമ്പ്യൂട്ടർ, ടാബ്ലെറ്റ് പോലുള്ള വിശ്വൽ ഉപകരണങ്ങൾക്കു മുന്നിൽ ഒരു ദിവസം ചെലവഴിക്കുന്ന മൊത്തം സമയമാണ് സ്ക്രീൻ സമയം. നമ്മൾ സ്ക്രീനുകൾ ഉപയോഗിക്കുന്ന രീതി ആരോഗ്യകരമാണോ അനാരോഗ്യമാണോ എന്ന് എങ്ങനെ തിരിച്ചറിയുമെന്ന് നോക്കാം.
പോസിറ്റിവ് സ്ക്രീൻ സമയം
സ്കൂൾ ജോലികൾക്കായോ സുഹൃത്തുക്കളുമായും ബന്ധുക്കളുമായും ഇടപഴകുന്നതിനോ കലയോ സംഗീതമോ വിശ്രമമോ അല്ലെങ്കിൽ വിദ്യാഭ്യാസപരമോ സാമൂഹികമോ ആയ പ്രവർത്തനങ്ങൾക്കായി ചെലവഴിക്കുന്ന സമയമോ ആരോഗ്യപരമായത്.
നെഗറ്റിവ് സ്ക്രീൻ സമയം
അനുചിതമായ ടി.വി ഷോകൾ കാണുക, സുരക്ഷിതമല്ലാത്ത വെബ്സൈറ്റുകൾ സന്ദർശിക്കുക, അല്ലെങ്കിൽ അക്രമാസക്തമായ വിഡിയോ ഗെയിമുകൾ കളിക്കുക എന്നതെല്ലാം അനാരോഗ്യകരമാണ്.
എത്ര സമയം സ്ക്രീനുകൾ ഉപയോഗിക്കാം?
രണ്ടു വയസ്സിനു താഴെയുള്ള കുട്ടികളെ ബന്ധുക്കളുമായി വല്ലപ്പോഴും വിഡിയോ കാൾ ഒഴികെ ഒരു തരത്തിലുള്ള സ്ക്രീനിലും കാണിക്കരുത്. രണ്ടിനും അഞ്ചിനും ഇടയിൽ പ്രായമുള്ള കുട്ടികളുടെ സ്ക്രീൻ സമയം ഒരു മണിക്കൂറിൽ കവിയരുത്.
അഞ്ചു വയസ്സിനും കൗമാരക്കാർക്കും മുകളിൽ, മൊത്തത്തിലുള്ള വികസനത്തിന് ആവശ്യമായ മറ്റു പ്രവർത്തനങ്ങളുമായി സ്ക്രീൻ സമയം സന്തുലിതമാക്കേണ്ടത് പ്രധാനമാണ് -കുറഞ്ഞത് ഒരു മണിക്കൂറെങ്കിലും ശാരീരികപ്രവർത്തനങ്ങൾ, മതിയായ ഉറക്കം, സ്കൂൾ ജോലികൾക്കുള്ള സമയം, ഭക്ഷണം, ഹോബികൾ, കുടുംബസമയം എന്നിവ ആസൂത്രണം ചെയ്യണം. സ്ക്രീൻ ഉപയോഗം കാരണം ഈ പ്രവർത്തനങ്ങളിൽ ഏതെങ്കിലും നഷ്ടമായാൽ, അതിനെ അമിത സ്ക്രീൻ സമയം എന്നു വിളിക്കുന്നു, അത് നിർബന്ധമായും കുറക്കണം.
ദീർഘമായ സ്ക്രീൻ സമയത്തിന്റെ ഫലം?
ഒന്നിലധികം പ്രശ്നങ്ങൾ ഉണ്ടാകാം
1. ആരോഗ്യം: പൊണ്ണത്തടി, അസ്വസ്ഥമായ ഉറക്കം, തലവേദന, കണ്ണിന് ആയാസം, കഴുത്ത്, പുറംവേദന.
2. മാനസികാരോഗ്യം: അക്രമസ്വഭാവം, മോശം ഏകാഗ്രത, സൈബർ ഭീഷണി, മാധ്യമ ആസക്തി, അശ്ലീല സാഹിത്യം, മയക്കുമരുന്ന് ഉപയോഗം, സ്വയം ഉപദ്രവിക്കൽ, ഉത്കണ്ഠ, വിഷാദം, ലൈംഗികതയെക്കുറിച്ച വികലമായ ധാരണ ഇതെല്ലാം തന്നെ മാനസികാരോഗ്യ വിദഗ്ധന്റെ സഹായം തേടേണ്ടതാണ്.
3. സാമൂഹികം: സാമൂഹികവത്കരണം കുറയുന്നു.
4.സ്കോളസ്റ്റിക്: അക്കാദമിക് പ്രകടനം കുറഞ്ഞു പോകുന്നു.
