മകരജ്യോതി​, പൊങ്കൽ; ദക്ഷിണേന്ത്യൻ ഉത്സവങ്ങളൊരുക്കി അബൂദബി

അ​ബൂ​ദ​ബി: സ​ഹി​ഷ്ണു​ത​യു​ടെ നാ​ട്ടി​ൽ മ​ക​ര​ജ്യോ​തി മ​ഹോ​ത്സ​വ​വും അ​യ്യ​പ്പ പൂ​ജ​യും പൊ​ങ്ക​ലും കൊ​ണ്ടാ​ടി മ​ല​യാ​ളി, ത​മി​ഴ്​ സ​മൂ​ഹം. അ​ബൂ​ദ​ബി​യി​ൽ ന​ട​ന്ന ര​ണ്ട്​ ആ​ഘോ​ഷ​ങ്ങ​ളി​ലു​മാ​യി പ​തി​നാ​യി​ര​ക്ക​ണ​ക്കി​നാ​ളു​ക​ളാ​ണ്​ പ​​ങ്കെ​ടു​ത്ത​ത്. ബാ​പ്‌​സ് ഹി​ന്ദു മ​ന്ദി​ര്‍ അ​ങ്ക​ണ​ത്തി​ലാ​യി​രു​ന്നു മ​ക​ര​ജ്യോ​തി മ​ഹോ​ത്സ​വ​വും അ​യ്യ​പ്പ പൂ​ജ​യും ന​ട​ന്ന​ത്. അ​ബൂ​ദ​ബി ആ​ധ്യാ​ത്മി​ക സ​മി​തി​യു​ടെ നേ​തൃ​ത്വ​ത്തി​ല്‍ ആ​ദ്യ​മാ​യാ​ണ് അ​ബൂ​ദ​ബി​യി​ല്‍ മ​ക​ര​ജ്യോ​തി മ​ഹോ​ത്സ​വം സം​ഘ​ടി​പ്പി​ച്ച​ത്. ശ​ബ​രി​മ​ല മു​ന്‍ മേ​ല്‍ശാ​ന്തി ഗോ​ശാ​ല വി​ഷ്ണു വാ​സു​ദേ​വ​ന്‍ ന​മ്പൂ​തി​രി മു​ഖ്യ കാ​ര്‍മി​ക​ത്വം വ​ഹി​ച്ചു.

അ​ഷ്ട​ദ്ര​വ്യ മ​ഹാ ഗ​ണ​പ​തി ഹോ​മം, തൃ​ക്കൊ​ടി​യേ​റ്റം, ഉ​ഷ​പൂ​ജ, സോ​പാ​ന സം​ഗീ​തം, സ​ര്‍വൈ​ശ്വ​ര്യ പൂ​ജ, ഭ​ജ​ന, മ​ഹാ പ്ര​സാ​ദം, അ​ന്ന​പൂ​ജ, പേ​ട്ട​തു​ള്ള​ല്‍, ശാം​സ്താം​പാ​ട്ട്, പ​ഞ്ചാ​രി​മേ​ളം, പ​ടി​പൂ​ജ, ദീ​പാ​രാ​ധ​ന, കൊ​ടി​യി​റ​ക്കം, ഹ​രി​വ​രാ​സ​നം എ​ന്നി​വ​യോ​ടെ ന​ട​യ​ട​ച്ച് ആ​ഘോ​ഷ​ത്തി​നു വി​രാ​മ​മാ​യി. അ​ബൂ​ദ​ബി ഖ​ലീ​ഫ പാ​ർ​ക്കി​ലാ​യി​രു​ന്നു പൊ​ങ്ക​ൽ ഉ​ത്സ​വം ന​ട​ന്ന​ത്. 2000ത്തോ​ളം ത​മി​ഴ്​​നാ​ട്​ സ്വ​ദേ​ശി​ക​ൾ പ​​ങ്കെ​ടു​ത്തു. പ​ര​മ്പ​രാ​ഗ​ത ഗാ​ന​ങ്ങ​ളും നൃ​ത്ത​ങ്ങ​ളും ആ​ഘോ​ഷ​ത്തി​ന്​ കൊ​ഴു​പ്പേ​കി. അ​മാ​ൽ​ഗ​മേ​ഷ​ൻ ഓ​ഫ്​ ത​മി​ഴ്​ ​അ​സോ​സി​യേ​ഷ​നാ​ണ്​ പൊ​ങ്ക​ൽ ഉ​ത്സ​വം സം​ഘ​ടി​പ്പി​ച്ച​ത്. രാ​വി​ലെ എ​ട്ടി​ന്​ തു​ട​ങ്ങി​യ ആ​ഘോ​ഷ​ത്തി​ന്‍റെ ഭാ​ഗ​മാ​യി അ​ടു​പ്പു​കൂ​ട്ടി ച​ട്ടി​യി​ൽ പൊ​ങ്ക​ൽ വി​ഭ​വം ത​യാ​റാ​ക്കി. പ​ര​മ്പ​രാ​ഗ​ത വ​സ്ത്ര​ങ്ങ​ൾ അ​ണി​ഞ്ഞാ​ണ്​ ത​മി​ഴ്​​നാ​ട്ടു​കാ​ർ എ​ത്തി​യ​ത്. വേ​ദി​യി​ൽ വി​വി​ധ ക​ലാ​പ​രി​പാ​ടി​ക​ൾ ന​ട​ന്നു.