ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ തെരഞ്ഞെടുപ്പ് നാളെ; വോട്ടഭ്യര്‍ഥനയുമായി സ്ഥാനാര്‍ഥികൾ

ഷാ​ര്‍ജ: ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ ഭ​ര​ണ​സ​മി​തി തെ​ര​ഞ്ഞെ​ടു​പ്പി​ന് മ​ണി​ക്കൂ​റു​ക​ൾ മാ​ത്രം ശേ​ഷി​ക്കെ അ​വ​സാ​ന​വ​ട്ട വോ​ട്ട് അ​ഭ്യ​ര്‍ഥ​ന​യി​ല്‍ സ്ഥാ​നാ​ര്‍ഥി​ക​ളും അ​ണി​ക​ളും. ഞാ​യ​റാ​ഴ്ച രാ​വി​ലെ എ​ട്ടു മു​ത​ല്‍ വൈ​കീ​ട്ട് അ​ഞ്ച് വ​രെ​യാ​ണ്​ ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ സ​മു​ച്ച​യ​ത്തി​ല്‍ സ​ജ്ജ​മാ​ക്കി​യ ബൂ​ത്തു​ക​ളി​ൽ പോ​ളി​ങ്. ഭ​ര​ണ​ത്തു​ട​ര്‍ച്ച ല​ക്ഷ്യ​മി​ട്ട് മ​തേ​ത​ര മു​ന്ന​ണി​യും ഭ​ര​ണ മാ​റ്റം ല​ക്ഷ്യ​മി​ട്ട് രം​ഗ​ത്തു​ള്ള ജ​നാ​ധി​പ​ത്യ മു​ന്ന​ണി​യും ത​മ്മി​ലാ​ണ് പ്ര​ധാ​ന മ​ത്സ​രം. വി​ജ​യ​പ്ര​തീ​ക്ഷ​യി​ല്‍ ആ​ത്മ​വി​ശ്വാ​സ​ത്തോ​ടെ​യാ​ണ് സ​മ​ഗ്ര ജ​നാ​ധി​പ​ത്യ മു​ന്ന​ണി​യും സ്വ​ത​ന്ത്ര​രും മ​ത്സ​ര​രം​ഗ​ത്തു​ള്ള​ത്.

