ആർട്ടിഫിഷൽ ഇൻറലിജൻസ്​ സ്​​ട്രാറ്റജി ശൈഖ്​ മുഹമ്മദ്​ പ്രഖ്യാപിച്ചു

ദുബൈ: സർക്കാറി​​െൻറ പ്രവർത്തനം കൂടുതൽ ഉൗർജസ്വലമാക്കുന്നതിനും ലക്ഷ്യങ്ങൾ കൈവരിക്കുന്നതിനും കരുത്തുപകരുന്ന യു.എ.ഇ ആർട്ടിഫിഷൽ ഇൻറലിജൻസ്​ സ്​​ട്രാറ്റജി പ്രഖ്യാപിച്ചു. അത്യാധുനിക സാ​േങ്കതിക വിദ്യയിൽ ഉൗന്നിയും കൃത്രിമ ബുദ്ധി വൈഭവ ഉപകരണങ്ങൾ എല്ലാമേഖലകളിലും ഉപയോഗപ്പെടുത്തിയുമുള്ള നവീന ആശയങ്ങൾ നിറഞ്ഞ അന്തരീക്ഷം ആസുത്രണം ചെയ്​തുള്ള പദ്ധതി യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം ആണ്​ പ്രഖ്യാപിച്ചത്​.  

​വിഭവങ്ങളും വൈഭവവും മനുഷ്യ-സാമ്പത്തിക ശേഷിയും ഏറ്റവും കൃത്യവും ക്രിയാത്​മകവുമായ രീതിയിൽ ഉപയോഗപ്പെടുത്തുന്നത്​ ഭാവി വികസന പദ്ധതികൾ അതിവേഗത്തിലാക്കും. ഇത്തരമൊരു ബൃഹദ്​ പദ്ധതിയുമായി മുന്നോട്ടുപോകുന്നതോടെ യു.എ.ഇ ശതാബ്​ദി 2071 പദ്ധതിക്ക്​ തുടക്കമായതായി ശൈഖ്​ മുഹമ്മദ്​ അഭിപ്രായപ്പെട്ടു. 16 വർഷം മുൻപാണ്​ രാജ്യം ഇ ഗവൺമ​െൻറ്​ സേവനം ആരംഭിച്ചത്​. ആർട്ടിഫിഷൽ ഇൻറലിജൻസ്​ സ്​മാർട്ട്​ ഗവൺമ​െൻറിനു ശേഷമുള്ള ഘട്ടമാണ്​. 
ഭാവി മുന്നിൽ കണ്ടുള്ള സേവനം- പശ്​ചാത്തല സൗകര്യ പദ്ധതികളിലധിഷ്​ഠിതമായാണ്​ അവ നീങ്ങുക.  സർക്കാർ പ്രവർത്തനം ഉൗർജിതമാക്കുന്ന എല്ലാവിധ സാ​േങ്കതിക വിദ്യകളും സ്വായത്വമാക്കുമെന്നും ശൈഖ്​ മുഹമ്മദ്​ വ്യക്​തമാക്കി.