ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ തെ​ര​ഞ്ഞെ​ടു​പ്പ്; മ​തേ​ത​ര മു​ന്ന​ണി​യു​ടെ പ​രാ​ജ​യ​ത്തി​നു​ കാ​ര​ണം നേ​തൃ​ത്വ​ത്തി​ന്‍റെ പി​ടി​പ്പു​കേ​ടെ​ന്ന്​ ആക്ഷേപം

ഷാ​ര്‍ജ: ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ തെ​ര​ഞ്ഞെ​ടു​പ്പി​ല്‍ മു​സ്‍ലിം​ലീ​ഗും ഇ​ട​തു​പ​ക്ഷ​വും നേ​തൃ​ത്വം ന​ല്‍കി​യ ജ​നാ​ധി​പ​ത്യ മു​ന്ന​ണി കോ​ണ്‍ഗ്ര​സ് നേ​തൃ​ത്വം ന​ല്‍കി​യ മ​തേ​ത​ര മു​ന്ന​ണി​യെ പ​രാ​ജ​യ​പ്പെ​ടു​ത്തി​യ​ത്​ കോ​ണ്‍ഗ്ര​സ് പോ​ഷ​ക സം​ഘ​ട​ന​യാ​യ ഇ​ന്‍കാ​സ് നേ​തൃ​ത്വ​ത്തി​ന്‍റെ പി​ടി​പ്പു​കേ​ടെ​ന്ന് കോ​ണ്‍ഗ്ര​സ് പ്ര​വ​ര്‍ത്ത​ക​ര്‍ക്കി​ട​യി​ല്‍ ആ​ക്ഷേ​പം.

വി​ജ​യ​ക്കൊ​ടി പാ​റി​ച്ച ജ​നാ​ധി​പ​ത്യ മു​ന്ന​ണി സ​ത്യ​പ്ര​തി​ജ്ഞ​ക്കൊ​രു​ങ്ങു​മ്പോ​ഴാ​ണ് ഇ​ന്‍കാ​സ് പ്ര​വ​ര്‍ത്ത​ക​രി​ല്‍ ഒ​രു വി​ഭാ​ഗം നേ​തൃ​ത്വ​ത്തി​നു​നേ​രെ ആ​ക്ഷേ​പ​ങ്ങ​ള്‍ ഉ​യ​ര്‍ത്തു​ന്ന​ത്.

കേ​ര​ള​ത്തി​ലെ പോ​ലെ യു.​എ.​ഇ​യി​ലും കോ​ണ്‍ഗ്ര​സി​നൊ​പ്പം നി​ല​യു​റ​പ്പി​ച്ചു​പോ​രു​ന്ന മു​സ്‍ലിം​ലീ​ഗി​ന്‍റെ പോ​ഷ​ക സം​ഘ​ട​ന​യാ​യ കെ.​എം.​സി.​സി ഇ​ട​തു​പ​ക്ഷ​ത്തി​നൊ​പ്പം ചേ​രു​ന്ന​തും കോ​ണ്‍ഗ്ര​സി​ലെ പ്ര​മു​ഖ അം​ഗ​ങ്ങ​ളു​ടെ വി​മ​ത​സ്വ​രം അ​വ​ഗ​ണി​ച്ച​തും പ​രാ​ജ​യം ക്ഷ​ണി​ച്ചു​വ​രു​ത്തു​ക​യാ​യി​രു​ന്നു​വെ​ന്നാ​ണ് സാ​ധാ​ര​ണ പ്ര​വ​ര്‍ത്ത​ക​ര്‍ക്കൊ​പ്പം മു​തി​ര്‍ന്ന കോ​ണ്‍ഗ്ര​സ് പ്ര​വ​ര്‍ത്ത​ക​രും അ​ഭി​പ്രാ​യ​പ്പെ​ടു​ന്ന​ത്.

ഞ​ങ്ങ​ള്‍ക്കൊ​പ്പം ഉ​ണ്ടാ​യി​രു​ന്ന​വ​ര്‍ മ​റു​പ​ക്ഷം ചേ​ര്‍ന്നാ​ല്‍ എ​ങ്ങ​നെ ജ​യി​ച്ച് ക​യ​റു​മെ​ന്ന മ​റു​ചോ​ദ്യ​മാ​ണ് ഭ​ര​ണ​സ​മി​തി​യി​ല്‍ പ്ര​സി​ഡ​ന്‍റ് പ​ദം അ​ല​ങ്ക​രി​ക്കു​ക​യും മ​തേ​ത​ര മു​ന്ന​ണി​യി​ല്‍ ജ​ന​റ​ല്‍ സെ​ക്ര​ട്ട​റി പ​ദ​ത്തി​ലേ​ക്ക് മ​ത്സ​രി​ച്ച് പ​രാ​ജ​യ​പ്പെ​ടു​ക​യും ചെ​യ്ത അ​ഡ്വ. വൈ.​എ. റ​ഹീം ‘ഗ​ള്‍ഫ് മാ​ധ്യ​മ’​ത്തോ​ട് പ്ര​തി​ക​രി​ച്ച​ത്. കൂ​ടെ​യു​ണ്ടാ​യി​രു​ന്ന​വ​ര്‍ മ​റു മു​ന്ന​ണി​യി​ല്‍ ചേ​രു​ന്ന​ത് ത​ട​യാ​ന്‍ പ​ര​മാ​വ​ധി ശ്ര​മി​ച്ചു​വെ​ന്നും റ​ഹീം പ​റ​ഞ്ഞു.

