ഷാ​ര്‍ജ ഊ​ര്‍ജ സം​ര​ക്ഷ​ണ യ​ജ്ഞം; മൂ​ന്നാം​ഘ​ട്ട​ത്തി​ല്‍ 417 ഗു​ണ​ഭോ​ക്താ​ക്ക​ള്‍

ഷാ​ര്‍ജ: എ​മി​റേ​റ്റി​ൽ ജ​ല-​വൈ​ദ്യു​തി ഉ​പ​ഭോ​ഗം കു​റ​ച്ച് ഊ​ര്‍ജ സം​ര​ക്ഷ​ണം ഉ​റ​പ്പാ​ക്കു​ക​യെ​ന്ന ല​ക്ഷ്യ​ത്തോ​ടെ ന​വീ​ന സാ​ങ്കേ​തി​ക​ത​യി​ല്‍ പ്ര​വ​ര്‍ത്തി​ക്കു​ന്ന വാ​ട്ട​ര്‍ ഹീ​റ്റ​ര്‍ ഉ​ള്‍പ്പെ​ടു​ന്ന വൈ​ദ്യു​തി ഉ​പ​ക​ര​ണ​ങ്ങ​ൾ സ്ഥാ​പി​ക്കു​ന്ന പ്ര​വൃ​ത്തി​ക​ള്‍ മൂ​ന്നാം ഘ​ട്ട​ത്തി​ലേ​ക്ക് പ്ര​വേ​ശി​ച്ച​താ​യി ഷാ​ര്‍ജ ഇ​ല​ക്ട്രി​സി​റ്റി, വാ​ട്ട​ര്‍ ആ​ൻ​ഡ് ഗ്യാ​സ് അ​തോ​റി​റ്റി (സേ​വ).

യു.​എ.​ഇ സു​പ്രീം കൗ​ണ്‍സി​ല്‍ അം​ഗ​വും ഷാ​ര്‍ജ ഭ​ര​ണാ​ധി​പ​നു​മാ​യ ശൈ​ഖ് ഡോ. ​സു​ല്‍ത്താ​ന്‍ ബി​ന്‍ മു​ഹ​മ്മ​ദ് ആ​ല്‍ ഖാ​സി​മി​യു​ടെ നി​ർ​ദേ​ശ​പ്ര​കാ​രം 20 ദ​ശ​ല​ക്ഷം ദി​ര്‍ഹം വ​ക​യി​രു​ത്തി​യു​ള്ള​താ​ണ് പ​ദ്ധ​തി.

ഷാ​ര്‍ജ സി​റ്റി 233, ഖോ​ര്‍ഫു​ക്കാ​ന്‍ 70, ക​ല്‍ബ 108, മ​ധ്യ മേ​ഖ​ല ആ​റ് എ​ന്നി​ങ്ങ​നെ 417 കു​ടും​ബ​ങ്ങ​ളാ​ണ് മൂ​ന്നാം ഘ​ട്ട​ത്തി​ലെ ആ​ദ്യ ഗു​ണ​ഭോ​ക്താ​ക്ക​ള്‍. ആ​ദ്യ ര​ണ്ട് ഘ​ട്ട​ങ്ങ​ളി​ല്‍ 3,916 വീ​ടു​ക​ളി​ലാ​ണ് ഉ​പ​ക​ര​ണ​ങ്ങ​ള്‍ സ്ഥാ​പി​ച്ച​ത്. ഇ​തി​ലൂ​ടെ വൈ​ദ്യു​തി ഉ​പ​ഭോ​ഗ​ത്തി​ല്‍ 40 ശ​ത​മാ​ന​വും ജ​ല ഉ​പ​ഭോ​ഗ​ത്തി​ല്‍ 63 ശ​ത​മാ​ന​ത്തി​ന്റെ​യും കു​റ​വ് രേ​ഖ​പ്പെ​ടു​ത്തി​യ​താ​യി സേ​വ വൃ​ത്ത​ങ്ങ​ള്‍ വ്യ​ക്ത​മാ​ക്കി.

വൈ​ദ്യു​തി കു​റ​ക്കു​ന്ന​തി​നു​ള്ള 60,263ഉം ​ജ​ല സം​ര​ക്ഷ​ണ​ത്തി​ന് 23,482ഉം ​ഉ​പ​ക​ര​ണ​ങ്ങ​ളാ​യി​രു​ന്നു ആ​ദ്യ ഘ​ട്ട​ങ്ങ​ളി​ല്‍ സ്ഥാ​പി​ച്ച​ത്. ആ​കെ 134,186 ഉ​പ​ക​ര​ണ​ങ്ങ​ൾ സ്ഥാ​പി​ക്കു​ന്ന പ്ര​വൃ​ത്തി​ക​ളാ​ണ് ഇ​തു​വ​രെ ന​ട​ന്ന​ത്.