യു.എ.ഇയിൽ ട്രാ​ഫി​ക്​ ലം​ഘ​ന​ങ്ങ​ൾ പി​ടി​ക്കാ​ൻ ‘നി​ശ്ശ​ബ്​​ദ റ​ഡാ​റു’​ക​ൾ വ​രു​ന്നു

ദു​ബൈ: എ​മി​റേ​റ്റി​ലെ താ​മ​സ​കേ​ന്ദ്ര​ങ്ങ​ളി​ൽ ട്രാ​ഫി​ക്​ നി​യ​മ​ലം​ഘ​ന​ങ്ങ​ൾ പി​ടി​കൂ​ടാ​ൻ ‘നി​ശ്ശ​ബ്​​ദ റ​ഡാ​റു’​ക​ൾ വ​രു​ന്നു. ദു​ബൈ പൊ​ലീ​സ്​ വൃ​ത്ത​ങ്ങ​ളെ ഉ​ദ്ധ​രി​ച്ച്​ ഖ​ലീ​ജ്​ ടൈം​സാ​ണ്​ ഇ​ക്കാ​ര്യം വെ​ളി​പ്പെ​ടു​ത്തി​യ​ത്.

പ​ര​മ്പ​രാ​ഗ​ത റ​ഡാ​റു​ക​ൾ പോ​ലെ നി​യ​ലം​ഘ​ന​ങ്ങ​ൾ ക​ണ്ടെ​ത്തു​മ്പോ​ൾ ഫ്ലാ​ഷ്​ ലൈ​റ്റ്​ തെ​ളി​യാ​ത്ത​തി​നാ​ലാ​ണ്​ നി​ശ്ശ​ബ്​​ദ റ​ഡാ​ർ എ​ന്ന്​ സം​വി​ധാ​ന​ത്തെ വി​ളി​ക്കു​ന്ന​ത്. അ​മി​ത വേ​ഗം, സീ​റ്റ്​ ബെ​ൽ​റ്റ്​ ധ​രി​ക്കാ​തി​രി​ക്കു​ക, ഡ്രൈ​വി​ങ്ങി​നി​ടെ മൊ​ബൈ​ൽ ഫോ​ൺ ഉ​പ​യോ​ഗം തു​ട​ങ്ങി​യ നി​യ​മ​ലം​ഘ​ന​ങ്ങ​ൾ റ​ഡാ​റി​ൽ ക​ണ്ടെ​ത്താ​നാ​കും. താ​മ​സ​കേ​ന്ദ്ര​ങ്ങ​ൾ​ക്ക്​ അ​ക​ത്ത്​ വാ​ഹ​ന​മോ​ടി​ക്കു​മ്പോ​ൾ നി​യ​മം പാ​ലി​ക്കാ​ൻ കാ​ണി​ക്കു​ന്ന അ​ശ്ര​ദ്ധ കു​റ​ക്കു​ക​യാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്.

കു​റ​ഞ്ഞ ദൂ​ര​ത്തേ​ക്കു​ള്ള യാ​ത്ര​യാ​ണെ​ങ്കി​ലും നി​യ​മ​ലം​ഘ​ന​ങ്ങ​ൾ​ക്ക്​ സാ​ധാ​ര​ണ​പോ​ലെ ത​ന്നെ പി​ഴ ല​ഭി​ക്കും. സം​വി​ധാ​നം എ​പ്പോ​ഴാ​ണ്​ നി​ല​വി​ൽ വ​രു​ക​യെ​ന്ന്​ അ​ധി​കൃ​ത​ർ വെ​ളി​പ്പെ​ടു​ത്തി​യി​ട്ടി​ല്ല. ദു​ബൈ​യി​ൽ വ്യ​ത്യ​സ്ത ത​രം റ​ഡാ​റു​ക​ൾ ഉ​പ​യോ​ഗി​ക്കു​ന്നു​ണ്ടെ​ന്ന് ട്രാ​ഫി​ക് ടെ​ക്‌​നോ​ള​ജി ഡി​പ്പാ​ർ​ട്ട്‌​മെ​ന്‍റി​ലെ ഹ​സ​ൻ അ​ലി താ​ലി​ബ് അ​ൽ ഹാ​മി​ർ പ​റ​ഞ്ഞു. പ​ല​രും വി​ചാ​രി​ക്കു​ന്ന​ത് അ​മി​ത​വേ​ഗം മാ​ത്ര​മേ റ​ഡാ​ർ ക​ണ്ടെ​ത്തു​ക​യു​ള്ളൂ എ​ന്നാ​ണ്.

