വെറും കുരുമുളക്​ മതി; ഷിജുവിന് കാൻവാസിൽ കരവിരുത് തീർക്കാൻ

ദു​ബൈ: വി​ദേ​ശി​ക​ൾ ക​ട​ൽ​ക്ക​ട​ന്നു വ​ന്ന് ക​ട​ത്തി​ക്കൊ​ണ്ടു​പോ​യ ന​മ്മു​ടെ സ്വ​ന്തം കു​രു​മു​ള​കി​ന് അ​ടു​ക്ക​ള​യി​ലും തീ​ൻ​മേ​ശ​യി​ലും മാ​ത്ര​മാ​ണ് സ്ഥാ​ന​മെ​ന്നാ​ണ് നാം ​ക​രു​തി​യി​രി​ക്കു​ന്ന​ത്. എ​ന്നാ​ൽ, ന​മ്മു​ടെ ധാ​ര​ണ​ക​ളെ​യെ​ല്ലാം പൊ​ളി​ച്ചെ​ഴു​തു​ക​യാ​ണ് ദു​ബൈ​യി​ലെ ഒ​രു ചി​ത്ര​കാ​ര​ൻ. കോ​ഴി​ക്കോ​ട് കൊ​യി​ലാ​ണ്ടി സ്വ​ദേ​ശി ഷി​ജു അ​രി​ക്കു​ള​മാ​ണ് ചി​ത്ര​ര​ച​ന​യി​ൽ വേ​റി​ട്ട മാ​ധ്യ​മ​ങ്ങ​ൾ പ​രീ​ക്ഷി​ക്കു​ന്ന ആ ​ചി​ത്ര​കാ​ര​ൻ.

ഷി​ജു​വിെൻറ കൈ​യി​ൽ കു​രു​മു​ള​ക് കി​ട്ടി​യാ​ൽ പി​ന്നെ മ​നോ​ഹ​ര​മാ​യ ചി​ത്ര​മാ​യി മാ​റാ​ൻ അ​ധി​ക​നേ​രം വേ​ണ്ടി​വ​രി​ല്ല. ഇ​ങ്ങ​നെ കു​രു​മു​ള​കു​കൊ​ണ്ട്​ ആ​ദ്യ​മാ​യി കാ​ൻ​വാ​സി​ലൊ​രു​ക്കി​യ ക​ര​വി​രു​ത് യു.​എ.​ഇ വൈ​സ് പ്ര​സി​ഡ​ൻ​റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ് മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂ​മിെൻറ ഛായാ​ചി​ത്ര​മാ​യി​രു​ന്നു. ഇ​ട​ക്ക് എ​പ്പോ​ഴോ തോ​ന്നി​യൊ​രു ആ​ശ​യ​മാ​ണ് അ​ഞ്ചു​ദി​വ​സം​കൊ​ണ്ട്​ ചി​ത്ര​മാ​യി മാ​റി​യ​തെ​ന്ന് ഷി​ജു.

ശൈ​ഖ് മു​ഹ​മ്മ​ദി​ന് ഇൗ ​ചി​ത്രം നേ​രി​ട്ട് സ​മ്മാ​നി​ക്കാ​നു​ള്ള അ​വ​സ​ര​വും കാ​ത്തി​രി​ക്കു​ക​യാ​ണി​പ്പോ​ൾ ഇൗ ​പ്ര​വാ​സി ചി​ത്ര​കാ​ര​ൻ. കു​രു​മു​ള​ക് ഉ​പ​യോ​ഗി​ച്ച് അ​ത്യു​ഗ്ര​നൊ​രു ഫാ​ൽ​ക്ക​നെ​യും ഷി​ജു കാ​ൻ​വാ​സി​ൽ പു​നഃ​സൃ​ഷ്​​ടി​ച്ചി​ട്ടു​ണ്ട്.

