അഴകി​െൻറയുള്ളിലെ പാലാഴി കടഞ്ഞ് ഷാര്‍ജ കോര്‍ണീഷ്

ഷാ​ര്‍ജ: അ​റ​ബ് സം​സ്കൃ​തി​യു​ടെ ത​ല​സ്ഥാ​ന​മാ​യ ഷാ​ര്‍ജ​യു​ടെ വ​ള​ര്‍ച്ച​യു​ടെ ഓ​രോ ചു​വ​ടി​ലും ക​ട​ല​ല​ക​ളു​ടെ ആ​ഴ​മേ​റി​യ പ്രാ​ര്‍ഥ​ന​ക​ളു​ണ്ട്. മ​ല​യാ​ള​ക്ക​ര​യു​ടെ വ​ള​ര്‍ച്ച​യു​ടെ ആ​ദ്യ​പ​ട​വു​ക​ളി​ല്‍ കാ​ത് ചേ​ര്‍ത്തു​വെ​ച്ചാ​ല്‍ ഈ ​പ്രാ​ര്‍ഥ​ന വ്യ​ക്ത​മാ​യി കേ​ള്‍ക്കാ​മെ​ന്നു പ​റ​ഞ്ഞാ​ല്‍ അ​തി​ശ​യോ​ക്തി​യാ​വി​ല്ല. ആ​ഴ്ച​ക​ള്‍ നീ​ണ്ട പ​ത്തേ​മാ​രി യാ​ത്ര​യി​ല്‍ ബാ​ക്കി​വ​ന്ന പ്രാ​ണ​െൻറ കി​ത​പ്പു​ക​ളെ മ​ല​യാ​ളി ഇ​റ​ക്കി വെ​ച്ച​ത് ഷാ​ര്‍ജ​യു​ടെ തു​റ​മു​ഖ ന​ഗ​ര​മാ​യ ഖോ​ര്‍ഫ​ക്കാ​നി​ലാ​യി​രു​ന്നു. ക​ട​ലി​ല്‍ ത​ല​യു​യ​ര്‍ത്തി നി​ല്‍ക്കു​ന്ന മ​ല​ക​ള്‍ക്ക് സ​മീ​പ​ത്താ​യി ന​ങ്കു​ര​മി​ട്ട പ​ത്തേ​മാ​രി​യി​ല്‍നി​ന്ന് നീ​ന്തി വ​ന്ന മ​ല​യാ​ളി​ക​ളെ ര​ണ്ടു​കൈ​യും നീ​ട്ടി സ്വീ​ക​രി​ച്ച​തും പി​ന്നീ​ട് ജീ​വി​ത​ത്തോ​ടും മ​ര​ണ​ത്തോ​ടും മ​ല്ലി​ട്ട് ക​ര​ക്കെ​ത്തി​യ​വ​ർ​ക്ക്​ ആ​വി പ​റ​ക്കു​ന്ന ഭ​ക്ഷ​ണ​വും ത​ല​ചാ​യ്ക്കാ​ന്‍ ത​ണ​ലും മാ​റ്റി​യു​ടു​ക്കാ​ന്‍ ഉ​ടു​പ്പും ന​ല്‍കി​യ​ത് പ​റ​ങ്കി​ക​ളെ അ​ടി​ച്ചോ​ടി​ച്ച ക​രു​ത്തു​ള്ള ഖോ​ര്‍ഫ​ക്കാ​ന്‍ നി​വാ​സി​ക​ളാ​യി​രു​ന്നു.

