അ​തി​ർ​ത്തി​യി​ൽ സൈ​നി​ക​ർ​ക്കൊ​പ്പം നോ​മ്പു​തു​റ​ന്ന്​ ​ശൈ​ഖ്​ ഹം​ദാ​ൻ

ദു​ബൈ: അ​തി​ർ​ത്തി പ്ര​ദേ​ശ​മാ​യ ഹ​ത്ത​യി​ൽ സൈ​നി​ക​ർ​ക്കൊ​പ്പം നോ​മ്പു​തു​റ​ന്ന്​ ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ​മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം. ഞാ​യ​റാ​ഴ്ച​യാ​ണ്​ പ​ട്രോ​ൾ ഡ്യൂ​ട്ടി നി​ർ​വ​ഹി​ക്കു​ന്ന നാ​ഷ​ന​ൽ ഗാ​ർ​ഡ്​ അം​ഗ​ങ്ങ​ൾ​കൊ​പ്പം ഇ​ഫ്താ​റി​ന്​ എ​ത്തി​യ​ത്.

മ​ല​മു​ക​ളി​ലെ ഒ​രു സ്ഥ​ല​ത്ത്​ സേ​നാം​ഗ​ങ്ങ​ൾ​കൊ​പ്പം ഇ​രു​ന്ന്​ നോ​മ്പ​തു​റ​ന്ന ശേ​ഷം ന​മ​സ്കാ​രം നി​ർ​വ​ഹി​ക്കു​ക​യും സം​ഭാ​ഷ​ണം ന​ട​ത്തു​ക​യും ചെ​യ്യു​ന്ന ചി​ത്ര​ങ്ങ​ൾ സമൂ​ഹ മാ​ധ്യ​മ​ങ്ങ​ളി​ൽ പ​ങ്കു​വെ​ച്ചി​ട്ടു​ണ്ട്. ഹ​ത്ത​യി​ലെ നാ​ഷ​ണ​ൽ ഗാ​ർ​ഡ്​ അം​ഗ​ങ്ങ​ൾ​കൊ​പ്പം ഇ​ഫ്താ​റി​ൽ പ​​ങ്കെ​ടു​ക്കാ​ൻ ക​ഴി​ഞ്ഞ​തി​ൽ അ​തി​യാ​യ ആ​ഹ്ലാ​ദ​മു​ണ്ടെ​ന്ന്​ പി​ന്നീ​ട്​ അ​ദ്ദേ​ഹം എ​ക്സ്​ അ​ക്കൗ​ണ്ടി​ൽ കു​റി​ച്ചു.

പു​ണ്യ​മാ​സ​ത്തി​ലും കു​ടും​ബ​ങ്ങ​ളി​ൽ നി​ന്ന്​ അ​ക​ലെ ക​ഴി​ഞ്ഞു​കൊ​ണ്ട്, ന​മ്മു​ടെ അ​തി​ർ​ത്തി​ക​ൾ സം​ര​ക്ഷി​ക്കു​ന്ന​തി​ൽ സേ​നാം​ഗ​ങ്ങ​ളു​ടെ സ​മ​ർ​പ്പ​ണം ഏ​റെ ശ്ര​ദ്ധേ​യ​മാ​ണ്. രാ​ജ്യം സു​സ്ഥി​ര​ത​യു​ടെ​യും സ​മൃ​ദ്ധി​യു​ടെ​യും കേ​ന്ദ്ര​മാ​യി തു​ട​രു​ന്നു​വെ​ന്ന്​ ഉ​റ​പ്പാ​ക്കാ​ൻ അ​ഹോ​രാ​ത്രം പ​ണി​യെ​ടു​ക്കു​ന്ന എ​ല്ലാ​വ​രെ​യും അ​ഭി​ന​ന്ദി​ക്കു​ക​യാ​ണ്​ -അ​ദ്ദേ​ഹം കൂ​ട്ടി​ച്ചേ​ർ​ത്തു.

മേ​ഖ​ല​യി​ലെ പ​ട്രോ​ളി​ങ്​ സേ​നാം​ഗ​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾ ചോ​ദി​ച്ച​റി​ഞ്ഞ ശൈ​ഖ്​ ഹം​ദാ​ൻ, പ്ര​ദേ​ശ​ത്തെ വി​വി​ധ സ്ഥ​ല​ങ്ങ​ൾ ചു​റ്റി​ക്കാ​ണു​ക​യും ചെ​യ്തു. ദു​ബൈ എ​മി​റേ​റ്റി​ന്‍റെ ഭാ​ഗ​മാ​യ ഹ​ത്ത ഒ​മാ​നു​മാ​യി അ​തി​ർ​ത്തി പ​ങ്കി​ടു​ന്ന പ്ര​ദേ​ശ​മാ​ണ്. ഗ്രാ​മീ​ണ സൗ​ന്ദ​ര്യ​മു​ള്ള ഹ​ത്ത​യി​ൽ നി​ര​വ​ധി വി​ക​സ​ന, വി​നോ​ദ​സ​ഞ്ചാ​ര പ്ര​വ​ർ​ത്ത​ന​ങ്ങ​ളും സ​ർ​ക്കാ​ർ ആ​സൂ​ത്ര​ണം ചെ​യ്ത്​ ന​ട​പ്പി​ലാ​ക്കു​ന്നു​ണ്ട്.