വാ​ട്ട​ർ ക​ള​ർ, ഓ​യി​ൽ ക​ള​ർ, അ​ക്രി​ലി​ക്, പെ​ൻ​സി​ൽ ഡ്രോ​യി​ങ്, ചാ​ർ​ക്കോ​ൾ തു​ട​ങ്ങി എ​ല്ലാ മീ​ഡി​യ​ത്തി​ലും ചി​ത്ര​മൊ​രു​ക്കു​ന്ന ഷി​ജു​വി​ന് ഏ​റെ ഇ​ഷ്്ടം വാ​ട്ട​ർ​ക​ള​റാ​ണ്. പ്ര​മു​ഖ​രും പ്ര​ശ​സ്ത​രും ഉ​ൾ​പ്പെ​ടെ 500ൽ​പ​രം വ്യ​ക്തി​ക​ളു​ടെ ജീ​വ​ൻ തു​ടി​ക്കു​ന്ന ഛായാ​ചി​ത്ര​ങ്ങ​ൾ ഇ​തി​ന​കം പൂ​ർ​ത്തി​യാ​ക്കി​യ ഷി​ജു, ചി​ല​ർ​ക്ക് അ​ത് നേ​രി​ട്ട് കൈ​മാ​റു​ക​യും ചെ​യ്തു.

യു.​എ.​ഇ​യി​ലെ മി​ക്ക ഭ​ര​ണാ​ധി​കാ​രി​ക​ളു​ടെ​യും ചി​ത്ര​മൊ​രു​ക്കാ​നും 15 വ​ർ​ഷ​മാ​യി ദു​ബൈ​യി​ൽ ആ​ർ​ട്ടി​സ്​​റ്റാ​യി ക​ഴി​യു​ന്ന ഇ​ദ്ദേ​ഹ​ത്തി​ന് സാ​ധി​ച്ചു. മോ​ഹ​ൻ​ലാ​ൽ, ദി​ലീ​പ്, കു​ഞ്ചാ​ക്കോ ബോ​ബ​ൻ, ബി​ജു മേ​നോ​ൻ, സം​ഗീ​ത സം​വി​ധാ​യ​ക​ൻ കെ. ​രാ​ഘ​വ​ൻ മാ​സ്​​റ്റ​ർ, ഗാ​യ​ക​ൻ യേ​ശു​ദാ​സ്, സം​വി​ധാ​യ​ക​ൻ സി​ബി മ​ല​യി​ൽ, എം.​എ. യൂ​സു​ഫ​ലി, ഡോ. ​ആ​സാ​ദ് മൂ​പ്പ​ൻ എ​ന്നി​വ​രു​ടെ​യും ഛായാ​ചി​ത്ര​ങ്ങ​ളൊ​രു​ക്കി​യി​ട്ടു​ണ്ട് ഷി​ജു.

ഛായാ​ചി​ത്ര​ങ്ങ​ൾ​ക്കൊ​പ്പം അ​റ​ബ് നാ​ടിെൻറ സൗ​ന്ദ​ര്യം നി​ഴ​ലി​ക്കു​ന്ന മ​നോ​ഹ​ര​മാ​യ പ്രോ​ർ​ട്രേ​റ്റു​ക​ളും ജീ​വ​ജാ​ല​ങ്ങ​ളു​ടെ ഉ​ഗ്ര​ൻ ഓ​യി​ൽ പെ​യി​ൻ​റി​ങ്ങു​ക​ളും ഉ​ൾ​പ്പെ​ടെ ചി​ത്ര​ങ്ങ​ളു​ടെ എ​ണ്ണം ആ​യി​രം ക​ട​ക്കും. കു​രു​മു​ള​ക് മീ​ഡി​യ​മാ​ക്കി​യു​ള്ള പെ​പ്പ​ർ ആ​ർ​ട്ടി​ൽ കൂ​ടു​ത​ൽ പ​രീ​ക്ഷ​ണ​ങ്ങ​ൾ​ക്ക് ത​യാ​റെ​ടു​ക്കു​ക​യാ​ണി​പ്പോ​ൾ ഷി​ജു അ​രി​ക്കു​ളം.