ദുബൈ പാർക്ക് സെൻററിലും അജ്മാൻ നാഷനൽ സർവേ സെൻററിലും സെഹ ഫൈസർ വാക്‌സിൻ

അബൂദബി: അബൂദബി ആരോഗ്യവകുപ്പി​െൻറ സഹകരണത്തോടെ ദുബൈ പാർക്ക് സെൻററിലും സെഹയുടെ അജ്മാൻ നാഷനൽ സർവേ സെൻററിലും ഫൈസർ വാക്​സിൻ നൽകുമെന്ന്​ അബൂദബി ഹെൽത്ത് സർവിസസ് കമ്പനി സെഹ അറിയിച്ചു.

ഈ രണ്ട് കേന്ദ്രങ്ങളിലും വാക്‌സിനേഷൻ സ്വീകരിക്കുന്നതിന് സെഹ ആപ്​ വഴി ബുക്ക് ചെയ്യാം. യു.എ.ഇയിൽ കോവിഡ് സുരക്ഷ ഉറപ്പാക്കാനുള്ള നടപടികൾ വേഗത്തിലാക്കേണ്ടതി‍െൻറയും സമൂഹത്തിലെ മുഴുവൻ അംഗങ്ങൾക്കും പ്രതിരോധ കുത്തിവെപ്പ് നടത്തേണ്ടതി​െൻറയും പ്രാധാന്യം സെഹ ചൂണ്ടിക്കാട്ടി. അബൂദബി, അൽ ഐൻ, അൽദഫ്ര എന്നിവിടങ്ങളിലെ നിരവധി കേന്ദ്രങ്ങളിൽ ഫൈസർ- ബയോടെക് വാക്‌സിൻ നൽകുന്നതായും സെഹ വ്യക്തമാക്കി.

അബൂദബി സായിദ് പോർട്ടിലെ സെഹ സെൻറർ ഫോർ കോവിഡ് -19 വാക്‌സിനേഷൻ, അൽ സഫ്‌റാന സെൻറർ ഫോർ ഡയഗ്‌നോസിസ് ആൻഡ് കോംപ്രിഹെൻസീവ് എക്‌സാമിനേഷൻ, മുഹമ്മദ് ബിൻ സായിദ് സിറ്റി ഹെൽത്ത് സെൻറർ, അൽ ബാഹിയ ഹെൽത്ത് സെൻറർ, ഔദ് അൽ തൗബ സെൻറർ ഫോർ ഡയഗ്‌നോസിസ് ആൻഡ് സ്‌ക്രീനിങ്, അൽ ഐൻ കൺവെൻഷൻ സെൻററിലെ കോവിഡ് -19 വാക്‌സിനേഷനുള്ള സമഗ്ര ആരോഗ്യ കേന്ദ്രം, അൽ ഐൻ സിറ്റിയിലെ നിയാമ ഹെൽത്ത് സെൻറർ, അൽ ദഫ്ര ഫാമിലി മെഡിസിൻ സെൻറർ എന്നിവിടങ്ങളിലാണ് ഫൈസർ വാക്‌സിൻ നൽകുന്നത്.