ഈ പുസ്തകത്തിലുണ്ട്​ ഇമാറാത്തിന്‍റെ സ്​നേഹഗാഥ

ഖോ​ർ​ഫു​ക്കാ​നി​ലെ കെ​ട്ടി​ട​ങ്ങ​ൾ​ക്കെ​ല്ലാം പ​ഴ​മ​യു​ടെ പ്രൗ​ഢി​യാ​ണ്. ഒ​റ്റ​നോ​ട്ട​ത്തി​ൽ ഇ​ടി​ഞ്ഞു​പൊ​ളി​ഞ്ഞു വീ​ഴാ​റാ​യെ​ന്ന്​ തോ​ന്നും. പ​ക്ഷേ, പ​ഴ​മ​യു​ടെ ക​രു​ത്തി​നോ​ളം വ​രി​ല്ല​ല്ലോ പു​തു​യു​ഗ നി​ർ​മി​തി​ക​ൾ. ച​രി​ത്ര​മു​റ​ങ്ങു​ന്ന ഖോ​ർ​ഫു​ക്കാ​നി​ലെ ദീ​പാ​ലം​കൃ​ത​മാ​യ തെ​രു​വി​ലൂ​ടെ ന​ട​ക്കു​മ്പോ​ൾ 'ന്യൂ ​കാ​ലി​ക്ക​റ്റ്​ റ​സ്റ്റാ​റ​ന്‍റ്​' എ​ന്ന ക​ട കാ​ണാം. നേ​ര​ത്തേ പ​റ​ഞ്ഞ, പ​ഴ​മ​യു​ടെ തി​ള​ക്ക​മു​ള്ള ചെ​റി​യൊ​രു ക​ട. കേ​ര​ള​ത്തി​ന്‍റെ പ്ര​വാ​സ​ച​രി​ത്രം എ​ഴു​തു​ന്നു​ണ്ടെ​ങ്കി​ൽ ഈ ​ക​ട​യും അ​തി​ന്‍റെ ഉ​ട​മ​സ്ഥ​ൻ പാ​ല​ക്കാ​ട്​ ചാ​ലി​ശേ​രി സി​ദ്ദീ​ഖു​മി​ല്ലാ​തെ ആ ​പു​സ്ത​കം പൂ​ർ​ണ​മാ​വി​ല്ല. അ​ര​നൂ​റ്റാ​ണ്ട്​ മു​മ്പ്​ അ​ട​യാ​ള​പ്പാ​റ​ക്ക​രി​കെ പ​ത്തേ​മാ​രി​യി​ലെ​ത്തി നീ​ന്തി​ത്ത​ള​ർ​ന്ന​വ​രെ കൈ​പി​ടി​ച്ചു​യ​ർ​ത്തി​യ മ​നു​ഷ്യ​നും അ​ദ്ദേ​ഹ​ത്തി​ന്‍റെ സ്ഥാ​പ​ന​വു​മാ​ണി​ത്. പാ​സ്​​പോ​​ർ​ട്ടോ വി​സ​യോ മാ​റി​യു​ടു​ക്കാ​ൻ വ​സ്ത്ര​മോ ഭ​ക്ഷ​ണ​മോ ഇ​ല്ലാ​തെ വ​ല​ഞ്ഞ​വ​രെ ഒ​രു​പാ​ട്​ ഊ​ട്ടി​യി​ട്ടു​ണ്ട്​ സി​ദ്ദീ​ഖ്.