ഷാ​ര്‍ജ​യു​ടെ തീ​ര​ങ്ങ​ളി​ല്‍ ഏ​റെ പ്രാ​ധാ​ന്യ​മു​ണ്ട് അ​ജ്മാ​നോ​ട് ചേ​ര്‍ന്ന് കി​ട​ക്കു​ന്ന ഫി​ഷ്ത്ത് കോ​ര്‍ണീ​ഷി​ന്. ക​ച്ച​വ​ട​ങ്ങ​ളി​ലൂ​ടെ ലോ​ക​ത്തെ ഷാ​ര്‍ജ​യു​മാ​യി വി​ള​ക്കി ചേ​ര്‍ത്ത​ത് ഈ ​തീ​ര​മാ​ണ്. പ്ര​ശ​സ്ത​മാ​യ ഖാ​ലി​ദ് തു​റ​മു​ഖം ഇ​വി​ടെ​യാ​ണ്. ഫി​ഷ്ത്ത് ബീ​ച്ചി​നെ വൈ​വി​ധ്യ​ങ്ങ​ളു​ടെ വ​ര്‍ണ​ങ്ങ​ള്‍കൊ​ണ്ട് ക​ട​ഞ്ഞെ​ടു​ത്തി​രി​ക്കു​ക​യാ​ണ് സാം​സ്കാ​രി​ക ന​ഗ​രം. പു​ല്‍മേ​ടു​ക​ളും പൂ​ച്ചെ​ടി​ക​ളും പൂ​ങ്കാ​റ്റും അ​ഴ​ക് വി​രി​ക്കു​ന്ന ന​ട​പ്പാ​ത​ക​ളും സൈ​ക്കി​ള്‍ ട്രാ​ക്കു​ക​ളും അ​ല്‍ മു​ന്‍ത​സ റോ​ഡും സ​ന്ദ​ര്‍ക​ര്‍ക്ക് ക​ട​ല്‍ കാ​ഴ്ച​ക​ള്‍ ആ​സ്വ​ദി​ക്കാ​നു​ള്ള ഇ​രി​പ്പി​ട​ങ്ങ​ളും മ​നോ​ഹ​ര​മാ​ണ്. ഒൗ​ദ്യോ​ഗി​ക​മാ​യി തു​റ​ന്നി​ട്ടി​ല്ലെ​ങ്കി​ലും പ​രി​സ​ര​വാ​സി​ക​ള്‍ വ്യാ​യാ​മ​ത്തി​നും വി​ശ്ര​മ​ത്തി​നു​മാ​യി ഇ​വി​ടെ എ​ത്തു​ന്നു​ണ്ട്. അ​രി​ക​ത്തു​കൂ​ടി ഒ​രു കാ​റ്റു ക​ട​ന്നു​പോ​യാ​ല്‍ അ​തി​െൻറ ച​ങ്കേ​ല​സ് കി​ലു​ങ്ങു​ന്ന ശ​ബ്​​ദം വ്യ​ക്ത​മാ​യി കേ​ള്‍ക്ക​ണ​മെ​ന്ന വി​ധ​ത്തി​ലാ​ണ് റോ​ഡി​നെ​യും തീ​ര​ത്തെ​യും വേ​ര്‍തി​രി​ച്ച​ത്. ഓ​രോ പാ​ത​ക​ളെ​യും വ്യ​ത്യ​സ്ത വ​ര്‍ണ​ത്തി​ല്‍ ചാ​ലി​ച്ചി​രി​ക്കു​ന്നു. ടെ​ലി​ഫോ​ണ്‍ ബൂ​ത്തു​ക​ളി​ല്‍ പോ​ലും അ​ഴ​ക് കി​നി​യു​ന്ന​ത് കാ​ണാം.

അ​ജ്മാ​ന്‍ അ​തി​ര്‍ത്തി​യി​ല്‍ നി​ന്ന് തു​ട​ങ്ങി ദു​ബൈ അ​തി​ര്‍ത്തി വ​രെ എ​ത്തു​ന്ന, 27 കി​ലോ​മീ​റ്റ​ര്‍ സൈ​ക്കി​ള്‍പാ​ത, വ്യാ​യാ​മ​പാ​ത എ​ന്നി​വ അ​ധി​കം വൈ​കാ​തെ സ​ന്ദ​ര്‍ശ​ക​ര്‍ക്കാ​യി തു​റ​ക്കും. ഷാ​ര്‍ജ ന​ഗ​ര ആ​സൂ​ത്ര​ണ കൗ​ണ്‍സി​ല്‍ (എ​സ്.​യു.​പി.