അ​ക്ഷ​ര വെ​ളി​ച്ച​ത്തി​ന്​ ഇ​ന്ന്​ തി​രി​തെ​ളി​യും

ദു​ബൈ: പു​സ്ത​ക​ങ്ങ​ളു​ടെ ലോ​കം അ​റ​ബ്​ നാ​ട്ടി​ലേ​ക്ക് ഒ​ഴു​കി​യെ​ത്തു​ന്ന​ ഷാ​ർ​ജ അ​ന്താ​രാ​ഷ്​​ട്ര പു​സ്​​ത​കോ​ത്സ​വ​ത്തി​​ന്‍റെ 43ാം എ​ഡി​ഷ​ന്​ ബു​ധ​നാ​ഴ്ച​ തു​ട​ക്കം. ഷാ​ർ​ജ എ​ക്സ്​​പോ സെ​ന്‍റ​റി​ൽ ന​വം​ബ​ർ 17 വ​രെ ന​ട​ക്കു​ന്ന മേ​ള​യി​ൽ മ​ല​യാ​ള​ത്തി​ൽ നി​ന്ന​ട​ക്കം പ്ര​ഗ​ത്ഭ എ​ഴു​ത്തു​കാ​രും ചി​ന്ത​ക​രും ജ​ന പ്ര​തി​നി​ധി​ക​ളും പ​​ങ്കെ​ടു​ക്കും.

12 ദി​വ​സം നീ​ളു​ന്ന പു​സ്​​ത​കോ​ത്സ​വ​ത്തി​ൽ 112 രാ​ജ്യ​ങ്ങ​ളി​ൽ നി​ന്ന്​ 2522 പ്ര​സാ​ധ​ക​രും പ്ര​ദ​ർ​ശ​ക​രും പ​​ങ്കെ​ടു​ക്കു​മെ​ന്ന്​​ ഷാ​ർ​ജ ബു​ക്ക്​​ അ​തോ​റി​റ്റി വാ​ർ​ത്താ​ക്കു​റി​പ്പി​ൽ അ​റി​യി​ച്ചു. ലോ​ക​ത്തെ 63 രാ​ജ്യ​ങ്ങ​ളി​ൽ നി​ന്നാ​യി 250 അ​തി​ഥി​ക​ളാ​ണ്​ പു​സ്ത​കോ​ത്സ​വ വേ​ദി​യി​ലെ​ത്തു​ന്ന​ത്. ഇ​വ​രു​ടേ​ത​ട​ക്കം ആ​കെ 1,357 സാം​സ്കാ​രി​ക പ​രി​പാ​ടി​ക​ൾ പു​സ്ത​കോ​ത്സ​വ ദി​ന​ങ്ങ​ളി​ൽ അ​ര​ങ്ങേ​റും. കൂ​ടാ​തെ 17 അ​ന്താ​രാ​ഷ്ട്ര ഷെ​ഫു​മാ​രു​ടെ നേ​തൃ​ത്വ​ത്തി​ലു​ള്ള ലൈ​വ്​ പാ​ച​ക സെ​ഷ​നു​ക​ളും ഉ​ണ്ടാ​കും.

‘തു​ട​ക്കം ഒ​രു പു​സ്ത​കം​’ എ​ന്ന പ്ര​മേ​യ​ത്തി​ൽ ന​ട​ക്കു​ന്ന മേ​ള​യി​ൽ ഇ​ത്ത​വ​ണ മൊ​റോ​ക്കോ​യാ​ണ്​ അ​തി​ഥി രാ​ജ്യം. യു.​എ.​ഇ​യി​ൽ​നി​ന്ന് മാ​ത്ര​മാ​യി ഇ​ത്ത​വ​ണ 234 പ്ര​സാ​ധ​ക​രാ​ണ് പ​ങ്കെ​ടു​ക്കു​ന്ന​ത്. 172 പ്ര​സാ​ധ​ക​രു​മാ​യി ഈ​ജി​പ്തും പു​സ്ത​കോ​ത്സ​വ​ത്തി​ൽ എ​ത്തും. ല​ബ​നാ​നി​ൽ നി​ന്ന് 88ഉം ​സി​റി​യ​യി​ൽ നി​ന്ന് 58ഉം ​പ്ര​സാ​ധ​ക​രാ​ണ് ഇ​ത്ത​വ​ണ ര​ജി​സ്റ്റ​ർ ചെ​യ്തി​രി​ക്കു​ന്ന​ത്. ഇ​ന്ത്യ​യി​ൽ നി​ന്ന് 52 പ്ര​സാ​ധ​ക​രാ​ണ് ഇ​ത്ത​വ​ണ എ​ത്തു​ന്ന​ത്.

