നഗരി സന്ദർശിച്ച്​ ശൈഖ്​ മുഹമ്മദ്​

ദുബൈ: വിശ്വമേളയുടെ നഗരിയിൽ ആദ്യദിനം രാവിലെ സന്ദർശിച്ച്​ യു.എ.ഇ വൈസ്​ പ്രസിഡൻറും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം ഒരുക്കങ്ങൾ വിലയിരുത്തി. ദുബൈ കിരീടാവകാശിയും എക്​സിക്യൂട്ടിവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ആൽ മക്​തൂമിനും യു.എ.ഇ ധനകാര്യ മന്ത്രിയും ഡെപ്യൂട്ടി പ്രധാനമന്ത്രിയുമായ മക്​തൂം ബിൻ മുഹമ്മദ്​ ആൽ മക്​തൂമിനുമൊപ്പമാണ്​ അദ്ദേഹം നഗരിയിലെത്തിയത്​. എക്​സ്​പോയുടെ ആസ്​ഥാനവും വിവിധ രാജ്യങ്ങളുടെ പവലിയനുകളും സംഘം സന്ദർശിച്ചു. യു.എ.ഇ, യു.എസ്​, ചൈന, കസാഖ്​സ്​താൻ എന്നിവയുടെ പവലിയനുകളാണ്​ സന്ദർശിച്ചത്​.