പ്ര​ത്യേ​ക അ​നു​മ​തി: ഇ​ന്ത്യ​യി​ൽ​നി​ന്നു​ള്ള മെ​ഡി​ക്ക​ൽ​സം​ഘം ദു​ബൈ​യി​ലെ​ത്തി

ദു​ബൈ: ദു​ബൈ ഹെ​ൽ​ത്ത്​ അ​തോ​റി​റ്റി​യു​ടെ (ഡി.​എ​ച്ച്.​എ) പ്ര​ത്യേ​ക അ​നു​മ​തി​യോ​ടെ ഇ​ന്ത്യ​യി​ൽ​നി​ന്നു​ള്ള 73 അം​ഗ മെ​ഡി​ക്ക​ൽ സം​ഘം യു.​എ.​ഇ​യി​ൽ മ​ട​ങ്ങി​യെ​ത്തി. ആ​സ്​​റ്റ​ര്‍ ഹോ​സ്പി​റ്റ​ലു​ക​ളി​ലെ​യും ക്ലി​നി​ക്കു​ക​ളി​ലെ​യും ഡോ​ക്ട​ര്‍മാ​ര്‍, ന​ഴ്സു​മാ​ര്‍, പാ​രാ​മെ​ഡി​ക്ക​ല്‍ ജീ​വ​ന​ക്കാ​ര്‍ എ​ന്നി​വ​രു​ള്‍പ്പെ​ട്ട സം​ഘ​മാ​ണ്​ എ​ത്തി​യ​ത്. ര​ണ്ട്​ ബാ​ച്ചു​ക​ളി​ലാ​യാ​ണ്​ ഇ​വ​ർ എ​ത്തി​യ​ത്. അ​വ​ധി​ക്കാ​യി നാ​ട്ടി​ൽ പോ​യ​വ​ർ യാ​ത്ര​വി​ല​ക്ക്​ വ​ന്ന​തോ​ടെ കു​ടു​ങ്ങു​ക​യാ​യി​രു​ന്നു. തീ​വ്ര​പ​രി​ച​ര​ണ വി​ഭാ​ഗ​ങ്ങ​ളി​ല്‍ പ​രി​ച​യ​സ​മ്പ​ന്ന​രാ​യ മെ​ഡി​ക്ക​ല്‍ പ്ര​ഫ​ഷ​ന​ലു​ക​ളും കോ​വി​ഡ് രോ​ഗി​ക​ളെ ചി​കി​ത്സി​ക്കു​ന്ന​തി​ല്‍ വൈ​ദ​ഗ്ധ്യം നേ​ടി​യ​വ​രും അ​ട​ങ്ങു​ന്ന​വ​രാ​ണ്​ മ​ട​ങ്ങി​യെ​ത്തി​യ​ത്. ഇ​വ​രെ തി​രി​ച്ചെ​ത്തി​ക്കു​ന്ന​തി​ന്​ ആ​സ്​​റ്റ​ർ അ​ധി​കൃ​ത​ർ ഡി.​എ​ച്ച്.​എ​യെ സ​മീ​പി​ച്ചി​രു​ന്നു. അ​നു​മ​തി ല​ഭി​ച്ച​തോ​ടെ യാ​ത്ര​ക്കാ​രു​ടെ പ​ട്ടി​ക എ​മി​റേ​റ്റ്​​സ്​ എ​യ​ലൈ​നി​ന്​ കൈ​മാ​റി. ആ​രോ​ഗ്യ​പ്ര​വ​ർ​ത്ത​ക​രു​ടെ യാ​ത്ര സാ​ധ്യ​മാ​ക്കി​യ ഡി.​എ​ച്ച്.​എ, ദു​ബൈ എ​യ​ർ​പോ​ർ​ട്ട്​ അ​തോ​റി​റ്റി, എ​മി​റേ​റ്റ്​​സ്​ എ​യ​​ർ​ലൈ​ൻ എ​ന്നി​വ​ർ​ക്ക്​ ന​ന്ദി അ​റി​യി​ക്കു​ന്ന​താ​യി ആ​സ്​​റ്റ​ര്‍ ഹോ​സ്പി​റ്റ​ല്‍സ് ആ​ൻ​ഡ്​​ ക്ലി​നി​ക്സ് സി.​ഇ.​ഒ ഡോ. ​ഷെ​ര്‍ബാ​സ് ബി​ച്ചു പ​റ​ഞ്ഞു. കേ​ര​ളം, ക​ര്‍ണാ​ട​ക, ത​മി​ഴ്നാ​ട്, മ​ഹാ​രാ​ഷ്​​ട്ര, ഹൈ​ദ​രാ​ബാ​ദ്, മ​ധ്യ​പ്ര​ദേ​ശ് തു​ട​ങ്ങി​യ ഭാ​ഗ​ങ്ങ​ളി​ല്‍നി​ന്നു​ള്ള​വ​രാ​ണ്​ എ​ത്തി​യ​ത്. യു.​എ.​ഇ​യി​ലെ കു​ടും​ബ​ങ്ങ​ള്‍ക്കും വ്യ​ക്തി​ക​ള്‍ക്കും സ​മൂ​ഹ​ത്തി​നും ആ​രോ​ഗ്യ​സേ​വ​ന​ങ്ങ​ള്‍ എ​ത്തി​ക്കു​ക​യെ​ന്ന സു​പ്ര​ധാ​ന ല​ക്ഷ്യം കൂ​ടു​ത​ല്‍ ശ​ക്തി​യോ​ടെ​യും ആ​ത്മ​വി​ശ്വാ​സ​ത്തോ​ടെ​യും തു​ട​രു​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍ത്തു.