വാഹനാപകട മരണം: 60 ശതമാനവും  സീറ്റ്​ ബെൽറ്റ്​ ധരിക്കാത്തതിനാൽ

അബൂദബി: അബൂദബിയിലെ വാഹനാപകടങ്ങളിലുണ്ടാകുന്ന മരണങ്ങളിൽ 60 ശതമാനവും സീറ്റ്​ ബെൽറ്റ്​ ധരിക്കാത്തതിനാലാണെന്ന്​ അബൂദബി പൊലീസ്​. കഴിഞ്ഞ ഒമ്പത്​ മാസത്തിനിടെ സീറ്റ്​ ബെൽറ്റ്​ ധരിക്കാത്തതിന്​ 39,956 ഡ്രൈവർമാർക്കാണ്​ പിഴ ചുമത്തി​യതെന്നും പൊലീസ്​ അറിയിച്ചു. സീറ്റ്​ ബെൽറ്റ്​ ധരിച്ചാൽ വാഹനാപകടം കാരണമായുള്ള പരിക്ക്​ വളരെയധികം കുറയുമെന്നും ധരിച്ചില്ലെങ്കിൽ വലിയ അപകടമാണെന്നും അബൂദബി പൊലീസ്​ ഗതാഗത ഡയറക്​ടറേറ്റ്​ ഡയറക്​ടർ ബ്രിഗേഡിയർ അഹ്​മദ്​ ആൽ ശിഹി പറഞ്ഞു.

സീറ്റ്​ ബെൽറ്റ്​ ധരിക്കേണ്ടതി​​െൻറ പ്രാധാന്യത്തെ കുറിച്ച്​ വാഹനങ്ങൾ ഉപയോഗിക്കുന്നവർക്കിടയിൽ പൊലീസ്​ ബോധവത്​കരണം നടത്തിവരികയാണ്​. സീറ്റ്​ ബെൽറ്റ്​ എങ്ങനെ ജീവൻ രക്ഷിക്കുന്നുവെന്ന്​ വിശദീകരിച്ച്​ നൽകുന്നുണ്ട്​. കാറിലെ ഡ്രൈവറോ യാത്രക്കാരോ സീറ്റ്​ ബെൽറ്റ്​ ധരിച്ചിട്ടില്ലെങ്കിൽ ധരിക്കാത്ത ഒാരോരുത്തർക്കും 400 ദിർഹം വീതം പിഴ ഇൗടാക്കുകയും ഡ്രൈവറുടെ ലൈസൻസിൽ നാല്​ ബ്ലാക്ക്​ പോയൻറ്​ രേഖപ്പെടുത്തുകയും ചെയ്യുമെന്നും അദ്ദേഹം കൂട്ടിച്ചേർത്തു.