ജയിലിൽ കഴിയുന്ന പിതാവി​െൻറ മോഹം സഫലമാക്കി ഷാർജ പൊലീസ്​

ഷാർജ: ചെയ്​ത തെറ്റിൽ പശ്​ചാത്താപിച്ച്​ നൻമയുടെ പാതയിലൂടെ നടക്കാൻ ശ്രമിക്കുന്നവരെ പോലും, പഴയ മേൽവിലാസത്തി ൽ തന്നെ തളച്ചിടുന്ന ശീലം കൂടുതലാണ് മലയാളികൾക്കിടയിൽ. നമ്മുടെ നാട്ടിലെ നിയമപാലനവും അതേ മട്ടിൽ തന്നെ. എന്നാൽ കഴി ഞ്ഞ ദിവസം ഷാർജ ജയിലിൽ നടന്ന ഒരു സംഭവം നമുക്കൊരു പാഠവും മാതൃകയുമാണ്​. തടവുകാരന് മക​​​െൻറ 12ാം പിറന്നാൾ കുടുംബത്തോടൊപ്പം ആഘോഷിക്കുവാൻ മോഹം. കാര്യം അധികൃതരോട് പറഞ്ഞു. പൊലീസിന് രണ്ടാമതൊന്ന് ആലോചിക്കുവാനുണ്ടായിരുന്നില്ല, എല്ലാ ഒത്താശകളും ചെയ്ത് കൊടുത്തു. പിറന്നാൾ ദിവസം ജയിൽ വസ്​ത്രത്തിന് പകരം അയാൾ സാധാരണ വസ്​ത്രം അണിഞ്ഞു. ജയിൽ കെട്ടിടത്തിൽ പ്രത്യേകമായി തയ്യാർ ചെയ്ത ഹാളിൽ കുടുംബത്തോടൊപ്പം പിറന്നാൾ ആഘോഷിച്ചു.

ഷാർജ പൊലീസിലെ പെനിറ്റീവ് ആൻഡ് കറക്ഷനൽ എസ്റ്റാബ്ലിഷ്മ​​െൻറ് ഡയറക്ടർ കേണൽ അഹ്മദ് ഷഹീൽ, വനിതാ ജയിലിലെ ഡയറക്ടർ കേണൽ മോനാ സുറൂർ എന്നിവർ കുടുംബത്തോടൊപ്പം ആഘോഷത്തിൽ പങ്ക് ചേർന്നു. തടവുകാരെ പുനരധിവസിപ്പിക്കാൻ പോലീസ്​ ലക്ഷ്യമിടുന്നു, അത് വഴി അവർക്ക് സാധാരണ ജീവിതത്തിലേക്ക് മടങ്ങാൻ കഴിയും. അത് കൊണ്ട് തന്നെ അവരുടെ സാമൂഹിക പുനരധിവാസത്തെക്കുറിച്ച് ശ്രദ്ധിക്കുന്നതായി ഷഹീൽ പറഞ്ഞു. കുടുംബത്തോടൊപ്പം വീഡിയോ ചാറ്റിങിൽ പങ്കെടുക്കുവാനുള്ള സൗകര്യവും കുടുംബത്തോടൊപ്പം ചിലവഴിക്കുവാനുള്ള അവസരവും ഷാർജ സെൻട്രൽ ജയിലിൽ നേരത്തേ നടപ്പിൽ വരുത്തിയിരുന്നു.