ഡോ. ​ഇ.​പി. ജോ​ണ്‍സ​ണ്‍

ന​ല്ല ഭൂ​രി​പ​ക്ഷ​ത്തി​ല്‍ ജ​യി​ക്കും -ഡോ. ​ഇ.​പി. ജോ​ണ്‍സ​ണ്‍

പ്ര​വാ​സി ഇ​ന്ത്യ​ന്‍ സ​മൂ​ഹ​ത്തി​നു​ള്ള മി​ക​ച്ച സേ​വ​ന​ങ്ങ​ളു​ടെ തു​ട​ര്‍ച്ച​ക്ക് താ​ന്‍ ഉ​ള്‍പ്പെ​ടു​ന്ന ‘മ​തേ​ത​ര ജ​നാ​ധി​പ​ത്യ മു​ന്ന​ണി’ സ്ഥാ​നാ​ര്‍ഥി​ക​ളെ ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ അം​ഗ​ങ്ങ​ള്‍ ന​ല്ല ഭൂ​രി​പ​ക്ഷ​ത്തി​ല്‍ വി​ജ​യി​പ്പി​ക്കു​മെ​ന്ന് പ്ര​സി​ഡ​ന്‍റ് സ്ഥാ​നാ​ര്‍ഥി​യും കോ​ണ്‍ഗ്ര​സ് നേ​താ​വു​മാ​യ ഡോ. ​ഇ.​പി. ജോ​ണ്‍സ​ണ്‍ ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. ത​ങ്ങ​ള്‍ക്കെ​തി​രെ മ​ത്സ​ര രം​ഗ​ത്തു​ള്ള​വ​ര്‍ അ​ടു​ത്ത ബ​ന്ധ​മു​ള്ള​വ​രും സ​ഹോ​ദ​ര​ങ്ങ​ളു​മാ​ണ്. ഭ​ര​ണ​സ​മി​തി​യി​ലേ​ക്കു​ള്ള തെ​ര​ഞ്ഞെ​ടു​പ്പി​ല്‍ സ​ക്രി​യ​മാ​യ ജ​നാ​ധി​പ​ത്യ രീ​തി സാ​ധ്യ​മാ​ക്കു​ന്ന​തി​ല്‍ എ​തി​ര്‍മു​ന്ന​ണി​ക​ളോ​ട് ബ​ഹു​മാ​ന​മു​ണ്ട്. അ​സോ​സി​യേ​ഷ​ന്‍ അം​ഗ​ങ്ങ​ളു​ടെ പി​ന്തു​ണ​യി​ലും ഷാ​ര്‍ജ ഭ​ര​ണാ​ധി​കാ​രി​ക​ളു​ടെ സ​മ്പൂ​ര്‍ണ സ​ഹ​ക​ര​ണം ഉ​റ​പ്പാ​ക്കി​യും വി​പു​ല ക്ഷേ​മ-​വി​ക​സ​ന പ​ദ്ധ​തി​ക​ള്‍ ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന് കീ​ഴി​ല്‍ ന​ട​പ്പാ​ക്കാ​ന്‍ ക​ഴി​ഞ്ഞ​ത് വ്യ​വ​സ്ഥാ​പി​ത​മാ​യ പ്ര​വ​ര്‍ത്ത​ന​ങ്ങ​ളി​ലൂ​ടെ​യാ​ണ്. കാ​ല​ത്തി​ന്റെ മാ​റ്റ​ത്തി​ന​നു​സ​രി​ച്ചും പ്ര​വാ​സി ഇ​ന്ത്യ​ക്കാ​രു​ടെ ക്ഷേ​മ​വും മു​ന്‍നി​ര്‍ത്തി ഇ​നി​യും പു​തി​യ പ​ദ്ധ​തി​ക​ള്‍ ആ​വി​ഷ്ക​രി​ച്ച് ന​ട​പ്പാ​ക്കേ​ണ്ട​തു​ണ്ട്.

ഷാ​ര്‍ജ അ​സോ​സി​യേ​ഷ​നു കീ​ഴി​ല്‍ കോ​ള​ജ് തു​ട​ങ്ങു​ന്ന​തി​ന് ഇ​ന്ത്യ​യി​ലെ പ്ര​മു​ഖ സ​ര്‍വ​ക​ലാ​ശാ​ല അ​ധി​കൃ​ത​രു​മാ​യി പ്രാ​ഥ​മി​ക ച​ര്‍ച്ച ന​ട​ത്തി​ക്ക​ഴി​ഞ്ഞു. ഭ​ര​ണ​ത്തി​ലേ​റി​യാ​ല്‍ ഇ​ത് ന​ട​പ്പാ​ക്കു​ന്ന​തി​നാ​യി​രി​ക്കും ആ​ദ്യ പ​രി​ഗ​ണ​ന. ലിം​ഗ​വ്യ​ത്യാ​സ​മി​ല്ലാ​തെ എ​ല്ലാ പ്ര​വാ​സി ഇ​ന്ത്യ​ക്കാ​രു​ടെ​യും ആ​ശ്വാ​സ​കേ​ന്ദ്ര​മാ​യി ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​നെ നി​ല​നി​ര്‍ത്തു​മെ​ന്നും ഡോ. ​ഇ.​പി. ജോ​ണ്‍സ​ണ്‍ തു​ട​ര്‍ന്നു.