​സി) ആ​ണ് പ​ദ്ധ​തി​ക്ക് ചു​ക്കാ​ന്‍ പി​ടി​ക്കു​ന്ന​ത്. ഫി​ഷ്ത്ത്, ഷാ​ര്‍ജ കോ​ര്‍ണീ​ഷു​ക​ളെ കോ​ര്‍ത്തി​ണ​ക്കി​യു​ള്ള പ​ദ്ധ​തി പൂ​ര്‍ണ​മാ​കു​ന്ന​തോ​ടെ സ​ന്ദ​ര്‍ശ​ക​രു​ടെ കു​ത്തൊ​ഴു​ക്കാ​യി​രി​ക്കും. ഇ​ത് മു​ന്‍കൂ​ട്ടി ക​ണ്ട് പാ​ര്‍ക്കി​ങും സ​ര്‍വീ​സ് റോ​ഡു​ക​ളു​ടെ​യും പോ​ഷ​ക റോ​ഡു​ക​ളു​ടെ​യും സൗ​ക​ര്യ​ങ്ങ​ളും വ​ര്‍ധി​പ്പി​ച്ചി​ട്ടു​ണ്ട്. പൂ​ക്ക​ളും പു​ല്‍മേ​ടു​ക​ളും വി​ശ്ര​മ കേ​ന്ദ്ര​ങ്ങ​ളും വി​നോ​ദ​ങ്ങ​ളും കോ​ര്‍ത്തി​ണ​ക്കി​യു​ള്ള, 3.3 ബീ​ച്ച് ഫ്ര​ണ്ട് വി​ക​സ​നം ഷാ​ര്‍ജ​യു​ടെ സ്വ​പ്ന പ​ദ്ധ​തി​ക​ളി​ല്‍ പ്ര​ധാ​ന​മാണ്. സു​പ്രീം കൗ​ണ്‍സി​ല്‍ അം​ഗ​വും ഷാ​ര്‍ജ ഭ​ര​ണാ​ധി​കാ​രി​യു​മാ​യ ശൈ​ഖ് ഡോ. ​സു​ല്‍ത്താ​ന്‍ ബി​ന്‍ മു​ഹ​മ്മ​ദ് ആ​ല്‍ ഖാ​സി​മി​യു​ടെ പ്ര​ത്യേ​ക​നി​ര്‍ദേ​ശ പ്ര​കാ​ര​മു​ള്ള​താ​ണ് ഈ ​പ​ദ്ധ​തി. ഷാ​ര്‍ജ​യു​ടെ പ്ര​ധാ​ന വി​നോ​ദ​മേ​ഖ​ല​ക​ളെ ബ​ന്ധി​പ്പി​ച്ച് നി​ര്‍മി​ക്കു​ന്ന സൈ​ക്കി​ള്‍, വ്യാ​യാ​മ പാ​ത പ്ര​ദേ​ശ​വാ​സി​ക​ളു​ടെ ആ​രോ​ഗ്യ​ത്തി​ന് കൂ​ട്ടാ​കും. പ​ച്ച​പ്പാ​ര്‍ന്ന മേ​ഖ​ല​യി​ലൂ​ടെ ക​ട​ന്നു​പോ​കു​ന്ന പാ​ത​യോ​ട് ചേ​ര്‍ന്ന് പൂ​മ​ര​ങ്ങ​ളു​ടെ ത​ണ​ലും ഒ​രു​ക്കു​ന്നു​ണ്ട്. പൂ​ര്‍ണ​മാ​യും ബീ​ച്ചി​നോ​ട് ചേ​ര്‍ന്നാ​ണ് ഈ 27 ​കി​ലോ​മീ​റ്റ​ര്‍ പാ​ത. പ​ട്ട​ണ​ത്തി​നോ​ട് ചേ​ര്‍ന്നാ​ണെ​ങ്കി​ലും, വാ​ഹ​ന​ങ്ങ​ളു​ടെ കാ​ത​ട​പ്പി​ക്കു​ന്ന ശ​ബ്​​ദ​മോ മ​ലി​നീ​ക​ര​ണ​മോ ബാ​ധി​ക്കാ​ത്ത രീ​തി​യി​ലാ​ണ് ഒ​രു​ക്കി​യ​ത്. 2012 മു​ത​ല്‍ ലോ​കാ​രോ​ഗ്യ സം​ഘ​ട​ന​യു​ടെ ഹെ​ല്‍ത്ത് സി​റ്റി പ​ദ്ധ​തി​യി​ല്‍ ഷാ​ര്‍ജ അം​ഗ​മാ​ണ്. പൊ​തു​ജ​നാ​രോ​ഗ്യ​ത്തെ സം​ര​ക്ഷി​ക്കാ​നും ക്ഷേ​മം ഉ​റ​പ്പു​വ​രു​ത്താ​നും മു​ന്‍കൈ എ​ടു​ത്ത​തി​െൻറ ഫ​ല​മാ​യി 2015ല്‍ ​മി​ഡി​ൽ ഈ​സ്​​റ്റി​ലെ ആ​ദ്യ​ത്തെ ആ​രോ​ഗ്യ പ​രി​പാ​ല​ന ന​ഗ​ര​മാ​യി ലോ​കാ​രോ​ഗ്യ സം​ഘ​ട​ന തെ​ര​ഞ്ഞെ​ടു​ത്തി​രു​ന്നു.

