ദുബൈയിൽ സമൂഹ മാധ്യമ അക്കൗണ്ടുകൾക്കും പിന്തുടർച്ചാവകാശ സൗകര്യം

ദുബൈ: ദുബൈയിൽ സമൂഹ മാധ്യമ അക്കൗണ്ടുകളും ക്രിപ്​റ്റോ കറൻസികൾ പോലുള്ള ഒാൺലൈൻ സ്വത്തുക്കളും മരണ ശേഷം നിയമപരമായി മറ്റുള്ളവർക്ക്​ കൈമാറാൻ സംവിധാനം. സമൂഹ മാധ്യമ അക്കൗണ്ടുകൾക്ക്​ പിന്തുടർച്ചാവകാശം നൽകാമെന്ന്​ കഴിഞ്ഞയാഴ്​ച ജർമനിയിലുണ്ടായ ചരിത്രപരമായ വിധിയെ തുടർന്നാണ്​ ദുബൈ ഇൻറർനാഷനൽ ഫൈനാൻഷ്യൽ സ​െൻറർ (ഡി.​െഎ.എഫ്​.സി) കോടതികളിൽ ഒസ്യത്ത്​ രജിസ്​റ്റർ ചെയ്​തിരിക്കുന്ന യു.എ.ഇയിലെ താമസക്കാർക്ക്​ ഇത്തരമൊരു സൗകര്യം ലഭ്യമാകുന്നത്​. ജർമൻ നിയമ പ്രകാരം ഒസ്യത്ത്​ രജിസ്​ട്രേഷൻ നടത്തിയ യൂറോപ്യരായിരിക്കും ഇൗ സംവിധാനത്തി​​െൻറ ആദ്യ ഗുണഭോക്​താക്കൾ. 

ജർമൻ കോടതിയുടെ വിധിക്ക്​ പിന്നാലെ മറ്റു രാജ്യങ്ങളിലെ നിയമ സംവിധാനങ്ങളും വിർച്വൽ സ്വത്തുക്കൾക്ക്​ പിന്തുടർച്ചാവകാശം നൽകുമെന്ന്​ പ്രതീക്ഷിക്കുന്നു. വീട്​, ബാങ്ക്​ അക്കൗണ്ട്​, സ്​ഥലം തുടങ്ങിയ സ്വത്തുക്കൾ അനന്തരാവകാശികൾക്ക്​ കൈമാറുന്നത്​ പോലെ ഒാൺലൈൻ സ്വത്തുക്കളും സമൂഹ മാധ്യമ അക്കൗണ്ടുകളും കൈമാറ്റം സാധ്യമാക്കുന്നതാണ്​ ഇൗ നടപടി. ഒാൺലൈൻ സ്വത്തുക്കൾ കൈമാറ്റം ചെയ്യാൻ അനുവദിക്കുന്ന വിധിയോടെ ഇക്കാര്യത്തിൽ അതിവേഗമുള്ള മാറ്റമാണ്​ ഉണ്ടായിക്കൊണ്ടിരിക്കുന്നതെന്ന്​ ഡി.​െഎ.എഫ്​.സി ഒസ്യത്ത്​ സേവന കേന്ദ്രം ഡയറക്​ടർ സീൻ ഹേഡ്​ അഭിപ്രായപ്പെടുന്നു. 

ഒരാൾ മരിച്ചാൽ അയാളുടെ അക്കൗണ്ടുകൾ കൈകാര്യം ചെയ്യാൻ വിവിധ മാർഗങ്ങളാണ്​ സമൂഹ മാധ്യമ കമ്പനികൾ നിലവിൽ അനുവദിക്കുന്നത്​. സ്വന്തം ടൈംലൈനിൽ അവസാന സന്ദേശം പോസ്​റ്റ്​ ​ചെയ്യുന്നതിനുള്ള ഒരാളെ നിർദേശിക്കാൻ ഫേസ്​ബുക്ക്​ അനുവദിക്കുന്നുണ്ട്​. ഉപയോക്​താവി​​െൻറ മരണ ശേഷം അക്കൗണ്ട്​ അനുസ്​മരണത്തിനുള്ള സാധ്യതയാണ്​ ഇൻസ്​റ്റഗ്രാം നൽകുന്നത്​. 
എന്നാൽ അക്കൗണ്ട്​ ഒരു തരത്തിലും മാറ്റത്തിരുത്തൽ വരുത്താൻ സാധിക്കില്ല. അതേസമയം, അക്കൗണ്ട്​ ഭാഗികമായി പോലും ​കൈകാര്യം ചെയ്യാൻ ട്വിറ്റർ ആരെയും അനുവദിക്കുന്നില്ല.