ഇ​ഫ്താ​റി​ന് പീ​ര​ങ്കി മു​ഴ​ക്കാ​ൻ സ​ജ്ജ​മാ​യി ഷാ​ർ​ജ പൊ​ലീ​സ്​

ഷാ​ർ​ജ: കാ​ലം ഏ​റെ മു​ന്നി​ലെ​ത്തി​യാ​ലും പി​ന്നി​ട്ട നൂ​റ്റാ​ണ്ടു​ക​ളെ മ​റ​ക്കാ​ത്ത​വ​രു​ടെ കൂ​ട്ട​ത്തി​ൽ അ​റ​ബി​ക​ൾ​ക്ക് പ്ര​ഥ​മ സ്​​ഥാ​ന​മു​ണ്ട്. റ​മ​ദാ​നി​ലെ അ​ത്ത​ര​മൊ​രു പൈ​തൃ​ക വി​ശേ​ഷ​മാ​ണ് നോ​മ്പ് തു​റ​യു​ടെ സ​മ​യം അ​റി​യി​ച്ച് മു​ഴ​ക്കു​ന്ന പീ​ര​ങ്കി. ഇ​ത്ത​വ​ണ​യും ഷാ​ർ​ജ​യി​ലെ പ്ര​ധാ​ന കേ​ന്ദ്ര​ങ്ങ​ളി​ൽ നി​ന്നും ഉ​പ​ന​ഗ​ര​ങ്ങ​ളി​ൽ നി​ന്നും ഇ​ഫ്താ​ർ പീ​ര​ങ്കി​ക​ൾ മു​ഴ​ങ്ങു​മെ​ന്ന് ഷാ​ർ​ജ പൊ​ലീ​സി​ലെ സ്​​പെ​ഷ​ൽ ടാ​സ്​​ക് മാ​നേ​ജ്മെ​ൻ​റി​ലെ സെ​ക്യൂ​രി​റ്റി ആ​ൻ​ഡ് ഗാ​ർ​ഡ് ത​ല​വ​ൻ ലെ​ഫ്. കേ​ണ​ൽ ഖാ​ലി​ദ് അ​ൽ അ​സ്വാ​ദ് പ​റ​ഞ്ഞു. അ​തീ​വ സു​ര​ക്ഷ​ക​ൾ പാ​ലി​ച്ചും എ​ന്നാ​ൽ പ്ര​ദേ​ശ വാ​സി​ക​ൾ​ക്ക് വ്യ​ക്ത​മാ​യി കാ​ണാ​ൻ പ​റ്റു​ന്ന വി​ധ​ത്തി​ലു​മാ​യി​രി​ക്കും പീ​ര​ങ്കി​ക​ൾ സ്​​ഥാ​പി​ക്കു​ക.

ഇ​വ​യു​ടെ പ്ര​വ​ർ​ത്ത​ന നി​ല​വാ​രം പ​രി​ശോ​ധി​ച്ച് ഗു​ണ​നി​ല​വാ​രം ഉ​റ​പ്പ് വ​രു​ത്തി​യി​ട്ടു​ണ്ട്. ഷാ​ർ​ജ​യി​ലെ​യും ഉ​പ​ന​ഗ​ര​ങ്ങ​ളി​ലെ​യും ഏ​റെ പ്രാ​ധാ​ന്യ​മു​ള്ള 11 ഇ​ട​ങ്ങ​ളി​ലാ​ണ് ഇ​ക്കു​റി പി​ര​ങ്കി​ക​ൾ സ്​​ഥാ​പി​ക്കു​ക​യെ​ന്ന് ഖാ​ലി​ദ് പ​റ​ഞ്ഞു. പി​ര​ങ്കി മു​ഴ​ക്കു​ന്ന​ത് കാ​ണു​വാ​ൻ എ​ത്തു​ന്ന​വ​ർ​ക്ക് ല​ഘു നോ​മ്പ് തു​റ​യും ല​ഭി​ക്കാ​റു​ണ്ട്. 1803 മു​ത​ൽ 1866 വ​രെ ഷാ​ർ​ജ ഭ​രി​ച്ചി​രു​ന്ന ശൈ​ഖ് സു​ൽ​ത്താ​ൻ ബി​ൻ സാ​ഖ​ർ അ​ൽ ഖാ​സി​മി​യു​ടെ ഭ​ര​ണ കാ​ല​ത്ത് തു​ട​ങ്ങി​യ​താ​ണ് ഇ​ഫ്താ​ർ പീ​ര​ങ്കി മു​ഴ​ക്ക​ൽ.
ബാ​ങ്ക് വി​ളി​ക്കാ​ൻ ആ​ധു​നി​ക ഉ​പ​ക​ര​ണ​ങ്ങ​ൾ തു​ലോം കു​റ​വാ​യി​രു​ന്ന ആ ​കാ​ല​ത്ത് ഏ​റെ പ്രാ​ധാ​ന്യ​മു​ണ്ടാ​യി​രു​ന്നു ഇ​വ​ക​ൾ​ക്ക്. ക​ട​ലി​ലും മ​രു​ഭൂ​മി​യി​ലും ക​ച്ച​വ​ട​ത്തി​നാ​യി പോ​യ വ​ർ​ത്ത​ക സം​ഘ​ങ്ങ​ളെ നോ​മ്പ്തു​റ​യു​ടെ സ​മ​യം അ​റി​യി​ക്കാ​നാ​യി​രു​ന്നു ഭ​ര​ണാ​ധി​കാ​രി ഇ​ത്ത​ര​മൊ​രു ആ​ശ​യ​ത്തി​ന് തു​ട​ക്ക​മി​ട്ട​ത്. ഇ​ന്ന് മ​നു​ഷ്യ ശ​രീ​ര​ത്തി​ലെ 79ാമ​ത്തെ അ​വ​യ​വ​മാ​യി​ത​ന്നെ വി​ശേ​ഷി​പ്പി​ക്കു​ന്ന സ്​​മാ​ർ​ട് ഫോ​ണി​ൽ നി​ന്ന് കൃ​ത്യ​സ​മ​യ​ത്ത് ത​ന്നെ ബാ​ങ്ക് വി​ളി​യും ന​മ​സ്​​ക്കാ​ര സ​മ​യം അ​റി​യി​ച്ചു​ള്ള ഇ​ഖാ​മ​ത്തും കേ​ൾ​ക്കാ​ൻ സൗ​ക​ര്യ​മു​ണ്ട്. എ​ന്നി​രു​ന്നാ​ലും ആ ​പ​ഴ​യ കാ​ല​ത്തെ മ​റ​ക്കാ​ൻ ഷാ​ർ​ജ​ക്ക് ക​ഴി​യി​ല്ല.