ഒഴിവാക്കരുത് ഷാർജ കുട്ടികളുടെ വായനോത്സവം

ഷാർജ: നിരവധി പുതുമകളോടെയാണ് ഷാർജ കുട്ടികളുടെ വായനോത്സവത്തി​​​െൻറ പത്താം അധ്യായം ഒരുക്കിയിരിക്കുന്നത്​. നമ്മുടെ കുട്ടികൾക്ക്​ ഏറ്റവും ഫലപ്രദമായി ഉപയോഗപ്പെടുത്താവുന്ന അറിവി​​​െൻറ ഉത്സവം.  അൽതാവൂനിലെ എക്സ്​പോ സ​​െൻററിലെ വിശാലമായ ഹാളുകളിൽ  വായിക്കാനും ചിന്തിക്കാനും അതിനനുസരിച്ച് പ്രവർത്തിക്കാനുമുള്ള ഉൗർജ്ജം കുഞ്ഞുങ്ങൾക്കായി നിറച്ചു വെച്ചിരിക്കുന്നു. ശാസ്​ത്ര–സാങ്കേതിക പുരോഗതിയെ മുന്നോട്ട് നയിക്കുന്നതിൽ പുസ്​തകങ്ങൾ വഹിച്ച പങ്ക് എത്രത്തോളമാണെന്ന് അനുഭവിച്ച് അറിയാം.

പുസ്​തകങ്ങൾ പകർന്ന അറിവിൽ നിന്ന് പിറന്ന വിവിധ ശാസ്​ത്ര–സാങ്കേതിക കുതിപ്പുകൾ കണ്ടറിയാം. ത്രിമാന– പോപ് അപ് പുസ്​തകളുടെ വലിയ നിരയാണ് ഇത്തവണത്തെ പുസ്​തക കൗതുകം. പുസ്​തകത്തിനുള്ളിലെ മാജിക് എന്ന് പേരിട്ടിരിക്കുന്ന ഈ പ്രദർശനത്തിൽ നിരത്തിയിട്ടുള്ളത് ഇറ്റലിയിലെ ഫോർലി നഗരത്തിലെ ത്രീഡി ബുക്ക് സ​​െൻററിൽ നിന്നു കൊണ്ടുവന്ന 250 പോപ് അപ് പുസ്​തകങ്ങളാണ്.

സിലിണ്ടർ ആകൃതിയിൽ സജ്ജീകരിച്ച കൗണ്ടറുകളിലാണ് ഇവ നിരത്തിയിട്ടുള്ളത്. വെർച്ച്വൽ സാങ്കേതിക കുതിപ്പുകളിലൂടെ അനാവരണം ചെയ്യപ്പെടുന്ന കഥകളും പ്രകൃതിയും കണ്ടാസ്വദിക്കുവാനുള്ള അവസരവും ഇത്തവണയുണ്ട്. കഥകളും ചിത്രങ്ങളും വെർച്ച്വൽ റിയാലിറ്റിയിലേക്ക് മാറുമ്പോൾ അവയിലേക്ക് േപ്രക്ഷകരെ പ്രവേശിക്കുവാൻ അനുവദിച്ച്, യഥാർഥമാണ് ആ ഉള്ളടക്കമെന്ന് േപ്രക്ഷകനെ അനുഭവിപ്പിക്കുകയാണ് ഇവിടെ ചെയ്യുന്നത്.