ക​ഴി​ഞ്ഞ ത​വ​ണ കോ​ണ്‍ഗ്ര​സി​നൊ​പ്പം മ​ത്സ​രി​ച്ച കെ.​എം.​സി.​സി, എ​ന്‍.​ആ​ര്‍.​ഐ ഫോ​റം, ടീം ​ഇ​ന്ത്യ, സ​മ​ദ​ര്‍ശി​നി, മാ​ല്‍ക്ക തു​ട​ങ്ങി​യ കൂ​ട്ടാ​യ്മ​ക​ളു​ടെ കൂ​ടു​മാ​റ്റ​മാ​ണ് മ​തേ​ത​ര​മു​ന്ന​ണി​ക്ക് പ്ര​ഹ​ര​മേ​ല്‍പ്പി​ച്ച​തെ​ന്ന് മു​തി​ര്‍ന്ന കോ​ണ്‍ഗ്ര​സ് പ്ര​വ​ര്‍ത്ത​ക​ന്‍ ബാ​ല​കൃ​ഷ്ണ​ന്‍ പ​റ​ഞ്ഞു. മേ​യി​ല്‍ കോ​ഓ​ഡി​നേ​ഷ​ന്‍ ക​മ്മി​റ്റി പി​രി​ച്ചു​വി​ട്ട​തു മു​ത​ല്‍ യു.​എ.​ഇ ഇ​ന്‍കാ​സ് നേ​തൃ​ത്വ​ത്തി​ലു​ണ്ടാ​യ ജാ​ഗ്ര​ത​ക്കു​റ​വും കൂ​ട്ടാ​യ്മ​ക​ളു​ടെ കൂ​ടു​മാ​റ്റ​ത്തി​നി​ട​യാ​ക്കി.

നി​ല​വി​ല്‍ പ്ര​സി​ഡ​ന്‍റാ​യി തി​ര​ഞ്ഞെ​ടു​ക്ക​പ്പെ​ട്ട നി​സാ​ര്‍ ത​ള​ങ്ക​ര​യാ​യി​രു​ന്നു കോ​ഓ​ഡി​നേ​ഷ​ന്‍ ക​മ്മി​റ്റി​യു​ടെ ചെ​യ​ര്‍മാ​ന്‍. തെ​ര​ഞ്ഞെ​ടു​പ്പി​നെ നേ​രി​ടു​ന്ന​തി​നു​ള്ള മു​ന്നൊ​രു​ക്ക​ങ്ങ​ളി​ല്‍ പാ​ളി​ച്ച പ​റ്റി​യ​ത് എ​തി​ര്‍പ​ക്ഷ​ത്തി​ന് നേ​ട്ട​മാ​യ​താ​യും ബാ​ല​കൃ​ഷ്ണ​ന്‍ വ്യ​ക്ത​മാ​ക്കി.

പൊ​തു​സ​മൂ​ഹം വി​ല​മ​തി​ക്കു​ന്ന ഇ​ന്‍കാ​സ് നേ​താ​ക്ക​ള്‍ വി​മ​ത​രാ​യി മ​ത്സ​ര രം​ഗ​ത്തി​റ​ങ്ങി​യ​ത് മ​തേ​ത​ര ജ​നാ​ധി​പ​ത്യ മു​ന്ന​ണി​യു​ടെ ത​ക​ര്‍ച്ച​ക്കി​ട​യാ​ക്കി​യ​താ​യി പു​ന്ന​ക്ക​ന്‍ മു​ഹ​മ്മ​ദ​ലി പ​റ​ഞ്ഞു. പ​ത്ത​നം​തി​ട്ട, തി​രു​വ​ന​ന്ത​പു​രം ഇ​ന്‍കാ​സ് ജി​ല്ല ക​മ്മി​റ്റി നേ​താ​ക്ക​ള്‍ വി​മ​ത​പ​ക്ഷ​ത്തെ​ത്തി​യ​ത് തോ​ല്‍വി​യു​ടെ ആ​ക്കം​കൂ​ട്ടി. കോ​ണ്‍ഗ്ര​സു​കാ​രാ​യ അ​ഹ​മ്മ​ദ് ഖാ​ന്‍ ഒ.​വൈ, എ​സ്.​എം. റാ​ഫി എ​ന്നി​വ​ര്‍ സ​മ​ഗ്ര മു​ന്ന​ണി​യി​ല്‍നി​ന്ന് നേ​ടി​യ​ത് 262 വോ​ട്ടു​ക​ളാ​ണ്.

യു.​എ.​ഇ​യി​ലെ ഇ​ന്‍കാ​സ് നേ​തൃ​ത്വം ബു​ദ്ധി​പ​ര​മാ​യ ത​ന്ത്ര​ങ്ങ​ള്‍ ആ​വി​ഷ്ക​രി​ച്ചി​രു​ന്നെ​ങ്കി​ല്‍ ഈ ​വോ​ട്ടു​ക​ള്‍ മ​തേ​ത​ര മു​ന്ന​ണി​യി​ലെ പെ​ട്ടി​യി​ല്‍ വീ​ഴു​മാ​യി​രു​ന്നു​വെ​ന്നും പു​ന്ന​ക്ക​ന്‍ തു​ട​ര്‍ന്നു. അ​തേ​സ​മ​യം, ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ ഭ​ര​ണ​സ​മി​തി തെ​ര​ഞ്ഞെ​ടു​പ്പി​നെ കേ​ര​ള​രാ​ഷ്ട്രീ​യ​വു​മാ​യി കൂ​ട്ടി​ക്കെ​ട്ടേ​ണ്ട​തി​ല്ലെ​ന്ന ഏ​കാ​ഭി​പ്രാ​യം നി​സാ​ര്‍ ത​ള​ങ്ക​ര​യും ശ്രീ​പ്ര​കാ​ശും തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്‍റെ ആ​ദ്യ​ഘ​ട്ടം മു​ത​ല്‍ പ​ങ്കു​വെ​ക്കു​ന്നു​ണ്ട്.