ആ​ദ്യ വെ​ർ​ച്വ​ൽ സ​മൂ​ഹ വി​വാ​ഹ​ത്തി​ൽ പ​​ങ്കെ​ടു​ത്ത്​​ ശൈ​ഖ്​ മു​ഹ​മ്മ​ദ്​

ദു​ബൈ: രാ​ജ്യ​ത്തെ ആ​ദ്യ വെ​ർ​ച്വ​ൽ സ​മൂ​ഹ വി​വാ​ഹ​ത്തി​ൽ പ​​ങ്കെ​ടു​ത്ത്​ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം. 100​ ഇ​മ​റാ​ത്തി വ​ധൂ​വ​ര​ന്മാ​രാ​ണ്​​ വി​വാ​ഹി​ത​രാ​യ​ത്. അ​ൽ ഐ​ൻ, ദു​ബൈ, ഷാ​ർ​ജ, ഫു​ജൈ​റ, അ​ബൂ​ദ​ബി എ​ന്നി​വി​ട​ങ്ങ​ളി​ൽ സാ​മൂ​ഹി​ക വി​ക​സ​ന മ​ന്ത്രാ​ല​യ​മാ​ണ്​ വി​വാ​ഹം സം​ഘ​ടി​പ്പി​ച്ച​ത്. ഓ​രോ വേ​ദി​യി​ലും 20 വ​ധൂ വ​ര​ന്മാ​ർ വീ​ത​മു​ണ്ടാ​യി​രു​ന്നു. വി​വാ​ഹ ചെ​ല​വ്​ കു​റ​ക്കാ​ൻ യു​വ​ജ​ന​ത​യെ സ​ഹാ​യി​ക്കു​ന്ന​തി​െൻറ ഭാ​ഗ​മാ​യാ​ണ്​ സ​ർ​ക്കാ​ർ മു​ൻ​കൈ​യെ​ടു​ത്ത്​ സ​മൂ​ഹ വി​വാ​ഹം ന​ട​ത്തു​ന്ന​ത്.

വി​ഡി​യോ​യി​ലൂ​ടെ വി​വാ​ഹ​ത്തി​ൽ പ​​ങ്കെ​ടു​ത്ത ശൈ​ഖ്​ മു​ഹ​മ്മ​ദ്​ വ​ധൂ​വ​ര​ന്മാ​രെ ആ​ശം​സ അ​റി​യി​ച്ചു.അ​നു​ഗൃ​ഹീ​ത ദാ​മ്പ​ത്യ​ജീ​വി​ത​ത്തി​െൻറ ര​ഹ​സ്യം അ​തി​െൻറ തു​ട​ക്ക​ത്തി​ലെ ലാ​ളി​ത്യ​ത്തി​ലാ​ണെ​ന്ന്​ അ​ദ്ദേ​ഹം ട്വി​റ്റ​റി​ൽ കു​റി​ച്ചു. സാ​മൂ​ഹി​ക അ​ക​ലം, മാ​സ്​​ക്​ ഉ​ൾ​പ്പെ​െ​ട​യു​ള്ള മു​ൻ​ക​രു​ത​ൽ നി​ർ​ദേ​ശ​ത്തോ​ടെ​യാ​യി​രു​ന്നു വി​വാ​ഹം. ദു​ബൈ​യി​ൽ വി​വാ​ഹ​പാ​ർ​ട്ടി​ക​ളി​ൽ 200 പേ​ർ​ക്ക്​ വ​രെ പ​​ങ്കെ​ടു​ക്കാ​ൻ അ​നു​വാ​ദ​മു​ണ്ട്.

2017ൽ ​സാ​യി​ദ്​ യൂ​നി​വേ​ഴ്​​സി​റ്റി ന​ട​ത്തി​യ പ​ഠ​നം അ​നു​സ​രി​ച്ച്​ ഇ​മ​റാ​ത്തി കു​ടും​ബ​ങ്ങ​ളി​ലെ ഓ​രോ വി​വാ​ഹ​ത്തി​നും ചെ​ല​വാ​കു​ന്ന​ത്​ 6.83 ല​ക്ഷം ദി​ർ​ഹ​മാ​ണ്. ഇ​തി​ൽ ഭൂ​രി​പ​ക്ഷ​വും വ​ധു​വി​െൻറ കു​ടും​ബ​മാ​ണ്​ വ​ഹി​ക്കേ​ണ്ടി​വ​രു​ന്ന​ത്. വി​വാ​ഹ​ച്ചെ​ല​വ്​ ചു​രു​ക്കു​ന്ന​തി​ന്​ സ​ർ​ക്കാ​ർ നി​ർ​ദേ​ശം പു​റ​പ്പെ​ടു​വി​ച്ചി​രു​ന്നു.