ജൈടെക്സ്​ സന്ദർശിച്ച്​ ശൈഖ ലത്തീഫ

ദുബൈ: വേൾഡ്​ ട്രേഡ്​ സെന്‍ററിൽ തുടരുന്ന സാ​ങ്കേതികവിദ്യ പ്രദർശനമേളയായ ജൈടെക്സ്​ സന്ദർശിച്ച്​ ദുബൈ കൾചറൽ ആൻഡ്​ ആർട്​സ്​ അതോറിറ്റി ചെയർപേഴ്​സൺ ശൈഖ ലത്തീഫ ബിൻത്​ മുഹമ്മദ്​ ബിൻ റാശിദ്​ ആൽ മക്​തും.

സാ​ങ്കേതിക വിദ്യ മേഖലയിലെ അന്താരാഷ്ട്ര സഹകരണത്തിനുള്ള ഒരു ഉത്തേജകമായി ജൈടെക്സ്​ ​ഗ്ലോബൽ മാറുമെന്ന്​ ​അവർ പറഞ്ഞു. ആഗോളതലത്തിൽ ഡിജിറ്റൽ പരിവർത്തനം അതിവേഗത്തിൽ പുരോഗമിക്കുകയാണ്​. ഈ ഘട്ടത്തിൽ രാഷ്ട്രങ്ങൾ തമ്മിലുള്ള സഹകരണം നിർണായകമാണ്​.

സർഗാത്മക കഴിവുകൾ തോളോട്​ തോൾ ചേർന്ന്​ പ്രവർത്തിക്കുമ്പോൾ പുതിയ ആശയങ്ങൾ സൃഷ്ടിക്കപ്പെടുകയും മനുഷ്യരാശിക്ക്​ അത്​ ഉപകരിക്കുകയും ചെയ്യും. ഈ ഘട്ടത്തിലാണ്​ ജൈടെക്സിന്‍റെ പ്രാധാന്യം വർധിക്കുന്നതെന്നും ശൈഖ്​ ലത്തീഫ പറഞ്ഞു. ഈ മാസം 18 വരെ നടക്കുന്ന 44ാമത്​ പ്രദർശനത്തിൽ റെക്കോഡ്​ സന്ദർശകരാണ്​ എത്തുന്നത്​. 180 രാജ്യങ്ങളിൽനിന്നായി സർക്കാർ, സ്വകാര്യ മേഖലകളിലെ 6500 പ്രദർശകർ, 1800 സ്റ്റാർട്ടപ്പുകൾ, 1200 നിക്ഷേപകർ തുടങ്ങിയവരാണ്​ ഇത്തവണ മേളയിൽ ഒരുമിച്ചു കൂടുന്നത്​.