സുവർണ ജൂബിലി വർഷത്തിൽ ജനസുരക്ഷ ഉറപ്പാക്കാൻ സുസജ്ജമായി ഷാർജ പൊലീസ്​

ദുബൈ: രൂപവത്​കരണത്തി​​െൻറ അമ്പതാം വാർഷികം ആഘോഷിക്കവെ ജനങ്ങളുടെ സുരക്ഷയും സന്തോഷവും ഉറപ്പാക്കാൻ കൂടുതൽ കർമ പദ്ധതികളുമായി ഷാർജ പൊലീസ്​. വാഹന അനുമതികൾ സംബന്ധിച്ച നടപടിക്രമങ്ങൾ അതീവ ലളിതമാക്കിയും ഗതാഗത നിയമലംഘനങ്ങൾക്കെതിരെ കർശന നടപടി സ്വീകരിച്ചും ജന സുരക്ഷക്ക്​ പ്രഥമ പരിഗണന നൽകിയാണ്​ മുന്നോട്ടുള്ള പ്രയാണമെന്ന്​ മാധ്യമ ബോധവത്​കരണ വിഭാഗം ഡയറക്​ടർ മേജർ അബ്​ദു റഹ്​മാൻ ഖാതിർ, ലഫ്​റ്റനൻറ്​ സൗദ്​ അൽ ശൈബ എന്നിവർ  വ്യക്​തമാക്കി.  

ഗതാഗത നിയമലംഘനങ്ങൾക്ക്​ പ്രഖ്യാപിച്ച 50 ശതമാനം പിഴ ഇളവ്​ ഡിസംബർ 31 വരെ തുടരും.  ഷാർജ പൊലീസ്​ ട്രാഫിക്​ ആസ്​ഥാനം, പൊലീസ്​ സ്​റ്റേഷനുകൾ, സഹാറ മാളിലും മറ്റും സ്​ഥാപിച്ച കിയോസ്​കുകൾ, വെബ്​സൈറ്റ്​ എന്നിവ മുഖേന പിഴയടക്കാം. ഷാർജയിൽ താമസിച്ച്​ ദുബൈയിലും മറ്റ്​ എമി​േററ്റിലും ജോലി ചെയ്യുന്നവരുടെ എണ്ണം വർധിക്കുന്നതിനനുസരിച്ച്​ ഇവിടുത്തെ റോഡുകളിലെ വാഹനപെരുപ്പവും വർധിക്കുന്നുണ്ട്​. സുരക്ഷ ഉറപ്പാക്കാനും ഗതാഗത ക്രമീകരണങ്ങൾക്കുമായി പ്രത്യേകം നിയോഗിച്ച പട്രോൾ സംഘങ്ങൾ പുലർച്ചെ മുതൽ ദൗത്യം ആരംഭിക്കുന്നു. വാഹനത്തിരക്ക്​ കുറയുന്ന മുറക്ക്​ മാത്രം പിൻവാങ്ങുന്ന പട്രോൾ വിഭാഗം വൈകുന്നേരങ്ങളിലും പ്രവർത്തനം പുനരാരംഭിക്കുന്നു. ​

അപകടങ്ങൾ തടയുന്നതിനൊപ്പം ക്രമക്കേടുകാണിക്കുന്നവരെ കൈയോടെ കണ്ടെത്താനും ശ്രദ്ധപുലർത്തുന്നു. അടിയന്തിര പ്രാധാന്യമുള്ള വിഷയങ്ങൾ 999 എന്ന നമ്പറിലും പൊതു ആവശ്യങ്ങൾക്ക്​ 901 എന്ന നമ്പറിലും ബന്ധപ്പെട്ടാൽ ഷാർജ പൊലീസ്​ സഹായവുമായി എത്തുമെന്ന്​ ഉ​േദ്യാഗസ്​ഥർ ഇന്ത്യൻ മാധ്യമ പ്രവർത്തകർക്കനുവദിച്ച പ്രത്യേക കൂടിക്കാഴ്​ചയിൽ വ്യക്​തമാക്കി.