കരവിരുതിൽ ഷഹനാസ്​ വർണപ്രപഞ്ചം ഒരുക്കുന്നു

റാസൽഖൈമ: ഷഹനാസ്​ നസീറിന്​ ഇന്നത്തെ വർത്തമാന പത്രം നാളത്തെ പാഴ്​ക്കടലാസല്ല, തികവൊത്ത ചിത്രങ്ങൾ ചെത്തിയെടുക്കാനുള്ള കാൻവാസാണ്​. പിസ്​ത കഴിച്ച്​ മിച്ചം വരുന്ന തോട്​ അവർ മാലിന്യത്തൊട്ടിയിലിടാറില്ല, പകരം സവിശേഷമായ വസ്​തുക്കൾ നിർമിച്ച്​ വീടി​​​െൻറ ഭിത്തികൾക്ക്​ അലങ്കാരമാക്കും. ഇത്തരത്തിൽ നിരവധി കരകൗശല വസ്​തുക്കളും ചിത്രങ്ങളുമാണ്​ പഴയങ്ങാടി ചെറുകുന്ന്​ സ്വദേശിയായ ഇൗ കലാകാരി തയാറാക്കിയിരിക്കുന്നത്​. 

രണ്ട്​ വർഷം മുമ്പ്​ യു.എ.ഇയിലെത്തിയ ഷഹനാസ്​ നാട്ടിൽ അധ്യാപികയായിരുന്നു. സ്​കൂളിലെ പ്രോജക്​ട്​ വർക്കുകൾക്കും ശാസ്​ത്രമേളക്കുമെല്ലാം ആവശ്യമായ നിർമിതികൾ തയാറാക്കിയിരുന്നത്​ ഇവരായിരുന്നു. ചിത്രകാരി കൂടിയായ ഷഹനാസ്​ ഇൗയിടെയായി ത്രിമാന ചിത്രങ്ങളിലും ശ്രദ്ധ കേന്ദ്രീകരിക്കുന്നുണ്ട്​. ഹാൻഡ്​ എംബ്രോയ്​ഡറി മികവോടെ ചെയ്യുന്ന ഇവർ പഴയ വസ്​ത്രങ്ങൾ ഉപയോഗിച്ച്​ ബാഗുകൾ നിർമിക്കുന്നതിലും വിദഗ്​ധയാണ്​. റാസൽഖൈമയിൽ ജോലി ചെയ്യുന്ന നസീറി​​​െൻറ ഭാര്യയാണ്​ ഷഹനാസ്​.