നി​സാ​ര്‍ ത​ള​ങ്ക​ര

ന​വീ​ക​ര​ണ​ത്തി​ന്​ പു​തി​യ മു​ഖ​ങ്ങ​ള്‍ വ​രും -നി​സാ​ര്‍ ത​ള​ങ്ക​ര

ഭ​ര​ണ​സ​മി​തി​യി​ല്‍ പു​തി​യ മു​ഖ​ങ്ങ​ള്‍ വ​ര​ണ​മെ​ന്ന ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​നി​ലെ ഭൂ​രി​പ​ക്ഷം അം​ഗ​ങ്ങ​ളു​ടെ​യും ആ​ഗ്ര​ഹ​ത്തി​ലാ​ണ് ‘ജ​നാ​ധി​പ​ത്യ മു​ന്ന​ണി’​യു​ടെ പി​റ​വി​യെ​ന്ന് പ്ര​സി​ഡ​ന്‍റ് സ്ഥാ​നാ​ര്‍ഥി​യും മു​സ്‍ലിം ലീ​ഗ് നേ​താ​വു​മാ​യ നി​സാ​ര്‍ ത​ള​ങ്ക​ര ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. ഭ​ര​ണ​സ​മി​തി​യി​ല്‍ ത​സ്തി​ക​ക​ളി​ല്‍ പേ​ര് മാ​റു​മെ​ന്ന​ല്ലാ​തെ പ​ഴ​യ വീ​ഞ്ഞ് പു​തി​യ കു​പ്പി​യി​ലെ​ന്ന​പോ​ലെ​യാ​ണ് വ​ര്‍ഷ​ങ്ങ​ളാ​യു​ള്ള ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ ഭ​ര​ണ​സ​മി​തി.

സു​താ​ര്യ​മാ​യ രീ​തി​യി​ല്‍ അ​സോ​സി​യേ​ഷ​ന്‍ ഭ​ര​ണ​സ​മി​തി​യു​ടെ പ്ര​വ​ര്‍ത്ത​ന​ത്തി​ന് അം​ഗ​ങ്ങ​ള്‍ ജ​നാ​ധി​പ​ത്യ മു​ന്ന​ണി​യെ ഭ​ര​ണ​ത്തി​ലേ​ക്ക് ന​യി​ക്കും. അ​സോ​സി​യേ​ഷ​ന് കീ​ഴി​ലു​ള്ള സ്കൂ​ളി​ന്റെ​യും സ്ഥാ​പ​ന​ങ്ങ​ളു​ടെ​യും പ്ര​വ​ര്‍ത്ത​ന​ങ്ങ​ള്‍ ന​വീ​ക​രി​ക്കും. പ്ര​വാ​സി ഇ​ന്ത്യ​ക്കാ​രു​ടെ മ​ക്ക​ള്‍ക്കും വി​ദേ​ശി​ക​ള്‍ക്കു​കൂ​ടി പ​ഠ​നം സാ​ധ്യ​മാ​കു​ന്ന രീ​തി​യി​ല്‍ കോ​ള​ജ്, പ്ര​വാ​സി വ​നി​ത​ക​ളു​ടെ ഉ​ന്ന​മ​ന​ത്തി​ന് പ്ര​ത്യേ​ക സ​ബ് ക​മ്മി​റ്റി തു​ട​ങ്ങി​യ​വ​ക്ക് മു​ന്‍ഗ​ണ​ന ന​ല്‍കും. അം​ഗ​ങ്ങ​ള്‍ക്കും കു​ടും​ബാം​ഗ​ങ്ങ​ള്‍ക്കും പു​റ​മെ യു.​എ.​ഇ​യി​ലെ പ്ര​വാ​സി ഇ​ന്ത്യ​ക്കാ​ര്‍ അ​ഭി​മു​ഖീ​ക​രി​ക്കു​ന്ന വി​വി​ധ​ങ്ങ​ളാ​യ പ്ര​ശ്ന പ​രി​ഹാ​ര​ത്തി​നും ‘ജ​നാ​ധി​പ​ത്യ മു​ന്ന​ണി’ പ്ര​തി​ജ്ഞാ​ബ​ദ്ധ​മാ​യി​രി​ക്കു​മെ​ന്നും നി​സാ​ര്‍ ത​ള​ങ്ക​ര വ്യ​ക്ത​മാ​ക്കി.

