ഷാർജ ലൈബ്രറി ഇനി ഡിജിറ്റൽ 

ഷാർജ: ഷാർജ ബുക്​ അതോറിറ്റിക്കു കീഴിലെ ഷാർജ പബ്ലിക്​ ലൈബ്രറി ഇനി ഡിജിറ്റലാവുന്നു. ഷാർജയിലെ ലൈബ്രറികൾ, മ്യൂസിയങ്ങൾ,പൈതൃക കേന്ദ്രങ്ങൾ എന്നിവിടങ്ങളിലെയും സർക്കാർ സ്​ഥാപനങ്ങളിലെയും സാംസ്​കാരിക വസ്​തുക്ക​ളെല്ലാം ഒരേ പ്ലാറ്റ്​ഫോമിൽ ഒന്നിപ്പിക്കുന്നതി​നായാണ്​ ഡിജിറ്റൽ സംരംഭം. 
ലോകത്തി​​െൻറ ഏതു കോണിൽനിന്നും ഏതു സമയവും സാംസ്​കാരിക സ്രോതസുകളുടെ സേവനം ലഭ്യമാക്കുക എന്നതാണ്​ ​പ്രഥമ ലക്ഷ്യമെന്ന്​ ഷാർജ പബ്ലിക്​ ലൈബ്രറി മാനേജർ സാറാ അൽ മർസൂഖി പറഞ്ഞു. 

അറിവുകളും സംസ്​കാരവും അന്താരാഷ്​ട്ര തലത്തിൽ കൈമാറപ്പെടണമെന്ന ഷാർജ ഭരണാധികാരി ശൈഖ്​: ഡോ. സുൽത്താൻ ബിൻ മുഹമ്മദ്​ ആൽഖാസിമിയുടെ ദർശനത്തി​​െൻറ ഭാഗമാണ്​ ഇൗ നടപടികൾ. 1925ൽ ശൈഖ്​ സുൽത്താൻ ബിൻ സഖർ ആൽ ഖാസിമി ത​​െൻറ സ്വകാര്യ ശേഖരങ്ങൾ വെച്ച്​ ആരംഭിച്ച അൽ ഖാസിമിയ്യ ലൈബ്രറിയാണ്​ പിന്നീട്​ ഷാർജ പബ്ലിക്​ ലൈബ്രറി ആയി മാറിയത്​. കൾച്ചറൽ പാലസ്​ സ്​ക്വയറിലാണ്​ നിലവിൽ ലൈബ്രറി പ്രവർത്തിക്കുന്നത്​. വിവിധ ഭാഷകളിൽ വൈവിധ്യമാർന്ന വിഷയങ്ങളിലായി അഞ്ചു ലക്ഷം പുസ്​തകങ്ങളാണ്​ ഇവിടെയുള്ളത്​.