സൂപ്പർ മാർക്കറ്റിൽ​ ശൈഖ്​ മുഹമ്മദി​െൻറ അപ്രതീക്ഷിത സന്ദർശനം

ദുബൈ: യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം അപ്രതീക്ഷിതമായി സൂപ്പർമാർക്കറ്റിൽ എത്തിയത്​ ജനങ്ങൾക്ക്​ അത്ഭുതമായി.സമൂഹമാധ്യമങ്ങളിൽ പ്രചരിച്ച വിഡിയോയിലൂടെയാണ്​ ഇക്കാര്യം പുറംലോകമറിഞ്ഞത്​.

ശൈഖ്​ മുഹമ്മദ്​ സൂപ്പർമാർക്കറ്റിൽ ജനങ്ങൾക്കിടയിലൂടെ നടക്കുന്നതാണ്​ വിഡിയോയിൽ ഉള്ളത്​. അപ്രതീക്ഷിതമായി ദുബൈ ഭരണാധികാരിയെ കണ്ട ജനം അത്ഭുതപ്പെടുന്നതും ഇതിൽ കാണാം.ആദ്യമായല്ല ഇദ്ദേഹം ഇത്തരം അപ്രതീക്ഷിത സന്ദർശനങ്ങൾ നടത്തുന്നത്​.

കോവിഡ്​ മഹാമാരിക്ക്​ മുമ്പ്​ പലതവണ ജനങ്ങൾക്കിടയിൽ ഇറങ്ങിവരുകയും അഭിവാദ്യം ചെയ്യുകയും ചെയ്​തിട്ടുണ്ട്​.2016ൽ സർക്കാർ ഓഫിസിലും അദ്ദേഹം അപ്രതീക്ഷിത സന്ദർശനം നടത്തിയിരുന്നു.