ഷാർജയിൽ വധശിക്ഷക്ക്​ വിധിച്ച ഇന്ത്യക്കാരന്​  11 വർഷത്തിന്​ ശേഷം മോചനം

ദുബൈ: വധശിക്ഷക്ക്​ വിധിക്കപ്പെട്ട്​ ഷാർജ ജയിലിൽ കഴിഞ്ഞിരുന്ന ഇന്ത്യക്കാരന്​ ഒടുവിൽ മോചനം. ജീവകാരുണ്യ പ്രവർത്തകനും വ്യവസായിയുമായ ഡോ. എസ്​.പി. സിങ്​ ഒബ്​റോയിയുടെ ശ്രമഫലമായാണ്​ പഞ്ചാബ്​ കപൂർതല സ്വദേശി സന്ദീപ്​ സിങിന്​ ജീവിതം തിരികെക്കിട്ടിയത്​. കൊലക്കുറ്റത്തിന്​ ജയിലിലായതാണ്​ സന്ദീപ്​ സിങ്​. 2007 ഒക്​ടോബറിലാണ്​​ കേസിനാസ്​പദമായ സംഭവം​. മദ്യക്കടത്തുമായി ബന്ധപ്പെട്ടുണ്ടായ തർക്കത്തിനൊടുവിൽ സ്വന്തം നാട്ടുകാരനായ ഹോഷംഗാബാദ്​ സ്വദേശി മൻദീപ്​ സിങിനെ കൊലപ്പെടുത്തിയെന്നായിരുന്നു കേസ്​. ഷാർജ കോടതി വിധിച്ച വധശിക്ഷ പിന്നീട്​ ഫെഡറൽ കോടതിയും ശരിവച്ചു. 

മരിച്ചയാളുടെ കുടുംബം ദിയാധനം സ്വീകരിച്ച്​ പ്രതിക്ക്​ മാപ്പ്​ നൽകാൻ തയാറല്ലെന്ന്​ പറഞ്ഞതോടെ പ്രതീക്ഷകൾ അസ്​തമിച്ചു. എന്നാൽ, മാതാപിതാക്കൾ മരിച്ചുപോയ സന്ദീപിനു വേണ്ടി ‘സർബത്​ ദാ ബലാ’ ചാരിറ്റബിൾ ട്രസ്​റ്റ്​ മേധാവിയായ ഒബ്​റോയി  വീട്ടിലെത്തി നടത്തിയ സംഭാഷണത്തെ തുടർന്ന്​ മരിച്ചയാളുടെ കുടുംബം  മാപ്പു നൽകാൻ സമ്മതിച്ചു. എന്നാൽ   രേഖകൾ ശരിയാകാതെ വന്നതോടെ ​േമാചനം ആറുവർഷം കൂടി നീണ്ടു. ​േനരത്തെ വധശിക്ഷക്കെതിരെ ഷാർജ അപ്പീൽ കോടതിയെ സമീപിച്ചപ്പോൾ ആ ജീവനാന്ത തടവായി ശിക്ഷ കുറച്ചിരുന്നു. എന്നാൽ ഷാർജ പബ്ലിക്​ പ്രോസിക്യൂഷൻ ഇൗ വിധിക്കെതിരെ ഫെഡറൽ കോടതിയെ സമീപിക്കുകയും വധശിക്ഷ പുന:സ്​ഥാപിക്കുകയും ചെയ്​തു. 

തുടർന്ന്​ ഡോ. ഒബ്​റോയി ഷാർജ കോടതിയെ സമീപിച്ച്​ ​മരിച്ചയാളുടെ ക​ുടുംബത്തെ പറഞ്ഞ്​ സമ്മതിപ്പിക്കാനുള്ള സമയം ആവശ്യപ്പെട്ടു. 2012 ൽ ഇൗ ശ്രമം വിജയിച്ചു. ഒത്തുതീർപ്പ്​ സംബന്ധിച്ച രേഖകൾ 2013ൽ ഷാർജ കോടതിയിലും സുപ്രീം കോടതിയിലും സമർപ്പിച്ചു. ഇൗ രേഖകളിൽ ചില ​േഭദഗതികൾ ആവശ്യപ്പെട്ട സുപ്രീം കോടതി 2018 ഏപ്രിലിൽ ഇവ വീണ്ടും നൽകാൻ ആവശ്യ​െപ്പട്ടു. 

ഡോ. എസ്​.പി. സിങ്​ ഒബ്​റോയി

 

അതേ മാസം തന്നെ ഇയാളുടെ ശിക്ഷ മൂന്ന്​ വർഷമാക്കാൻ ഷാർജ അപ്പീൽ കോടതിയും നിർദേശിച്ചു. അപ്പോഴേക്കും പത്ത്​ വർഷം സന്ദീപ്​ ജയിലിൽ കഴിഞ്ഞിരുന്നു. തുടർന്ന്​ ഇയാളെ മോചിപ്പിക്കാൻ നിർദേശവും വന്നു.  രേഖകളിൽ വീണ്ടും ആശയക്കുഴപ്പം വന്നതോടെ മോചനം നീണ്ടു. ഒടുവിൽ ഇൗ രേഖകൾ കൂടി ശരിയാക്കിയ​േതാടെ ജൂലൈ 22 ന്​ വിടുതൽ ഉത്തരവ്​ വന്നു. സന്ദീപിന്​ യാത്ര​െചയ്യാനുള്ള രേഖകൾ ഇന്ത്യൻ കോൺസുലേറ്റ്​ നൽകി. യാ​ത്രാ ടിക്കറ്റും ഒബ്​റോയ്​ എടുത്ത്​ കൊടുത്തതോടെ  സന്ദീപ്​ ഇന്ന്​ രാവിലെ നാട്ടിലേക്ക്​ പറന്നു. ഒബ്​റോയിയുടെ ഇടപെടലിൽ ജീവിതം തിരിച്ചു കിട്ടിയ 94ാമത്തെ ആളാണ്​ സന്ദീപ്​ സിങ്​. അമൃത്​സർ വിമാനത്താവളത്തിൽ സഹോദരങ്ങളും കുടുംബാംഗങ്ങളും ചേർന്ന്​ വൈകാരികമായ സ്വീകരണമാണ്​ നൽകിയത്​. തുടർന്ന്​ അമൃത്​സറിലെ സുവർണ ക്ഷേത്രത്തിലെത്തി ദർശനം നടത്തി.