മ​രു​ഭൂ​മി​യി​ൽ നാ​ട​ക അ​ര​ങ്ങ്​; ഷാ​ർ​ജ ഡെ​സേ​ർ​ട്ട് തി​യ​റ്റ​ർ ഫെ​സ്റ്റി​വ​ലി​ന്​ തു​ട​ക്കം

ഷാ​ർ​ജ: മ​രു​ഭൂ​മി അ​ര​ങ്ങും ക​ഥാ​പാ​ത്ര​വു​മാ​കു​ന്ന ഷാ​ർ​ജ ഡെ​സേ​ർ​ട്ട് തി​യ​റ്റ​ർ ഫെ​സ്റ്റി​വ​ലി​ന്‍റെ ആ​റാം പ​തി​പ്പി​ന്​ ഉ​ജ്ജ്വ​ല തു​ട​ക്കം. സാം​സ്കാ​രി​ക വ​കു​പ്പ് സം​ഘ​ടി​പ്പി​ക്കു​ന്ന ഫെ​സ്റ്റി​വ​ൽ സു​പ്രീം​കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​കാ​രി​യു​മാ​യ ശൈ​ഖ്​ സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി ഉ​ദ്​​ഘാ​ട​നം ചെ​യ്തു. ഡി​സം​ബ​ർ 13 വ​രെ അ​ൽ കി​ഹൈ​ഫി​ൽ ന​ട​ക്കു​ന്ന മേ​ള​യു​ടെ ഉ​ദ്​​ഘാ​ട​ന നാ​ട​ക​മാ​യ 'സ​ല്ലൂം അ​ൽ അ​റ​ബ്​' ഷാ​ർ​ജ ഭ​ര​ണാ​ധി​കാ​രി വീ​ക്ഷി​ക്കു​ക​യും ചെ​യ്തു.

ഇ​മാ​റാ​ത്തി ബ​ദ​വി ജീ​വി​ത​ത്തി​ന്‍റെ ആ​ചാ​ര​ങ്ങ​ളും പാ​ര​മ്പ​ര്യ​ങ്ങ​ളും മൂ​ല്യ​ങ്ങ​ളും പൈ​തൃ​ക​വും ഉ​ൾ​ക്കൊ​ള്ളു​ന്ന ക​ഥ​യാ​ണ്​ പ​റ​യു​ന്ന​ത്. യു.​എ.​ഇ, ഈ​ജി​പ്ത്, മൊ​റോ​ക്കോ, സി​റി​യ, മോ​റി​ത്താ​നി​യ എ​ന്നി​വി​ട​ങ്ങ​ളി​ലെ അ​ഞ്ച് നാ​ട​ക ടീ​മും അ​റ​ബ് രാ​ജ്യ​ങ്ങ​ളി​ൽ​നി​ന്നു​ള്ള ഡ​സ​ൻ ക​ണ​ക്കി​ന് നാ​ട​ക ക​ലാ​കാ​ര​ന്മാ​രു​ടെ സാ​ന്നി​ധ്യ​വും ഫെ​സ്റ്റി​വ​ലി​ലു​ണ്ട്.