ഡിജിറ്റൽ ഉപകരണങ്ങൾകൊണ്ടുള്ള നേട്ടം
സന്തുലിതവും ആരോഗ്യകരവുമായ രീതിയിൽ അവ മിതമായി ഉപയോഗിച്ചാൽ, അവക്ക് നിരവധി ഗുണങ്ങളുണ്ട്. സുഹൃത്തുക്കളുമായും കുടുംബാംഗങ്ങളുമായും ആശയവിനിമയം നടത്തുന്ന പഠനവും അറിവും പ്രോത്സാഹിപ്പിക്കുകയും സാമൂഹിക ഇടപെടൽ പ്രോത്സാഹിപ്പിക്കുകയും ചെയ്യും. ഓൺലൈൻ യോഗപോലുള്ള സ്മാർട്ട് ആപ്പുകൾ ആരോഗ്യകരമായ പെരുമാറ്റം സ്വീകരിക്കാൻ കുട്ടികളെ പ്രാപ്തരാക്കും. യൂട്യൂബും ബ്ലോഗിങ് പ്ലാറ്റ്ഫോമുകളും കുട്ടികൾക്ക് അവരുടെ കഴിവുകൾ പ്രകടിപ്പിക്കാനുള്ള അവസരങ്ങൾ നൽകുകയും ചെയ്യുന്നു. കമ്പ്യൂട്ടർ പ്രോഗ്രാമുകൾക്ക് ഓട്ടിസം ബാധിച്ച കുട്ടികളിൽ സാമൂഹിക സ്വഭാവവും പഠനപ്രശ്നങ്ങളുള്ള കുട്ടികളിൽ പഠനവൈദഗ്ധ്യവും മെച്ചപ്പെടുത്താൻ കഴിയും.
പൊണ്ണത്തടി സാധ്യത
ശാരീരിക പ്രവർത്തനങ്ങൾ കുറയുന്നതും സ്ക്രീനിനു മുന്നിൽ ദീർഘനേരം ഇരിക്കുന്നതും അമിതവണ്ണത്തിനുള്ള സാധ്യത വർധിപ്പിക്കുന്നു. മാതാപിതാക്കൾ പൊണ്ണത്തടിയുള്ളവരാണെങ്കിൽ കുട്ടികൾ അമിതവണ്ണത്തിനുള്ള സാധ്യത കൂടുതലാണ്. മാതാപിതാക്കളിൽ ഒരാൾ പൊണ്ണത്തടിയുള്ള കുട്ടികളിൽ പൊണ്ണത്തടി ഉണ്ടാകാനുള്ള സാധ്യത 3-4 മടങ്ങ് കൂടുതലാണ്. പൊണ്ണത്തടിയുള്ളവരിൽ തലവേദന, ബി.പി സാധ്യത വർധിക്കുന്നു, തളർച്ച, കാൽ വേദന (അസ്ഥി, സന്ധി സംബന്ധമായ രോഗങ്ങൾ), സ്ലീപ് അപ്നിയ, വയറുവേദന, കൂടക്കൂടെ മൂത്രമൊഴിക്കാനുള്ള പ്രവണത (നേരത്തേയുള്ള പ്രമേഹത്തിനുള്ള സാധ്യത), സ്കിൻ ടാഗുകൾ, കഴുത്തിനും തുടകൾക്കും ചുറ്റും ഇരുണ്ട നിറം എന്നിവയും ഉണ്ടാകും.
കുട്ടികൾക്ക് കുറഞ്ഞ സ്ക്രീൻ സമയംകൊണ്ട് രക്ഷിതാക്കൾ മാതൃക കാണിക്കണം. ഇടവേളകളിലോ ടി.വി കാണുമ്പോഴോ കുട്ടികളുടെ ജംപിങ്, എയ്റോബിക്സ്, പുഷ്-അപ്പുകൾ തുടങ്ങിയ കുറച്ച് ശാരീരിക പ്രവർത്തനങ്ങൾ അവർ ചെയ്യുകയും പ്രോത്സാഹിപ്പിക്കുകയും വേണം. അത്താഴത്തിനു ശേഷം, ടി.വി കാണുന്നതിനു പകരം, മാതാപിതാക്കൾക്ക് അവരുടെ കുട്ടികളുമായി കഥകൾ പറഞ്ഞ് സമയം ചെലവഴിക്കാം. നിങ്ങളുടെ അല്ലെങ്കിൽ നിങ്ങളുടെ കുട്ടിയുടെ കിടപ്പുമുറിയിലെ ടി.വി നീക്കം ചെയ്യണം. ഭക്ഷണം കഴിക്കുമ്പോൾ ടി.വി കാണരുത്.
ആരോഗ്യകരമായ ഭക്ഷണരീതികൾ:
1.കുടുംബമായി ഒരുമിച്ച് ഭക്ഷണം കഴിക്കുക.
2.ഭക്ഷണം കഴിക്കുമ്പോൾ ടി.വി/മൊബൈൽ കാണുന്നത് അമിതവണ്ണ സാധ്യത വർധിപ്പിക്കും.
3.ഒരു പ്രത്യേക ഭക്ഷണത്തിനുവേണ്ടി ശകാരിക്കുക / നിർബന്ധിക്കുക / ഭയപ്പെടുത്തുക എന്നിവ പാടില്ല.
4. വിവിധ നിറങ്ങളിലുള്ള പഴങ്ങളും പച്ചക്കറികളുമുള്ള ഭക്ഷണപദാർഥങ്ങൾ ഉൾപ്പെടുത്തണം
5.ഭക്ഷണത്തിലും ലഘുഭക്ഷണത്തിലും കൂടുതൽ പഴങ്ങളും പച്ചക്കറികളും നൽകാം.
6. പ്രഭാതഭക്ഷണം ഒരിക്കലും ഒഴിവാക്കരുത്. പഞ്ചസാര പാനീയങ്ങൾക്കും ജ്യൂസുകൾക്കും പകരം കുടിവെള്ളം ലഭ്യമാക്കണം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.