പാ​ര്‍ക്കു​ക​ളി​ല്‍ നി​ശ്ച​യ​ദാ​ര്‍ഢ്യ വി​ഭാ​ഗ​ക്കാ​ര്‍ക്ക് പ്ര​ത്യേ​ക സൗ​ക​ര്യം

അ​ജ്​​മാ​ൻ: സ​മൂ​ഹ​ത്തി​ലെ എ​ല്ലാ​വ​രും ഒ​രേ​പോ​ലെ പ​രി​ഗ​ണ​ന ല​ഭി​ക്കേ​ണ്ട​വ​രാ​ണ് എ​ന്നാ​ണ് യു.​എ.​ഇ ഭ​ര​ണ​കൂ​ടം ആ​ഗ്ര​ഹി​ക്കു​ന്ന​ത്. ഇ​തി​െ​ൻ​റ ഭാ​ഗ​മാ​യി അ​ജ്മാ​നി​ലെ പാ​ര്‍ക്കു​ക​ളി​ല്‍ നി​ശ്ച​യ​ദാ​ര്‍ഢ്യ വി​ഭാ​ഗ​ത്തി​ൽ​പെ​ട്ട​വ​ര്‍ക്ക് പ്ര​ത്യേ​ക സൗ​ക​ര്യ​മൊ​രു​ക്കു​ന്നു.

അ​ജ്മാ​നി​ലെ സ​ഫി​യ പ്ര​ദേ​ശ​ത്ത് പ്ര​വ​ര്‍ത്തി​ക്കു​ന്ന പാ​ര്‍ക്കി​ല്‍ ശാ​രീ​രി​ക ബു​ദ്ധി​മു​ട്ടു​ക​ള്‍ അ​നു​ഭ​വി​ക്കു​ന്ന നി​ശ്ച​യ​ദാ​ര്‍ഢ്യ​ക്കാ​ര്‍ക്കാ​യി പ്ര​ത്യേ​ക ത​രം വി​നോ​ദോ​പാ​ധി​ക​ള്‍ ഒ​രു​ക്കി​യി​രി​ക്കു​ക​യാ​ണ് ന​ഗ​ര​സ​ഭ ആ​സൂ​ത്ര​ണ വ​കു​പ്പ്. നി​ശ്ച​യ​ദാ​ര്‍ഢ്യ​ക്കാ​രാ​യ ആ​ളു​ക​ള്‍ക്കും വി​നോ​ദ​ങ്ങ​ള്‍ക്കാ​യി പ​ര​മാ​വ​ധി സൗ​ക​ര്യം ഒ​രു​ക്കു​ക എ​ന്ന തീ​രു​മാ​ന​ത്തി​െ​ൻ​റ ഭാ​ഗ​മാ​യാ​ണ് ന​ട​പ​ടി.

സ​ഫി​യ പാ​ര്‍ക്കി​ല്‍ പ്ര​ത്യേ​ക സം​വി​ധാ​ന​ത്തോ​ട് കൂ​ടി രൂ​പ​ക​ല്‍പ്പ​ന ചെ​യ്ത ഊ​ഞ്ഞാ​ലു​ക​ള​ട​ക്ക​മു​ള്ള​വ സ്ഥാ​പി​ച്ച് ക​ഴി​ഞ്ഞു. ഇ​ത്ത​ര​ക്കാ​ര്‍ സു​ര​ക്ഷി​ത​മാ​യി ഉ​പ​യോ​ഗി​ക്കാ​വു​ന്ന ത​ര​ത്തി​ലാ​ണ് ഇ​ത് നി​ര്‍മ്മി​ച്ചി​രി​ക്കു​ന്ന​ത്.

അ​തോ​ടൊ​പ്പം നി​ശ്ച​യ​ദാ​ര്‍ഢ്യ വി​ഭാ​ഗ​ക്കാ​ര്‍ക്കാ​യി മാ​ത്രം വി​ശ്ര​മ കേ​ന്ദ്ര​ങ്ങ​ളും ശൗ​ചാ​ല​യ​ങ്ങ​ളും നി​ര്‍മ്മി​ച്ചു ക​ഴി​ഞ്ഞു. ഈ ​രീ​തി​യി​ലു​ള്ള പ​രി​ഷ്ക​ര​ണ​ങ്ങ​ളും സൗ​ക​ര്യ​ങ്ങ​ളും എ​മി​റേ​റ്റി​ലെ മ​റ്റു പാ​ര്‍ക്കു​ക​ളി​ലേ​ക്കും വ്യാ​പി​പ്പി​ക്കാ​നു​ള്ള ത​യ്യാ​റെ​ടു​പ്പി​ലാ​ണ് അ​ധി​കൃ​ത​ര്‍.