പ്ലാസ്റ്റിക്​ നിക്ഷേപിച്ചാൽ ഷോപ്പിങ്​ ഓഫർ; പുതിയ റീസൈക്ലിങ് ബിന്നുമായി അബൂദബി

അബൂദബി: റീ ​സൈ​ക്ലി​ങ്ങി​നാ​യി പ്ലാ​സ്റ്റി​ക് നി​ക്ഷേ​പി​ക്കു​ന്ന​തി​ന​നു​സ​രി​ച്ച്​ ഷോ​പി​ങ്​ ഓ​ഫ​ർ ല​ഭി​ക്കു​ന്ന സം​വി​ധാ​ന​വു​മാ​യി അ​ബൂ​ദ​ബി. ഇ​തി​ന്‍റെ ഭാ​ഗ​മാ​യി അ​ബൂ​ദ​ബി​യി​ലെ അ​ഡ്‌​നോ​ക് പെ​ട്രോ​ള്‍ സ്‌​റ്റേ​ഷ​നു​ക​ളി​ല്‍ റീ​സൈ​ക്ലി​ങ് ബി​ന്നു​ക​ള്‍ സ്ഥാ​പി​ച്ചു. ഉ​പ​യോ​ഗി​ച്ച പ്ലാ​സ്റ്റി​ക് കു​പ്പി​ക​ളും അ​ലൂ​മി​നി​യം കാ​നു​ക​ളും നി​ക്ഷേ​പി​ക്കാ​ന്‍ ക​ഴി​യു​ന്ന റി​വേ​ഴ്‌​സ് വെ​ന്‍ഡി​ങ് മെ​ഷീ​നു​ക​ളാ​ണ്​ (ആ​ര്‍.​വി.​എം) സ്ഥാ​പി​ച്ച​ത്.

ഈ ​മെ​ഷീ​നു​ക​ളി​ല്‍ നി​ക്ഷേ​പി​ക്കു​ന്ന പ്ലാ​സ്റ്റി​ക് ബോ​ട്ടി​ലു​ക​ള്‍ക്കും അ​ലൂ​മി​നി​യം കാ​നു​ക​ള്‍ക്കും പ്ര​ത്യേ​കം പോ​യ​ന്‍റു​ക​ള്‍ ല​ഭി​ക്കും. തി​ര​ഞ്ഞെ​ടു​ക്ക​പ്പെ​ട്ട കേ​ന്ദ്ര​ങ്ങ​ളി​ലെ​ത്തി ഈ ​പോ​യ​ന്‍റു​ക​ള്‍ സാ​ധ​ന​ങ്ങ​ള്‍ വാ​ങ്ങാ​നും മ​റ്റും ഉ​പ​യോ​ഗ​പ്പെ​ടു​ത്താ​വു​ന്ന​താ​ണ്. 10 കി​ലോ പ്ലാ​സ്റ്റി​ക് ന​ല്‍കി​യാ​ല്‍ 1200 പോ​യ​ന്‍റാ​ണ് ല​ഭി​ക്കു​ക. കെ​യ​ര്‍ഫോ​ര്‍ ദ ​ഗി​വി​ങ് മൂ​വ്‌​മെ​ന്‍റ്, നൂ​ൺ എ​ന്നി​വി​ട​ങ്ങ​ളി​ല്‍ നി​ന്നാ​ണ് പോ​യ​ന്‍റു​ക​ള്‍ക്ക് പ​ക​രം വ​സ്തു​ക്ക​ള്‍ വാ​ങ്ങാ​നാ​വു​ക.

അ​ടു​ത്ത മാ​സം അ​വ​സാ​ന​ത്തോ​ടെ റി​വേ​ഴ്‌​സ് വെ​ന്‍ഡി​ങ് മെ​ഷീ​നു​ക​ള്‍ സ്ഥാ​പി​ക്കു​ന്ന​ത് പൂ​ര്‍ത്തി​യാ​വും. മ​റ്റ് റീ​സൈ​ക്ലി​ങ് ബി​ന്നു​ക​ളി​ല്‍ നി​ന്ന് വ്യ​ത്യ​സ്ത​മാ​യി ആ​ർ.​വി.​എ​മ്മു​ക​ള്‍ ഓ​രോ​രു​ത്ത​രും നി​ക്ഷേ​പി​ക്കു​ന്ന വ​സ്തു​ക്ക​ളു​ടെ അ​ള​വ് യ​ഥാ​സ​മ​യം അ​റി​യി​ച്ചു​കൊ​ണ്ടി​രി​ക്കു​മെ​ന്ന് അ​ബൂ​ദ​ബി പ​രി​സ്ഥി​തി ഏ​ജ​ന്‍സി​യി​ലെ സെ​ക്ര​ട്ട​റി ജ​ന​റ​ല്‍ ശൈ​ഖ സ​ലിം അ​ല്‍ ധാ​ഹി​രി പ​റ​ഞ്ഞു.

നി​ക്ഷേ​പി​ക്കു​ന്ന​തി​ന​നു​സ​രി​ച്ച് കൂ​ടു​ത​ല്‍ ഗു​ണം ല​ഭി​ക്കു​മെ​ന്ന​തി​നാ​ല്‍ ഈ ​പ്ര​വൃ​ത്തി തു​ട​രു​ന്ന​തി​ന് ആ​ളു​ക​ളെ പ്ര​ചോ​ദി​പ്പി​ക്കും. ഇ​തി​ലൂ​ടെ പ​രി​സ്ഥി​തി സം​ര​ക്ഷ​ണം സാ​ധ്യ​മാ​വു​മെ​ന്നും അ​ധി​കൃ​ത​ര്‍ പ​റ​യു​ന്നു.

പ്ര​കൃ​തി​യി​ല്‍ നി​ക്ഷേ​പി​ക്ക​പ്പെ​ടു​ന്ന പ്ലാ​സ്റ്റി​ക് കു​പ്പി ഇ​ല്ലാ​താ​വാ​ന്‍ 450 വ​ര്‍ഷ​മെ​ടു​ക്കു​മെ​ന്നാ​ണ് ക​ണ​ക്ക്. കൂ​ടു​ത​ല്‍ പ്ലാ​സ്റ്റി​ക്കു​ക​ള്‍ വ​ലി​ച്ചെ​റി​യ​പ്പെ​ടു​ന്ന​തി​ലൂ​ടെ അ​ത് പ​രി​സ്ഥി​തി​യെ​യും മ​നു​ഷ്യ​രെ​യു​മൊ​ക്കെ ബാ​ധി​ക്കു​മെ​ന്നും അ​വ​ര്‍ വ്യ​ക്ത​മാ​ക്കി. എ​മി​റേ​റ്റി​ലെ ഒ​റ്റ​ത്ത​വ​ണ പ്ലാ​സ്റ്റി​ക് കു​പ്പി ഉ​പ​യോ​ഗ​ത്തി​ല്‍ 50 ശ​ത​മാ​ന​ത്തി​ന്‍റെ കു​റ​വു​ണ്ടാ​ക്കു​ക​യെ​ന്ന ല​ക്ഷ്യ​ത്തി​ലേ​ക്കു​ള്ള അ​ബൂ​ദ​ബി​യു​ടെ ഒ​റ്റ​ത്ത​വ​ണ പ്ലാ​സ്റ്റി​ക് ന​യ​ത്തി​ന് ആ​ർ.​വി.​എം പ​ദ്ധ​തി സ​ഹാ​യി​ക്കു​മെ​ന്നും അ​വ​ര്‍ കൂ​ട്ടി​ച്ചേ​ര്‍ത്തു.