തോൾ മാറ്റിവച്ചു;  മുൻ പൊലീസുകാരന്​ പുതുജീവൻ

ഷാർജ: ഷാർജ യൂണിവേഴ്​സിറ്റി ആശുപത്രിയിൽ നടന്ന തോൾ മാറ്റ ശസ്​ത്രക്രിയ വിജയം. 74 വയസുള്ള മുൻ പൊലീസ്​ ഉദ്യോഗസ്​ഥൻ ഫലാഹ്​ അൽ മസ്​മിയുടെ വലതു തോളാണ്​ മാറ്റിവച്ചത്​. വർഷങ്ങളായി തോളിൽ വേദന അനുഭവിച്ചിരുന്ന ഇദ്ദേഹം  കൈ അനക്കാൻ പോലും കഴിയാത്ത അവസ്​ഥയിലാണ്​ ആശുപത്രിയിൽ എത്തുന്നത്​.

വിദഗ്​ധ പരിശോധനയിൽ അൽ മസ്​മിയുടെ തോളിലെ റൊ​േട്ടറ്റർ കഫിന്​ തേയ്​മാനമുള്ളതായി കണ്ടെത്തി ഫുട്​ബാൾ കളിക്കാരൻ കൂടിയായ ഫലാഹിന്​ ചുണ്ടയിടലായിരുന്നു ഹോബി. ഇതിലൂടെയായിരിക്കാൺ  തോളിന്​ തേയ്​മാനം വ​ന്നതെന്നാണ്​ ഡോക്​ടർമാരുടെ നിഗമനം. തുടർന്ന്​ സന്ധിമാറ്റിവക്കൽ ശസ്​ത്രക്രീയ വിദഗ്​ധനായ ഡോ. അഹമ്മദ്​ അബബി​​െൻറ നേതൃത്വത്തിൽ തോളിലെ സന്ധി മാറ്റിവക്കാൻ തീരുമാനിക്കുകയായിരുന്നു. യു.എ.ഇയിൽ വളരെ അപൂർവമായി മാത്രമാണ്​ ഇത്തരം ശസ്​ത്രക്രിയ നടന്നിട്ടുള്ളത്​. 1993ൽ ​ഫ്രാൻസിലാണ്​ ഇത്തരം ശസ്​ക്രീയ ആദ്യം നടന്നത്​. പിന്നീട്​ ഇൗ ചികിൽസാ രീതിയിൽ വൻ മുന്നേറ്റം ഉണ്ടാവകയും ചെയ്​തു. ഇൗ രംഗ​ത്തെ ഏറ്റവും മികച്ച ചികിൽസയാണ്​ ഷാർജ യൂണിവേഴ്​സിറ്റി ആശുപത്രിയിലുള്ളത്​.

സന്ധിയിലെ എല്ലുകൾക്ക്​ തേയ്​മാനവും ​ഇതെത്തുടർന്ന്​ തോളിന്​ ബലം നൽകുന്ന പേശികൾക്കും നാഡികൾക്കും ഉണ്ടാകുന്ന ബലക്ഷയവും പൂർണമായും മാറി പഴയ ജീവിതത്തിലേക്ക്​ രോഗിക്ക്​ തിരിച്ചു​േപാകാൻ കഴിയുമെന്നതാണ്​ ഇൗ ചികിൽസയുടെ പ്ര​ത്യേകത. ശസ്​ത്രക്രീയക്ക്​ ശേഷം ഫിസിയോതെറപ്പിയിലൂടെ ചലന സ്വാതന്ത്ര്യം വീണ്ടെടുക്കാം. ഒരാഴ്​ചക്ക്​ ശേഷം ചെറിയ രീതിയിൽ തുടങ്ങുന്ന വ്യായാമം പതിയെ കൂട്ടിക്കൊണ്ടു വരികയാണ്​ ചെയ്യുക. 12 ആഴ്​ച കൊണ്ട്​ 80 ശതമാനം പ്രവർത്തികളും വേദനയില്ലാതെ ചെയ്യാനാവുന്ന നിലയിലെത്തും.  തോൾമാറ്റ ശസ്​ത്രക്രീയക്കായി തായ്​ലാൻറിലും മറ്റും പോയെങ്കിലും ചിലവ്​ താങ്ങാനാവാതെയാണ്​ ഷാർജ യൂണിവേഴ്​സിറ്റി ആശുപത്രിയിൽ എത്തിയതെന്ന്​ ഫലാഹ്​ പറയുന്നു. നാൽപത്​ വയസിന്​ ശേഷം തോളിന്​ വേദന അനുഭവപ്പെടുന്നവർ പരിശോധനക്ക്​ വിധേയരായാൽ ഭാവിയിൽ കൂടുതൽ പ്രശ്​നങ്ങൾ ഉണ്ടാകുന്നത്​ ഒഴിവാക്കാമെന്നാണ്​ എല്ല്​ രോഗ വിദഗ്​ധരുടെ അഭിപ്രായം.