ഷാർജ നാടോടി കാവ്യോത്സവം ഏഴുമുതൽ

ഷാർജ: പതിനാലാമത്​ ഷാർജ നാടോടി കാവ്യോത്സവം ഇൗ മാസം ഏഴിനാരംഭിക്കും. സുപ്രിം കൗൺസിലംഗവും ഷാർജ ഭരണാധികാരിയുമായ ശൈഖ്​ ഡോ. സുൽത്താൻ ബിൻ മുഹമ്മദ്​ അൽ ഖാസിമിയുടെ രക്ഷകർതൃത്വത്തിൽ നടക്കുന്ന ഉത്സവത്തിൽ ഇക്കുറി അറബ്​ ലോകത്തു നിന്നുള്ള 40 കവികളാണ്​ എത്തുക. ഷാർജ കൾച്ചറൽ പാലസിൽ പഴമയുടെ പാട്ടുശീലുകൾ അവരുതിർക്കും. 

തലമുറകൾ കൈമാറി വരുന്ന വിലപ്പെട്ട തനതു സാംസ്​കാരിക പൈതൃകം സംരക്ഷിക്കുകയാണ്​ ഉത്സവത്തി​​​െൻറ ലക്ഷ്യം. ഏഴു ദിവസം നീളുന്ന ഉത്സവത്തിൽ സാംസ്​കാരിക പരിപാടികൾ, സെമിനാറുകൾ, ചർച്ചാ വേദികൾ തുടങ്ങിയവയുണ്ടാവും. നാടോടി കവിതയിലെ ജ്ഞാനോദയം, കവിതകളിലെ സായിദ്​ എന്നിവയും വിഷയമാവും. പുരാതന കവിതയ്ക്ക് നല്‍കിയ സംഭാവനകള്‍ മാനിച്ച് സാലിം സെയ്ഫ് അല്‍ ഖാലിദി, ബുത്തി അല്‍ മത്്ലൂം, തന്‍ഹത് നാജിദ് എന്നിവരെ ചടങ്ങില്‍ ആദരിക്കുമെന്നും അധികൃതർ അറിയിച്ചു.