കഠിനാദ്ധ്വാനവും, ഇഛാശക്തിയും മുഖമുദ്രയാക്കണം -വികാസ് സ്വരൂപ്

ഷാർജ: അന്താരാഷ്ട്ര പുസ്​തകമേളയുടെ രണ്ടാം ദിനത്തിൽ പ്രധാന വേദിയായ ബാൾ റൂമിൽ രാവിലെ 9:30 മുതൽ 11:30 വരെ പ്രശസ്​ത എഴുത്തുകാരനും ബഹുമുഖ പ്രതിഭയുമായ വികാസ് സ്വരൂപും വിദ്യാർഥികളുമായി നടത്തിയ മുഖാമുഖം ശ്രദ്ധേയമായി. കുറിക്കുകൊളളുന്ന ചോദ്യങ്ങളുമായാണ്​ യു.എ.ഇയിലെ വിവിധ വിദ്യാലയങ്ങളിൽ നിന്ന്​ വിദ്യാർഥികളെത്തിയത്. അവയ്ക്കനുയോജ്യവും പ്രസക്തവും, രസകരവുമായ ഉത്തരങ്ങളുമായി വികാസ് സ്വരൂപും വേദിയെ ധന്യമാക്കി. കഠിനാദ്ധ്വാനവും, ഇഛാശക്തിയും മുഖമുദ്രയാക്കണമെന്ന് അദ്ദേഹം യുവതലമുറയെ ആഹ്വാനം ചെയ്​തു. ഇന്ത്യയുടെ വികസനത്തിനായി ഊർജ്ജം ചിലവഴിക്കണമെന്ന് അദ്ദേഹം വിദ്യാർഥികളെ ഓർമ്മിപ്പിച്ചു.

ഇന്ത്യൻ വിദേശകാര്യ മന്ത്രാലയത്തി​​െൻറ മുൻ ഔദ്യോഗിക വക്താവും നിലവിൽ കാനഡയിലെ ഇന്ത്യൻ ഹൈകമ്മീണറുമാണ്  വികാസ് സ്വരൂപ് . അദ്ദേഹത്തി​​െൻറ പ്രഥമ നോവൽ മുംബൈയിലെ ഒരു പാവം ഹോട്ടല്‍ തൊഴിലാളി സ്വന്തം ഇച്ഛാശക്തിയും കഠിനാദ്ധ്വാനവും കൊണ്ട് ലോകത്തിലെ ഏറ്റവും വലിയ ക്വിസ് പരിപാടിയിലെ വിജയി ആകുന്ന കഥയാണ്​ പറയുന്നത്​. ക്യൂ.അന്‍ഡ്.എ എന്ന ഇൗ നോവൽ ഏതാണ്ട് 43 ഭാഷകളിൽ തർജ്ജമ ചെയ്യപ്പെട്ടു. നിരവധി അന്താരാഷ്​ട്ര പുരസ്​ക്കാരങ്ങൾ നേടിയ പ്രസ്​തുത നോവലിനെ ആസ്​പദമാക്കി ബി.ബി.സി റേഡിയോ അവതരിപ്പിച്ച നാടകം മികച്ച നാടകത്തിനുള്ള ഗോള്‍ഡ് അവാര്‍ഡും 2008 ലെ സോണി റേഡിയോ അവാർഡും നേടി.

അദ്ദേഹത്തി​​െൻറ രണ്ടാമത്തെ നോവലായ സിക്​സ്​ സസ്പെക്​ട്​സ്​ 37 ഭാഷകളിലേക്ക് മൊഴിമാറ്റം ചെയ്​തു.. മൂന്നാമത്തെ നോവലായ ദി അക്​സിഡൻറ്​ അപ്രൻറീസും ആസ്വാദകരുടെ പ്രശംസ പിടിച്ചുപറ്റി. 2010 സെപ്​തംബറില്‍ യുണിവേഴ്​സിറ്റി ഓഫ് സൗത്ത് ആഫ്രിക്ക ഡോക്​ടര്‍ ഓഫ് ലിറ്ററേച്ചര്‍ ആന്‍ഡ് ഫിലോസഫി ബിരുദം നൽകി അദ്ദേഹത്തെ ആദരിച്ചു.