ജുഡീഷ്യറിയുടെ നിഷ്പക്ഷത ഉറപ്പാക്കാൻ ദുബൈയിൽ പ്രത്യേക വകുപ്പ്

ദുബൈ: ദുബൈയിൽ കോടതി നടപടികളുടെ നിഷ്പക്ഷത ഉറപ്പാക്കാൻ പ്രത്യേക വകുപ്പ് നിലവിൽ വന്നു. യു.എ.ഇ ധനകാര്യ മന്ത്രിയും ദുബൈ ഉപഭരണാധികാരിയും ദുബൈ മീഡിയ ചെയർമാനുമായ ശൈഖ്​ മക്​തൂം ബിൻ മുഹമ്മദ്​ ബിൻ റാശിദ്​ ആൽ മക്​തൂമാണ്​ ജുഡീഷ്യൽ ഇൻസ്പെഷൻ വകുപ്പിന്​ അംഗീകാരം നൽകിയത്​.

ജുഡീഷ്യൽ രംഗത്തുള്ളവരുടെ പ്രവർത്തനം വിലയിരുത്താനും അവർക്കെതിരായ പരാതികളിൽ നടപടിയെടുക്കാനുമാണ്​ വകുപ്പ്​ രൂപവത്​കരിച്ചത്​. നീതിന്യായ രംഗത്തുള്ളവരുടെ പ്രവർത്തനവും പ്രകടനവും വകുപ്പ്​ നിരീക്ഷിക്കും.