32 രാ​ജ്യ​ങ്ങ​ളി​ൽ നി​ന്നു​ള്ള 134 അ​തി​ഥി​ക​ൾ പ​ങ്കെ​ടു​ക്കു​ന്ന 500 സാം​സ്കാ​രി​ക പ്ര​വ​ർ​ത്ത​ന​ങ്ങ​ളും പു​സ്ത​കോ​ത്സ​വ​ത്തി​ന്‍റെ ഭാ​ഗ​മാ​യി ന​ട​ക്കും. എ​ല്ലാ പ്രാ​യ​ക്കാ​ർ​ക്കു​മാ​യി 600 വ​ർ​ക്ക്‌​ഷോ​പ്പു​ക​ൾ ന​ട​ത്തു​ക​യും ക്രി​യാ​ത്മ​ക​മാ​യ സാ​ഹി​ത്യ ര​ച​ന​ രം​ഗ​ത്തെ പ്ര​മു​ഖ​രാ​യ ആ​ഗോ​ള വി​ദ​ഗ്ധ​രു​ടെ നേ​തൃ​ത്വ​ത്തി​ൽ പ്ര​ത്യേ​ക വ​ർ​ക്ക്ഷോ​പ്പു​ക​ളും അ​ര​ങ്ങേ​റും. മേ​ള​യു​ടെ എ​ല്ലാ​ദി​വ​സ​വും രാ​വി​ലെ ന​ട​ക്കു​ന്ന ക​വി​യ​ര​ങ്ങ് ഈ​വ​ർ​ഷ​ത്തെ പ്ര​ത്യേ​ക​ത​യാ​യി​രി​ക്കും. ആ​റ് ഭാ​ഷ​ക​ളി​ൽ ന​ട​ക്കു​ന്ന ക​വി​യ​ര​ങ്ങ​ളി​ൽ മ​ല​യാ​ള​ത്തി​ൽ നി​ന്ന് റ​ഫീ​ഖ് അ​ഹ​മ്മ​ദ് പ്ര​ത്യേ​ക ക്ഷ​ണി​താ​വാ​യി പ​ങ്കെ​ടു​ക്കും. പു​സ്ത​ക​മേ​ള​യി​ൽ എ​ത്തു​ന്ന പ്ര​ത്യേ​ക അ​തി​ഥി​ക​ളി​ൽ ബോ​ളി​വു​ഡ് താ​രം ഹു​മ ഖു​റൈ​ശി​യു​മു​ണ്ടാ​കും.

പു​സ്ത​കോ​ത്സ​വ ന​ഗ​രി​യി​ലെ മ​ല​യാ​ളി​ക​ളു​ടെ ഒ​ത്തു​ചേ​ര​ൽ വേ​ദി​യാ​യ ‘റൈ​റ്റേ​ഴ്​​സ്​ ഫോ​റം’ ഇ​ത്ത​വ​ണ​യും ഒ​രു​ക്കി​യി​ട്ടു​ണ്ട്. വി​വി​ധ ദി​വ​സ​ങ്ങ​ളി​ലാ​യി നി​ര​വ​ധി പു​സ്ത​ക​ങ്ങ​ളു​ടെ പ്ര​കാ​ശ​നം ഇ​വി​ടെ ന​ട​ക്കും. ബാ​ള്‍ റൂം, ​ഇ​ന്‍റ​ല​ക്​​ച്വ​ൽ ഹാ​ൾ തു​ട​ങ്ങി​യ വേ​ദി​ക​ളി​ലും വി​വി​ധ ഇ​ന്ത്യ​ൻ എ​ഴു​ത്തു​കാ​രു​ടെ​യും സാം​സ്കാ​രി​ക വ്യ​ക്തി​ത്വ​ങ്ങ​ളു​ടെ​യും പ​രി​പാ​ടി​ക​ൾ ഒ​രു​ക്കി​യി​ട്ടു​ണ്ട്.