ജലധാരകളും സ്​മാരകങ്ങളും മനോഹരമാക്കി ഷാർജ നഗരസഭ

ഷാർജ: എമിറേറ്റിലെ വിവിധ മേഖലകളിലുള്ള 30 ഫൗണ്ടനുകളുടെയും എട്ടു സ്​മാരകങ്ങളുടെയും ആദ്യഘട്ട അറ്റകുറ്റപ്പണികളും വികസനപ്രവർത്തനങ്ങളും പൂർത്തിയാക്കിയതായി അലി ബിൻ ഷഹീൻ അൽ സുവൈദി പ്രഖ്യാപിച്ചു. കേടായ ഭാഗങ്ങൾ മാറ്റിസ്ഥാപിക്കൽ, ലൈറ്റിങ് സംവിധാനങ്ങൾ ആധുനികവത്​കരിക്കൽ, മെക്കാനിക്കൽ, ഇലക്ട്രോ, സാനിറ്ററി പരിപാലനം, സെറാമിക് ഫ്ലോറിങ്​ മാറ്റിസ്ഥാപിക്കൽ, അനുയോജ്യമായ ഇൻസുലേഷൻ, മാർബിൾ മാറ്റിസ്ഥാപിക്കൽ എന്നിവയാണ് നടക്കുന്നത്. ഉപരിതല ഡ്രെയിനേജ് നെറ്റ്‌വർക്കുകളും ഉപകരണങ്ങളും സ്ഥാപിച്ചിട്ടുണ്ട്. ഗ്രീൻ ബെൽറ്റ് ഗാർഡൻ, സെൻട്രൽ മാർക്കറ്റ്, ഷാർജ സ്​മാരകം, ഇസ്​ലാമിക് കൾചർ കാപിറ്റൽ, കൾചറൽ സ്ക്വയർ എന്നിവ നന്നായി പരിപാലിക്കുകയും വികസിപ്പിക്കുകയും ചെയ്​തു.