ചെ​റി​യൊ​രു സ്ഥാ​പ​നം ന​ട​ത്തു​ന്ന ഒ​രാ​ൾ​ക്ക്​ ഇ​ത്ര​യേ​റെ പേ​ർ​ക്ക്​ ഭ​ക്ഷ​ണ​വും സ​ഹാ​യ​വും ന​ൽ​കാ​ൻ ക​ഴി​യു​മോ എ​ന്ന്​ ചോ​ദി​ച്ചാ​ൽ സി​ദ്ദീ​ഖ്​ കൈ​യി​ലി​രി​ക്കു​ന്ന പു​സ്ത​ക​ക്കെ​ട്ടു​ക​ൾ എ​ടു​ത്ത്​ കാ​ണി​ക്കും. നൂ​ലി​ഴ​യാ​ൽ തു​ന്നി​ച്ചേ​ർ​ത്തി​രി​ക്കു​ന്ന ആ ​പേ​പ്പ​റു​ക​ളു​ടെ കെ​ട്ടി​ൽ സു​ൽ​ത്താ​ൻ ഇ​ബ്രാ​ഹിം മു​ത​ൽ അ​റ​ബി​പ്പെ​ണ്ണ്​ എ​ന്ന്​ വ​രെ​യു​ള്ള നി​ര​വ​ധി പേ​രു​ക​ൾ കാ​ണാം. അ​തി​നു​നേ​രെ 100 ദി​ർ​ഹം മു​ത​ൽ 1000 വ​രെ​യു​ള്ള സം​ഖ്യ​ക​ളും എ​ഴു​തി​യി​രി​ക്കു​ന്നു. പ്ര​വാ​സ​ലോ​ക​ത്തെ ഇ​മാ​റാ​ത്തി​ക​ൾ ചേ​ർ​ത്തു​പി​ടി​ക്കു​ന്ന​ത്​ എ​ങ്ങ​നെ​യാ​ണെ​ന്ന് അ​റി​യ​ണ​മെ​ങ്കി​ൽ ഈ ​പു​സ്ത​ക​മൊ​ന്ന്​ ഓ​ടി​ച്ച്​ നോ​ക്കി​യാ​ൽ മ​തി. മ​ല​യാ​ളി​ക​ൾ അ​ട​ക്ക​മു​ള്ള പ്ര​വാ​സി​ക​ൾ​ക്ക്​ ഭ​ക്ഷ​ണം കൊ​ടു​ക്കാ​ൻ ഇ​മാ​റാ​ത്തി​ക​ൾ ന​ൽ​കു​ന്ന സം​ഭാ​വ​ന​യാ​ണി​തി​ൽ കു​റി​ച്ചി​രി​ക്കു​ന്ന​ത്. ഇ​തു​വ​രെ ക​ണ്ടി​ട്ടി​ല്ലാ​ത്ത, ഇ​നി​യൊ​രി​ക്ക​ലും കാ​ണാ​നും സാ​ധ്യ​ത​യി​ല്ലാ​ത്ത​വ​ർ​ക്കു​വേ​ണ്ടി മ​റ​യ​ത്തി​രു​ന്ന്​ സ​ഹാ​യ​മൊ​രു​ക്കു​ക​യാ​ണി​വ​ർ. ക​ഴി​ഞ്ഞ റ​മ​ദാ​നി​ലെ ഓ​രോ ദി​വ​സ​വും 300ലേ​റെ പേ​രെ​യാ​ണ്​ ഈ ​ചെ​റി​യ സ്ഥാ​പ​നം​ ഊ​ട്ടി​യ​ത്. റ​മ​ദാ​ൻ ക​ഴി​ഞ്ഞും ഈ ​സ്​​നേ​ഹം തു​ട​രു​ന്നു. പേ​രു​ പോ​ലും പ​റ​യാ​ൻ ആ​ഗ്ര​ഹി​ക്കാ​ത്ത ഇ​മാ​റാ​ത്തി​ക​ളാ​ണ്​ ഇ​പ്പോ​ഴും ഈ ​ഭ​ക്ഷ​ണം സ്​​പോ​ൺ​സ​ർ ചെ​യ്തു​കൊ​ണ്ടി​രി​ക്കു​ന്ന​ത്.

