നേതാക്കൾക്ക് സ്വീകരണമൊരുക്കി ശൈഖ് സുൽത്താൻ
text_fieldsഷാർജ ഭരണാധികാരി ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമിക്ക് ലുലു ഗ്രൂപ് ചെയർമാൻ എം.എ. യൂസുഫലി റമദാൻ ആശംസകൾ നേരുന്നു. ഷാർജ കിരീടാവകാശിയും ഉപഭരണാധികാരിയുമായ ശൈഖ് സുൽത്താൻ ബിൻ മുഹമ്മദ് ബിൻ സുൽത്താൻ അൽ ഖാസിമി സമീപം
ദുബൈ: റമദാൻ പ്രമാണിച്ച് നേതാക്കൾക്കും അഭ്യുദയകാംക്ഷികൾക്കും സ്വീകരണമൊരുക്കി യു.എ.ഇ സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ. സുൽത്താൻ ബിൻ മുഹമ്മദ് അൽ ഖാസിമി. അൽ ബദീ പാലസിലായിരുന്നു
ശൈഖ് സുൽത്താൻ സ്വീകരണമൊരുക്കിയത്. ഷാർജ കിരീടാവകാശിയും ഉപഭരണാധികാരിയുമായ ശൈഖ് സുൽത്താൻ ബിൻ മുഹമ്മദ് ബിൻ സുൽത്താൻ അൽ ഖാസിമി, ഉപഭരണാധികാരികളായ ശൈഖ് അബ്ദുല്ല ബിൻ സാലിം ബിൻ സുൽത്താൻ അൽ ഖാസിമി, ശൈഖ് സുൽത്താൻ ബിൻ അഹ്മദ് ബിൻ സുൽത്താൻ അൽ ഖാസിമി എന്നിവരും ഒപ്പമുണ്ടായിരുന്നു.
ബഹ്റൈൻ അംബാസഡർ ശൈഖ് ഖാലിദ് ബിൻ അബ്ദുല്ല അൽ ഖലീഫ, യമൻ അംബാസഡർ ഫഹദ് സഈദ് മെൻഹാലി തുടങ്ങിയവർ ആശംസ നേർന്നു. ലുലു ഗ്രൂപ് ചെയർമാൻ എം.എ. യൂസുഫലിയും ക്ഷണിതാവായി എത്തി ആശംസയറിയിച്ചു.
ഫിനാൻസ് വകുപ്പ് മേധാവി ശൈഖ് മുഹമ്മദ് ബിൻ സഊദ് അൽ ഖാസിമി, ഷാർജ പോർട്ട് ആൻഡ് കസ്റ്റംസ് ചെയർമാൻ ശൈഖ ഖാലിദ് ബിൻ അബ്ദുല്ല അൽ ഖാസിമി, ഭരണാധികാരിയുടെ ഓഫിസ് മേധാവി ശൈഖ് സാലിം ബിൻ അബ്ദുൽ റഹ്മാൻ അൽ ഖാസിമി, സിവിൽ ഏവിയേഷൻ ചെയർമാൻ ശൈഖ് ഖാലിദ് ബിൻ ഇസ്സാം അൽ ഖാസിമി തുടങ്ങിയവരും പങ്കെടുത്തിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.