നി​യ​മ​വി​രു​ദ്ധ​മാ​യ യു-​ടേ​ണു​ക​ളും മ​റ്റ് ട്രാ​ഫി​ക് ലം​ഘ​ന​ങ്ങ​ളും പി​ടി​കൂ​ടാ​ൻ ഇ​തു​വ​ഴി സാ​ധി​ക്കും. എ​മി​റേ​റ്റി​ലെ റോ​ഡു​ക​ളി​ൽ നൂ​ത​ന ട്രാ​ഫി​ക് നി​യ​ന്ത്ര​ണ സാ​ങ്കേ​തി​ക​വി​ദ്യ​യാ​ണ്​ ഉ​പ​യോ​ഗി​ക്കു​ന്ന​തെ​ന്നും ഡ്രൈ​വി​ങ്​ സ​മ​യ​ത്ത് മൊ​ബൈ​ൽ ഫോ​ൺ ഉ​പ​യോ​ഗ​വും സീ​റ്റ് ബെ​ൽ​റ്റ് ലം​ഘ​ന​ങ്ങ​ളും അ​തി​ന്​ ക​ണ്ടെ​ത്താ​നാ​കു​മെ​ന്നും ഉ​ദ്യോ​ഗ​സ്ഥ​ൻ കൂ​ട്ടി​ച്ചേ​ർ​ത്തു.

ദു​ബൈ റോ​ഡു​ക​ളി​ൽ സ്ഥാ​പി​ച്ചി​രി​ക്കു​ന്ന റ​ഡാ​റു​ക​ൾ​ക്ക് ര​ണ്ട് വ​ശ​ത്തെ പാ​ത​ക​ൾ കൂ​ടാ​തെ, ഒ​രു ഹൈ​വേ​യി​ലെ ആ​റ് പ്ര​ധാ​ന പാ​ത​ക​ളും നി​രീ​ക്ഷി​ക്കാ​ൻ ക​ഴി​യും. ന​മ്പ​ർ പ്ലേ​റ്റു​ക​ൾ വാ​യി​ക്കാ​നും അ​വ ഏ​തെ​ങ്കി​ലും വി​ധ​ത്തി​ൽ മ​റ​ച്ചി​ട്ടു​ണ്ടോ എ​ന്ന് തി​രി​ച്ച​റി​യാ​നും ക​ഴി​യും. ഭാ​ഗി​ക​മാ​യി പ്ലേ​റ്റ്​ മ​റ​ച്ചാ​ൽ പോ​ലും ഹൈ​ടെ​ക് ഉ​പ​ക​ര​ണ​ങ്ങ​ൾ​ക്ക് അ​മി​ത വേ​ഗ​വും മ​റ്റ് നി​യ​മ​ലം​ഘ​ന​ങ്ങ​ളും ക​ണ്ടെ​ത്താ​ൻ ക​ഴി​യും.

നൂ​ത​ന റ​ഡാ​റു​ക​ൾ​ക്ക്​ പു​റ​മെ, ദു​ബൈ പൊ​ലീ​സ് ക​മാ​ൻ​ഡ് ക​ൺ​ട്രോ​ൾ സെ​ന്‍റ​റി​ലെ കൂ​റ്റ​ൻ സ്‌​ക്രീ​നു​ക​ൾ വ​ഴി​യും റോ​ഡു​ക​ൾ നി​രീ​ക്ഷി​ക്കു​ന്നു​ണ്ട്. ഇ​തു​വ​ഴി റോ​ഡി​ൽ ഗ​താ​ഗ​ത​ക്കു​രു​ക്കു​ണ്ടോ എ​ന്ന​തും ഡ്രൈ​വ​ർ​ക്ക് സ​ഹാ​യം ആ​വ​ശ്യ​മു​ണ്ടെ​ങ്കി​ലും ക​ണ്ടെ​ത്താ​നാ​കും.