മ​റ്റൊ​രു പു​സ്ത​ക​ത്തി​ൽ കു​റെ ര​സീ​തു​ക​ൾ ക​രു​തി​വെ​ച്ചി​ട്ടു​ണ്ട്. യു.​എ.​ഇ​യി​ലെ പ​ല ബാ​ങ്കു​ക​ളി​ലും നി​ക്ഷേ​പി​ച്ച തു​ക​യു​ടെ ര​സീ​തു​ക​ളാ​ണ​വ. പ​തി​റ്റാ​ണ്ടു​ക​ൾ പ​ഴ​ക്ക​മു​ള്ള ര​സീ​തു​ക​ൾ മു​ത​ൽ ക​ഴി​ഞ്ഞ​ദി​വ​സം നാ​ട്ടി​ലെ അ​നാ​ഥ​കു​ടും​ബ​ത്തി​ന്‍റെ പേ​രി​ൽ ബാ​ങ്കി​ൽ നി​ക്ഷേ​പി​ച്ച 10​ ല​ക്ഷം രൂ​പ​യു​ടെ ബാ​ങ്ക്​ സ്​​റ്റേ​റ്റ്​​മെ​ന്‍റ്​ വ​രെ ഇ​ക്കൂ​ട്ട​ത്തി​ലു​ണ്ട്. ഈ ​പ​ണ​മെ​ല്ലാം സി​ദ്ദീ​ഖി​ന്​ ന​ൽ​കു​ന്ന​ത്​ ഇ​ന്നാ​ട്ടി​ലെ അ​റ​ബി​ക​ളാ​ണ്. ആ ​സ്​​നേ​ഹം കൈ​പ്പ​റ്റു​ന്ന​വ​ർ​ക്കു പോ​ലു​മ​റി​യി​ല്ല അ​തി​ന്​ പി​ന്നി​ലെ സ​ഹാ​യ​ഹ​സ്തം ആ​രു​ടേ​താ​ണെ​ന്ന്.

ഇ​മാ​റാ​ത്തി പൗ​ര​ൻ​മാ​ർ​ക്ക്​ സി​ദ്ദീ​ഖി​ലു​ള്ള വി​ശ്വാ​സ​ത്തി​ലാ​ണ്​ ഈ ​ഇ​ട​പാ​ടു​ക​ളെ​ല്ലാം ന​ട​ക്കു​ന്ന​ത്. അ​ർ​ഹ​മാ​യ കൈ​ക​ളി​ൽ ഈ ​തു​ക എ​ത്തു​മെ​ന്ന്​ അ​വ​ർ​ക്ക്​ ന​ന്നാ​യി അ​റി​യാം. തു​ക ന​ൽ​കു​മ്പോ​ൾ ഒ​രു നി​ബ​ന്ധ​ന മാ​ത്രം, ന​ൽ​കി​യ​ത്​ ആ​രാ​ണെ​ന്ന്​ ഒ​രാ​ളും അ​റി​യ​രു​ത്. വ​ലം​കൈ ന​ൽ​കു​ന്ന​ത്​ ഇ​ടം​കൈ അ​റി​യ​രു​ത്​ എ​ന്ന്​ പ​റ​യു​ന്ന​ത്​ വെ​റും​വാ​ക്ക​ല്ലെ​ന്ന തെ​ളി​വാ​ണ്​ ഈ ​ഇ​മാ​റാ​ത്തി​ക​ൾ.

