ശൈഖ്​ ഹംദാൻ ഇപ്പോൾ ബെൻസ്​ പുറത്തിറക്കുന്നില്ല; കരുണയുള്ളൊരു കാരണത്താൽ...

ദുബൈ: മൃഗങ്ങളോടും പക്ഷികളോടും കരുണ കാണിക്കുന്നതിലൂടെ ഇതിനുമുമ്പും കൈയടി നേടിയിട്ടുണ്ട്​ ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം. ഇപ്പോൾ ഒരു ചെറുകിളിക്ക്​ കൂടുകൂട്ടാനായി കോടികൾ വിലയുള്ള ത​െൻറ ബെൻസ്​ വിട്ടു നൽകിയാണ്​ ശൈഖ്​ ഹംദാൻ ശ്രദ്ധാകേന്ദ്രമാകുന്നത്​.

ശൈഖ്​ ഹംദാ​െൻറ പ്രിയ വാഹനമായ മെഴ്​സിഡീസ് ബെൻസ് ജി63 എ.എം.ജിയുടെ ബോണറ്റിലാണ്​ ചെറുകിളി കൂട്​ കൂട്ടിയിരിക്കുന്നത്​. അതിൽ മുട്ടയിട്ട്​ അടയിരിക്കുന്നുമുണ്ട്​ കിളി. ഇത്​ ശ്രദ്ധയിൽപ്പെട്ടതോടെ വാഹനം പുറത്തെടുക്കുന്നില്ലെന്ന്​ മാത്രമല്ല, ആരും വാഹനത്തിനടുത്തേക്ക്​ പോയി കിളിയെ ശല്യപ്പെടുത്തരുതെന്ന നിർദേശവും ശൈഖ്​ ഹംദാൻ നൽകിയിട്ടുണ്ട്​. ഇത്​ ഉറപ്പുവരുത്താനായി വാഹനത്തിന്​ ചുറ്റും ചുവപ്പ്​ ടേപ്പ്​ കൊണ്ട്​ വലയം തീർത്തിട്ടുമുണ്ട്​.

​ൈ​ശഖ്​ ഹംദാൻ തന്നെ ഇൻസ്​റ്റഗ്രാമിൽ പങ്കുവെച്ച വിഡിയോയിലൂടെയാണ്​ ഈ വിവരം പുറംലോകം അറിഞ്ഞത്​. ദുബൈ കിരീടാവകാശിയുടെ കാരുണ്യത്തിന്​ കൈയടിക്കുക മാത്രമല്ല, സമൂഹ മാധ്യമങ്ങളിൽ പങ്കു​വെച്ച്​ ഐക്യദാർഢ്യം പ്രകടിപ്പിക്കുന്നവരും നിരവധിയാണ്​.