മി​ക​ച്ച സ​ർ​ക്കാ​ർ സ്ഥാ​പ​ന​ങ്ങ​ളെ പ്ര​ഖ്യാ​പി​ച്ച്​ ശൈ​ഖ്​ ഹം​ദാ​ൻ

ദു​ബൈ: എ​മി​റേ​റ്റി​ലെ 2024ലെ ​ഏ​റ്റ​വും മി​ക​ച്ച സ​ർ​ക്കാ​ർ സ്ഥാ​പ​ന​ങ്ങ​ളെ പ്ര​ഖ്യാ​പി​ച്ച്​ ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം.

ഉ​പ​ഭോ​ക്​​തൃ സ​ന്തോ​ഷ സൂ​ചി​ക​യ​നു​സ​രി​ച്ചും തൊ​ഴി​ലാ​ളി സ​ന്തോ​ഷ സൂ​ചി​ക​യ​നു​സ​രി​ച്ചും മു​ഹ​മ്മ​ദ്​ ബി​ൻ റാ​ശി​ദ്​ ഹൗ​സി​ങ്​ എ​സ്റ്റാ​ബ്ലി​ഷ്​​മെ​ന്‍റാ​ണ്​ പ​ട്ടി​ക​യി​ൽ ഒ​ന്നാ​മ​തെ​ത്തി​യ​ത്. 98.75 ശ​ത​മാ​ന​വും 96.7ശ​ത​മാ​ന​വു​മാ​ണ്​ യ​ഥാ​ക്ര​മം ഉ​പ​ഭോ​ക്​​തൃ സ​ന്തോ​ഷ സൂ​ചി​ക​യി​ലും തൊ​ഴി​ലാ​ളി സ​ന്തോ​ഷ സൂ​ചി​ക​യി​ലും സ്ഥാ​പ​നം ഇ​ടം​പി​ടി​ച്ച​ത്. ഉ​പ​ഭോ​ക്​​തൃ സൂ​ചി​ക​യ​നു​സ​രി​ച്ച്​ എ​ല്ലാ സ്ഥാ​പ​ന​ങ്ങ​ളി​ലും ഹാ​പ്പി​ന​സ്​ റേ​റ്റി​ങ്​ ശ​രാ​ശ​രി 90 ശ​ത​മാ​ന​ത്തി​ന്​ മു​ക​ളി​ലാ​ണ്​ രേ​ഖ​​പ്പെ​ടു​ത്തി​യി​രി​ക്കു​ന്ന​ത്.

ഉ​പ​ഭോ​ക്തൃ സ​ന്തോ​ഷ സൂ​ചി​ക​യി​ൽ ഏ​റ്റ​വും മി​ക​ച്ച ര​ണ്ടാ​മ​ത്തെ സ്ഥാ​പ​നം ദു​ബൈ ഇ​ല​ക്ട്രി​സി​റ്റി ആ​ൻ​ഡ് വാ​ട്ട​ർ അ​തോ​റി​റ്റി(​ദീ​വ)​യാ​ണ്. 97.01 ശ​ത​മാ​നം റേ​റ്റി​ങ്ങാ​ണ്​ ‘ദീ​വ’ കൈ​വ​രി​ച്ച​ത്.

ഇ​സ്​​ലാ​മി​ക് അ​ഫ​യേ​ഴ്‌​സ് ആ​ൻ​ഡ് ചാ​രി​റ്റ​ബി​ൾ ആ​ക്‌​റ്റി​വി​റ്റീ​സ് ഡി​പ്പാ​ർ​ട്മെ​ന്റ് 96.99 ശ​ത​മാ​നം നേ​ട്ട​വു​മാ​യി പ​ട്ടി​ക​യി​ൽ മൂ​ന്നാ​മ​തെ​ത്തി.

ജീ​വ​ന​ക്കാ​രു​ടെ സ​ന്തോ​ഷ സൂ​ചി​ക​യി​ൽ 96.2 ശ​ത​മാ​നം റേ​റ്റി​ങ്ങു​മാ​യി ഔ​ഖാ​ഫ് ദു​ബൈ ര​ണ്ടാം സ്ഥാ​ന​ത്തും 95.3 ശ​ത​മാ​നം റേ​റ്റി​ങ്ങു​മാ​യി ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് റെ​സി​ഡ​ൻ​സി ആ​ൻ​ഡ് ഫോ​റി​നേ​ഴ്‌​സ് അ​ഫ​യേ​ഴ്‌​സ്(​ജി.​ഡി.​ആ​ർ.​എ​ഫ്.​എ) മൂ​ന്നാം സ്ഥാ​ന​ത്തു​മെ​ത്തി.ദു​ബൈ ഗ​വ​ൺ​മെ​ന്റ് എ​ക്‌​സ​ല​ൻ​സ് പ്രോ​ഗ്രാം(​ഡി.​ജി.​ഇ.​പി) എ​ല്ലാ വ​ർ​ഷ​വും സ​ന്തോ​ഷ സൂ​ചി​ക റി​പ്പോ​ർ​ട്ട്​ പു​റ​ത്തി​റ​ക്കാ​റു​ണ്ട്. ദു​ബൈ സ​ർ​ക്കാ​റി​ന്‍റെ വി​വി​ധ സേ​വ​ന​ങ്ങ​ൾ ഉ​പ​യോ​ഗി​ക്കു​ന്ന ഉ​പ​ഭോ​ക്താ​ക്ക​ളു​ടെ ശ​രാ​ശ​രി സ​ന്തോ​ഷ സൂ​ചി​ക 93.8 ശ​ത​മാ​ന​മാ​ണെ​ന്നാ​ണ്​ ഇ​ത്ത​വ​ണ രേ​ഖ​പ്പെ​ടു​ത്തി​യ​ത്.

സ​ർ​ക്കാ​ർ ജീ​വ​ന​ക്കാ​രു​ടെ ശ​രാ​ശ​രി സ​ന്തോ​ഷ സൂ​ചി​ക 86.7 ശ​ത​മാ​ന​വും ശ​രാ​ശ​രി ഡെ​യ്‌​ലി മി​സ്റ്റ​റി ഷോ​പ്പ​ർ സൂ​ചി​ക 95.8 ശ​ത​മാ​ന​വു​മാ​ണ്.

പ്ര​വ​ർ​ത്ത​ന മി​ക​വ്​ ട്രാ​ക്ക് ചെ​യ്യു​ക​യും താ​ര​ത​മ്യം ചെ​യ്യു​ക​യും ചെ​യ്യു​ന്ന ഓ​ൺ​ലൈ​ൻ പ്ലാ​റ്റ്ഫോം വ​ഴി​യാ​ണ് ഉ​പ​ഭോ​ക്താ​വി​ന്‍റെ​യും ജീ​വ​ന​ക്കാ​രു​ടെ​യും സ​ന്തോ​ഷ സൂ​ചി​ക​ക​ൾ ത​യാ​റാ​ക്കു​ന്ന​ത്.