സി​ദ്ദീ​ഖ്​ പ​റ​യു​ന്നു: ''നാ​ല്​ പ​തി​റ്റാ​ണ്ട്​ മു​മ്പ്​ ഇ​വി​ടെ​യെ​ത്തി​യി​രു​ന്ന മ​ല​യാ​ളി​ക​ൾ​ക്ക്​ ജോ​ലി​യോ ഭ​ക്ഷ​​ണ​മോ​പോ​ലും ഇ​ല്ലാ​ത്ത അ​വ​സ്ഥ​യു​ണ്ടാ​യി​രു​ന്നു. അ​ക്കാ​ല​ത്ത്​ ചി​ല അ​റ​ബി​ക​ൾ ഹോ​ട്ട​ലി​ൽ പ​ണം കൊ​ണ്ടു​വ​ന്ന്​ ത​രും. അ​വ​ർ​ക്ക്​ ഭ​ക്ഷ​ണം കൊ​ടു​ക്കാ​ൻ പ​റ​യും. ക​ഴി​ക്കു​ന്ന​വ​ൻ അ​റി​യി​ല്ല ആ​രാ​ണ്​ പ​ണം ന​ൽ​കി​യ​തെ​ന്ന്. ആ ​സം​വി​ധാ​ന​മാ​ണ്​ ഇ​പ്പോ​ഴും തു​ട​രു​ന്ന​ത്. ആ​ദ്യ​കാ​ല​ങ്ങ​ളി​ൽ സ​ഹാ​യി​ച്ചി​രു​ന്ന​വ​രി​ൽ പ​ല​രും മ​ൺ​മ​റ​ഞ്ഞു. അ​വ​രു​ടെ മ​ക്ക​ളും പു​തു​ത​ല​മു​റ​യും ഇ​പ്പോ​ഴും മു​ട​ക്ക​മി​ല്ലാ​തെ സ​ഹാ​യ​മൊ​ഴു​ക്കു​ന്നു'.

ക​ട​യി​ലെ കൗ​ണ്ട​റി​ന്​ മു​ക​ളി​ൽ പ​ഴ​യൊ​രു ചി​ത്രം ​ഫ്രെ​യിം​ചെ​യ്ത് വെ​ച്ചി​രി​ക്കു​ന്ന​ത്​ കാ​ണാം. അ​തി​ൽ ഒ​രാ​ൾ സി​ദ്ദീ​ഖാ​ണ്. മ​റ്റേ​യാ​ൾ അ​ബ്​​ദു​ല്ല. ഖോ​ർ​ഫു​ക്കാ​​നി​ലെ​ത്തി​യ കാ​ല​ത്ത്​ സി​ദ്ദീ​ഖി​നൊ​പ്പം കൂ​ടി​യ​താ​ണ്​ ഈ ​ഇ​മാ​റാ​ത്തി. ഭാ​ര്യ​യോ മ​ക്ക​ളോ ഇ​ല്ലാ​തി​രു​ന്ന ഇ​ദ്ദേ​ഹ​ത്തി​ന്​ സ​ർ​ക്കാ​ർ വീ​ട്​ ന​ൽ​കി​യെ​ങ്കി​ലും മ​ര​ണം വ​രെ താ​മ​സ​വും ഭ​ക്ഷ​ണ​വു​മെ​ല്ലാം സി​ദ്ദീ​ഖി​നൊ​പ്പ​മാ​യി​രു​ന്നു.

കി​ട്ടു​ന്ന പ​ണ​മെ​ല്ലാം സി​ദ്ദീ​ഖി​ന്‍റെ ക​ട വ​ഴി പാ​വ​ങ്ങ​ളെ സ​ഹാ​യി​ക്കാ​ൻ ചെ​ല​വ​ഴി​ച്ചു. 1977ലാ​ണ്​ സി​ദ്ദീ​ഖ്​ ഖോ​ർ​ഫു​ക്കാ​നി​ലെ​ത്തു​ന്ന​ത്. മ​ല​പ്പു​റം തി​രൂ​രു​കാ​ര​ൻ കു​ഞ്ഞു​മൗ​ലാ​ന​യാ​ണ്​ അ​ന്ന്​ ഈ ​സ്ഥാ​പ​നം ന​ട​ത്തി​യി​രു​ന്ന​ത്. അ​വി​ടെ ജോ​ലി​ചെ​യ്തു തു​ട​ങ്ങി​യ സി​ദ്ദീ​ഖ്​ പി​ന്നീ​ട്​ സ്ഥാ​പ​നം ഏ​റ്റെ​ടു​ക്കു​ക​യാ​യി​രു​ന്നു. ക​ട​ൽ​ക​ട​ന്നെ​ത്തി​യ​വ​ർ​ക്ക്​ ഭ​ക്ഷ​ണം മാ​ത്ര​മ​ല്ല, താ​മ​സ​വും ഒ​രു​ക്കി അ​വ​രു​ടെ ​'ലോ​ഡ്ജാ​യും' മാ​റി ഈ ​സ്ഥാ​പ​നം. അ​ന്നം​തേ​ടി​യെ​ത്തി​യ​വ​രെ കൈ​യൊ​ഴി​യാ​ത്ത ഈ ​നാ​ടി​ന്‍റെ പ്ര​തി​നി​ധി​ക​ളാ​യി​രു​ന്നു അ​ന്ന്​ അ​വ​രു​ടെ ആ​ശ​യും ആ​ശ്വാ​സ​വും.