കു​ടും​ബ​ങ്ങ​ളു​ടെ എ​ക്കാ​ല​ത്തെ​യും ഇ​ഷ്​​ട​മാ​ണ് ഫി​ഷ്ത്ത് കോ​ര്‍ണീ​ഷ്. ഇ​റ​ച്ചി ചു​ട​ല്‍, ഹു​ക്ക എ​ന്നി​വ തീ​ര​മേ​ഖ​ല​യി​ല്‍ അ​നു​വ​ദി​ക്കാ​ത്ത​തും തീ​ര​ത്തി​െൻറ ശാ​ന്ത​ത​യും ശാ​ലീ​ന​ത​യും കു​ടും​ബ​ങ്ങ​ളെ ഇ​വി​ടേ​ക്ക് ആ​ക​ര്‍ഷി​ക്കു​ന്ന ഘ​ട​ക​മാ​ണ്. ഖാ​ലി​ദ് തു​റ​മു​ഖ​ത്തി​ന് എ​തി​ര്‍ ഭാ​ഗ​​െത്ത ബീ​ച്ചി​ലി​രു​ന്നാ​ല്‍ ക​പ്പ​ലു​ക​ള്‍ ച​ര​ക്കു​മാ​യി പോ​കു​ന്ന​ത് കാ​ണാം. ക​വി​ക​ളേ​റെ ജീ​വി​ച്ചി​രു​ന്ന അ​ല്‍ ഹി​റ പ്ര​ദേ​ശം ബീ​ച്ചി​ന് വി​ളി​പ്പാ​ട​ക​ലെ​യാ​ണ്. യു.​എ.​ഇ​യു​ടെ നാ​ടോ​ടി കാ​വ്യ ശാ​ഖ​യാ​യ മു​ന്‍ഷി​ദും ന​ബാ​ത്തി​യും പി​റ​ന്ന​ത് ഈ ​തീ​ര​ത്താ​ണ്. സ്നേ​ഹാ​ര്‍ദ്ര വാ​ക്കു​ക​ള്‍കൊ​ണ്ട് ഷാ​ര്‍ജ​യെ ലോ​ക​ത്തി​ന് മു​ന്നി​ല്‍ ഉ​യ​ര്‍ത്തി​ക്കാ​ട്ടി​യ​വ​രി​ല്‍ മു​ബാ​റ​ക് അ​ല്‍ ഒ​കൈ​ലി (1880-1954), സേ​ലം ബി​ന്‍ അ​ലി അ​ല്‍ ഉ​വൈ​സ് (1887-1959), അ​ഹ​മ്മ​ദ് ബി​ന്‍ സു​ലൈം (1905-1976) എ​ന്നി​വ​രെ ആ​ധു​നി​ക ഷാ​ര്‍ജ ഇ​ന്നും വാ​യി​ക്കു​ന്നു. അ​ന്താ​രാ​ഷ്​​ട്ര പു​സ്ത​കോ​ത്സ​വ​ത്തി​ല്‍ ഇ​വ​രു​ടെ പു​സ്ത​ക​ങ്ങ​ള്‍ എ​ത്തു​ന്നു. ഖ​ല്‍ഫാ​ന്‍ മു​സ​ബ (1923-1946), ഷാ​ര്‍ജ​യു​ടെ മു​ന്‍ ഭ​ര​ണാ​ധി​കാ​രി ശൈ​ഖ് സാ​ഖ​ര്‍ അ​ല്‍ ഖാ​സി​മി (1925-1993), സു​ല്‍ത്താ​ന്‍ ബി​ന്‍ അ​ലി അ​ല്‍ ഉ​വൈ​സ് (1925-2000) എ​ന്നി​വ​രാ​ണ് യു.​എ.​ഇ​യി​ലെ ഈ ​ഗ​ണ​ത്തി​ലു​ള്ള മ​റ്റ് മൂ​ന്ന് ക​വി​ക​ള്‍. ഹീ​റ ഗ്രൂ​പ് എ​ന്ന​റി​യ​പ്പെ​ടു​ന്ന മൂ​ന്ന് ക​വി​ക​ള്‍ ഷാ​ര്‍ജ​യി​ലെ അ​ല്‍ഹീ​റ ഗ്രാ​മ​ത്തി​ലാ​ണ് വ​ള​ര്‍ന്ന​തും ലോ​ക​ത്തോ​ളം പ​ട​ര്‍ന്ന​തും. മി​ല്യ​ന്‍സ് ക​വി എ​ന്ന​റി​യ​പ്പെ​ടു​ന്ന ഏ​റ്റ​വും വ​ലി​യ ന​ബാ​ത്തി ക​വി​ത മ​ത്സ​ര​ങ്ങ​ളി​ലൊ​ന്ന് 2006 മു​ത​ല്‍ യു.​എ.​ഇ​യി​ല്‍ ന​ട​ന്നു​വ​രു​ന്നു, ഇ​ത് ഒ​രു റി​യാ​ലി​റ്റി ടി​വി ഷോ​യാ​യി പ്ര​ക്ഷേ​പ​ണം ചെ​യ്യു​ന്നു. യു.​എ.​ഇ​യു​ടെ ആ​ദ്യ​ത്തെ ന​ബാ​ത്തി അ​ക്കാ​ദ​മി 2008 ലാ​ണ് സ്ഥാ​പി​ച്ചത്.