വി​ജ​യ​ന്‍ നാ​യ​ര്‍

സു​താ​ര്യ​ത​ക്ക്​ അം​ഗ​ങ്ങ​ള്‍ വോ​ട്ട് ന​ല്‍കും -വി​ജ​യ​ന്‍ നാ​യ​ര്‍

ആ​ദ​ര്‍ശ​വും ക്ഷേ​മ​വും മാ​റ്റ​വും അം​ഗ​ങ്ങ​ളു​ടെ ഉ​ന്ന​മ​ന​വു​മാ​ണ് സ​മ​ഗ്ര ജ​നാ​ധി​പ​ത്യ മു​ന്ന​ണി വോ​ട്ട​ര്‍മാ​ര്‍ക്ക് മു​ന്നി​ല്‍ വെ​ക്കു​ന്ന​തെ​ന്ന് പ്ര​സി​ഡ​ന്‍റ് സ്ഥാ​നാ​ര്‍ഥി​യും ബി.​ജെ.​പി നേ​താ​വു​മാ​യ വി​ജ​യ​ന്‍ നാ​യ​ര്‍ ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. ത​ങ്ങ​ള്‍ക്കെ​തി​രെ മ​ത്സ​രി​ക്കു​ന്ന മു​ന്ന​ണി​ക​ളി​ലെ സ്ഥാ​നാ​ര്‍ഥി​ക​ള്‍ മു​ന്‍ കാ​ല​ങ്ങ​ളി​ല്‍ ഒ​രു​മി​ച്ച് ഭ​രി​ച്ച​വ​രാ​ണ്. വ്യ​ക്തി​താ​ല്‍പ​ര്യ​ങ്ങ​ളി​ലാ​ണ് നി​ല​വി​ല്‍ അ​വ​ര്‍ വ്യ​ത്യ​സ്ത മു​ന്ന​ണി​ക​ളി​ല്‍ മ​ത്സ​രി​ക്കു​ന്ന​ത്. യു.​എ.​ഇ​യി​ലെ​ത്തു​ന്ന ഇ​ന്ത്യ​ന്‍ പ്ര​ധാ​ന​മ​ന്ത്രി തു​ട​ങ്ങി വി​വി​ധ സം​സ്ഥാ​ന മ​ന്ത്രി​മാ​രെ നി​ല​വി​ലെ ഭ​ര​ണ​സ​മി​തി അ​വ​ഗ​ണി​ക്കു​ക​യാ​ണ്.

ഇ​തി​ന് മാ​റ്റം​വ​രു​ത്തി പ്ര​വാ​സി​ക​ള്‍ക്ക് കേ​ന്ദ്ര സ​ര്‍ക്കാ​ര്‍ ആ​വി​ഷ്ക​രി​ച്ചി​ട്ടു​ള്ള ക്ഷേ​മ​പ​ദ്ധ​തി​ക​ളു​ടെ ഗു​ണ​ഫ​ലം കൂ​ടി അം​ഗ​ങ്ങ​ള്‍ക്ക് ല​ഭ്യ​മാ​ക്കും. ഷാ​ര്‍ജ ഇ​ന്ത്യ​ന്‍ സ്കൂ​ളി​ല്‍ കു​ട്ടി​ക​ളു​ടെ പ്ര​വേ​ശ​ന​വും ജീ​വ​ന​ക്കാ​രു​ടെ നി​യ​മ​ന​വു​മെ​ല്ലാം സു​താ​ര്യ​മാ​ക്കു​ന്ന​തി​ന് സ​മ​ഗ്ര ജ​നാ​ധി​പ​ത്യ മു​ന്ന​ണി​ക്ക് അം​ഗ​ങ്ങ​ള്‍ വോ​ട്ട് ന​ല്‍കു​മെ​ന്നും വി​ജ​യ​ന്‍ നാ​യ​ര്‍ പ​റ​ഞ്ഞു.