നി​ങ്ങ​ൾ​ക്കു​ണ്ടോ ഇ​ത്ത​രം അ​നു​ഭ​വ​ങ്ങ​ൾ; ഞ​ങ്ങ​ൾ​ക്കെ​ഴു​തൂ...

ഖോ​ർ​ഫു​ക്കാ​നി​ലെ സി​ദ്ദീ​ഖ്​ മാ​ത്ര​മ​ല്ല, ഇ​മാ​റാ​ത്തി പൗ​ര​ൻ​മാ​രു​ടെ സ്​​നേ​ഹം തൊ​ട്ട​റി​ഞ്ഞ നി​ര​വ​ധി പേ​ർ ഈ ​പ്ര​വാ​സ​മ​ണ്ണി​ലു​ണ്ട്. അ​ത്ത​രം അ​നു​ഭ​വ​ങ്ങ​ൾ നി​ങ്ങ​ൾ​ക്കു​മു​ണ്ടോ? എ​ങ്കി​ൽ 'ഗ​ൾ​ഫ്​ മാ​ധ്യ​മ'​ത്തി​ലൂ​ടെ ലോ​ക​വു​മാ​യി പ​ങ്കു​വെ​ക്കാം. ജൂ​ൺ 24, 25, 26 തീ​യ​തി​ക​ളി​ൽ ഷാ​ർ​ജ എ​ക്സ്​​പോ സെ​ന്‍റ​റി​ൽ ന​ട​ക്കു​ന്ന ​'ഗ​ൾ​ഫ്​ മാ​ധ്യ​മം' ക​മോ​ൺ കേ​ര​ള​യോ​ട​നു​ബ​ന്ധി​ച്ച്​ ജൂ​ൺ 23ന്​ ​സം​ഘ​ടി​പ്പി​ക്കു​ന്ന 'ശു​ക്റ​ൻ ഇ​മാ​റാ​ത്തി'​ൽ ഇ​ന്ത്യ​യു​ടെ സ്​​നേ​ഹം അ​വ​ർ​ക്കാ​യി സ​മ​ർ​പ്പി​ക്കാം. യു.​എ.​ഇ പൗ​ര​ൻ​മാ​ർ​ക്ക്​ പ്ര​വാ​സ​ലോ​കം സ​മ​ർ​പ്പി​ക്കു​ന്ന ഏ​റ്റ​വും വ​ലി​യ ​സ്​​നേ​ഹാ​ദ​ര​മാ​യി​രി​ക്കും ​'ശു​ഖ്​​റ​ൻ ഇ​മാ​റാ​ത്ത്​'. ആ ​വേ​ദി​യി​ൽ നി​ങ്ങ​ൾ സ്​​നേ​ഹി​ക്കു​ന്ന, നി​ങ്ങ​ളെ സ്​​നേ​ഹി​ക്കു​ന്ന ഇ​മാ​റാ​ത്തി പൗ​ര​ൻ ഉ​ണ്ടാ​കു​മെ​ന്ന്​ ഉ​റ​പ്പു​വ​രു​ത്തൂ. ഫോ​ൺ: 0556699188.