സഹായഹസ്​തവുമായി  ഷാർജ നൈജറിൽ

ഷാർജ: കഷ്​ടത അനുഭവിക്കുന്ന രാജ്യങ്ങൾക്കായി പ്രവർത്തിക്കുന്ന ഷാർജ ചാരിറ്റി ഇൻറർനാഷണൽ (എസ്​.സി.ഐ) ഭക്ഷണ പദാർഥങ്ങളുമായി നൈജറിലെത്തി.  ഭക്ഷണ ക്ഷാമം നേരിടുന്ന പ്രദേശങ്ങളിലെ വിതരണത്തിന് ശേഷം സമീപത്തുള്ള രാജ്യങ്ങളിലേക്ക് കൂടി സഹായം എളുപ്പത്തിൽ എത്തിക്കാനായി ഓഫീസും തുറന്നു. നൈജർ തലസ്​ഥാനമായ  നിയാമിയിലെ ഓഫീസി​​െൻറ ഉദ്ഘാടനം പ്രഥമ വനിത ഡോ. മാലിക ഇസൗഫൗ നിർവ്വഹിച്ചു. 
എസ്​.സി.ഐ പബ്ലിക് റിലേഷൻസ്​ ആൻഡ് ഇൻഫർമേഷൻ ഡയറക്ടർ അലി ആൽ റാഷിദി നിയാമിയിലെ പ്രാദേശിക ഓഫീസ്​ തുറക്കുന്നതി​​​െൻറ പ്രാധാന്യം എടുത്ത് പറയുകയും 106 രാജ്യങ്ങളിൽ സേവനം നടത്തുന്ന എസ്​.സി.ഐയുടെ പ്രതിനിധി സംഘത്തി​​െൻറ സന്ദർശനങ്ങളെ കുറിച്ചും ഭാവി പരിപാടികളെ കുറിച്ച് വിശദീകരിക്കുകയും ചെയ്തു.