വ​ർ​ണ​വെ​ളി​ച്ച​ത്തി​ൽ മു​ങ്ങി ഷാ​ർ​ജ; ലൈ​റ്റ്​ ഫെ​സ്റ്റി​വ​ലി​ന്​ തു​ട​ക്കം

ഷാ​ർ​ജ: വ​ർ​ണ​വെ​ളി​ച്ച​ത്തി​ൽ മു​ങ്ങി​യ രാ​വി​ൽ ഷാ​ർ​ജ​യി​ലെ വി​ശ്വ​പ്ര​സി​ദ്ധ​മാ​യ ലൈ​റ്റ്​ ഫെ​സ്റ്റി​വ​ലി​ന്​ പ്രൗ​ഢ തു​ട​ക്കം. എ​മി​റേ​റ്റി​ലെ വി​വി​ധ ലാ​ൻ​ഡ്​​മാ​ർ​ക്കു​ക​ൾ വ​ർ​ണ​വെ​ളി​ച്ച​ത്തി​ൽ തി​ള​ങ്ങു​ന്ന ഫെ​സ്റ്റി​വ​ലി​ന്‍റെ 13ാം എ​ഡി​ഷ​ൻ ബു​ധ​നാ​ഴ്ച രാ​ത്രി​യാ​ണ്​ ആ​രം​ഭി​ച്ച​ത്. 18 വ​രെ മേ​ള നീ​ണ്ടു​നി​ൽ​ക്കും. ആ​ഗോ​ള പ്ര​ശ​സ്ത​രാ​യ ക​ലാ​കാ​ര​ന്മാ​ർ രൂ​പ​ക​ൽ​പ​ന ചെ​യ്ത ദൃ​ശ്യ​ങ്ങ​ളാ​ൽ മി​ന്നി​ത്തി​ള​ങ്ങു​ന്ന ഫെ​സ്റ്റി​വ​ൽ ദി​ന​ങ്ങ​ൾ അ​വി​സ്മ​ര​ണീ​യ​മാ​യ കാ​ഴ്ച​യാ​ണ്​ ഇ​ത്ത​വ​ണ​യും സ​ന്ദ​ർ​ശ​ക​ർ​ക്ക്​ ഒ​രു​ക്കി​യി​ട്ടു​ള്ള​ത്.

ഇ​ത്ത​വ​ണ എ​മി​റേ​റ്റി​ലെ 12 സ്ഥ​ല​ങ്ങ​ളി​ലാ​യി 12 ദി​വ​സ​ങ്ങ​ളി​ൽ ലൈ​റ്റ്​ ഷോ​ക​ൾ​ അ​ര​ങ്ങേ​റും. വൈ​കു​ന്നേ​രം ആ​റു മു​ത​ൽ രാ​ത്രി 11 വ​രെ​യും വ്യാ​ഴം, വെ​ള്ളി, ശ​നി ദി​വ​സ​ങ്ങ​ളി​ൽ അ​ർ​ധ​രാ​ത്രി വ​രെ​യും ഷോ​ക​ളു​ണ്ടാ​കും. ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ഷാ​ർ​ജ പൊ​ലീ​സ്, ജ​ന​റ​ൽ സൂ​ഖ് - അ​ൽ ഹം​രി​യ, ക​ൽ​ബ വാ​ട്ട​ർ​ഫ്ര​ണ്ട് എ​ന്നി​വ​യാ​ണ്​ ഈ ​വ​ർ​ഷം പു​തു​താ​യി മേ​ള​യി​ൽ ചേ​ർ​ത്ത മൂ​ന്ന് ലൊ​ക്കേ​ഷ​നു​ക​ൾ. ഖാ​ലി​ദ് ല​ഗൂ​ൺ, അ​ൽ മ​ജാ​സ് വാ​ട്ട​ർ​ഫ്ര​ണ്ട്, ബീ​അ ഗ്രൂ​പ് ഹെ​ഡ്ക്വാ​ർ​ട്ടേ​ഴ്സ്, അ​ൽ ദൈ​ദ്​ കോ​ട്ട, ഷാ​ർ​ജ മോ​സ്ക്, ശൈ​ഖ്​ റാ​ശി​ദ് അ​ൽ ഖാ​സി​മി മ​സ്ജി​ദ്, അ​ൽ നൂ​ർ മ​സ്ജി​ദ്, അ​ൽ റാ​ഫി​സ ഡാം ​എ​ന്നി​വ​യാ​ണ്​ ഷോ ​അ​ര​ങ്ങേ​റു​ന്ന മ​റ്റു സ്​​ഥ​ല​ങ്ങ​ൾ. അ​തോ​ടൊ​പ്പം ഷാ​ർ​ജ​യി​ലെ യൂ​നി​വേ​ഴ്സി​റ്റി സി​റ്റി ഹാ​ൾ കെ​ട്ടി​ട​ത്തി​ന് മു​ന്നി​ൽ സ്ഥി​തി​ചെ​യ്യു​ന്ന ലൈ​റ്റ് വി​ല്ലേ​ജി​ൽ 55ല​ധി​കം ദേ​ശീ​യ പ​ദ്ധ​തി​ക​ളു​ടെ ഷോ​ക​ൾ ഫെ​ബ്രു​വ​രി ഒ​ന്നു മു​ത​ൽ ആ​രം​ഭി​ച്ചി​ട്ടു​ണ്ട്. ഷാ​ർ​ജ വാ​ണി​ജ്യ, വി​നോ​ദ സ​ഞ്ചാ​ര വി​ക​സ​ന വ​കു​പ്പാ​ണ്​ പ​രി​പാ​ടി​ക്ക്​ നേ​തൃ​ത്വം ന​ൽ​കു​ന്ന​ത്. ക​ഴി​ഞ്ഞ വ​ർ​ഷ​​ത്തെ ലൈ​റ്റ്​ ഫെ​സ്റ്റി​വ​ൽ കാ​ണാ​ൻ 13 ല​ക്ഷം സ​ന്ദ​ർ​ശ​ക​ർ എ​ത്തി​യി​രു​ന്നു.