നവലോകം തേടി സ്​റ്റാർട്ട്​ അപ്പ്​ ഇന്ത്യ യു.എ.ഇയിലേക്കും

ദുബൈ: നവസംരംഭകരെയും നൂതനാശയങ്ങളെയും കൂടുതൽ ഉയരങ്ങളിലെത്തിക്കാൻ ലക്ഷ്യമിട്ട്​ ഇന്ത്യൻ സർക്കാർ രൂപം നൽകിയ അഭിമാന പദ്ധതിയായ സ്​റ്റാർട്ട്​ അപ്പ്​ ഇന്ത്യയുടെ പ്രയാണം രാജ്യത്തിനു വെളിയിലേക്കും. 

ഇന്ത്യയുമായി തലമുറകളായി വാണിജ്യ^സാംസ്​കാരിക ബന്ധം സംരക്ഷിച്ചുപോരുന്ന യു.എ.ഇയിൽ നടത്തുന്ന സ്​റ്റാർട്ട്​അപ്പ്​ ഇന്ത്യ ഉച്ചകോടിയോടെയാണ്​ പദ്ധതി വിദേശ രാജ്യങ്ങളിലുമാരംഭിക്കുന്നത്​. 
ഇൗ മാസം 23,24 തീയതികളിൽ ദുബൈ, അബൂദബി എന്നിവിടങ്ങളിലാണ്​ സ്​റ്റാർട്ട്​അപ്പ്​ സമ്മിറ്റ്​ ഒരുക്കുകയെന്ന്​ ഇന്ത്യൻ സ്​ഥാനപതി നവദീപ്​ സിംഗ്​ സൂരി വാർത്താ സമ്മേളനത്തിൽ പറഞ്ഞു. 

രണ്ടു വർഷം കൊണ്ട്​ നൂറുകണക്കിന്​ സ്​റ്റാർട്ട്​അപ്പ്​ സംരംഭങ്ങളാണ്​ ഇന്ത്യയിൽ പിറവിയെടുത്തത്​. ഗൾഫ്​ മേഖലയിൽ അനന്ത സാധ്യത ഉള്ള സോഫ്​റ്റ്​വെയർ, ആരോഗ്യം, വി​ദ്യാഭ്യാസം, ധനകാര്യ^സുരക്ഷാ മാനേജ്​മ​െൻറ്​ തുടങ്ങിയ മേഖലയിലെ സംരംഭങ്ങൾക്ക്​ ലോകവിപണിയിൽ ഇടം കണ്ടെത്താൻ ഉച്ചകോടി സഹായിക്കുമെന്ന്​ അദ്ദേഹം പറഞ്ഞു. ​െഎസ്​പിരിറ്റ്​, ടൈ ദുബൈ എന്നിവയുടെ പിന്തുണയോടെ 17 സംരംഭങ്ങളെയാണ്​ യു.എ.ഇയിൽ നടക്കുന്ന സമ്മേളനത്തിൽ അവതരിപ്പിക്കുക.    
ഇരു രാജ്യങ്ങളിലെയും നിക്ഷേപകർക്കും സംരംഭകർക്കും വിപണി ഗവേഷകർക്കും ആശയ വിനിമയത്തിനും വളർച്ചക്കും ഇതു തുണയാകുമെന്നും ഇന്ത്യൻ കോൺസുൽ ജനറൽ വിപുൽ, ​െഎ.ബി.പി.ജി ​ചെയർമാൻ ഡോ. ബി.ആർ.ഷെട്ടി, അബൂദബി ഗ്ലോബൽ മാർക്കറ്റ്​ എക്​സി.ഡയറക്​ടർ വൈ ലും ക്വോക്ക്​,  ​െഎ.ബി.പി.സി പ്രസിഡൻറ്​ ബിന്ദു സുരേഷ്​ ചേറ്റൂർ, ഷെഫാലി ജഷൻമാൽ, പ്രശാന്ത്​ ഗുലാത്തി എന്നിവർ വ്യക്​തമാക്കി. 23ന്​ ദുബൈ എമിറേറ്റ്​സ്​ ടവറിലെ ഗോഡോൾഫിൻ ബാൾറൂമിലും 24ന്​ അബൂദബി ഗ്ലോബൽ മാർക്കറ്റിലുമാണ്​ പരിപാടികൾ. 
കൂടുതൽ വിവരങ്ങൾക്കും രജിസ്ട്രേഷനും http://startupindia.ae എന്ന വെബ്​സൈറ്റ്​ സന്ദർശിക്കാം.