അണുനശീകരണ മാനദണ്ഡം കർശനമായി പാലിക്കണം – അബൂദബി പൊലീസ്

അബൂദബി: തലസ്ഥാന എമിറേറ്റിലെ ദേശീയ അണുനശീകരണ യജ്ഞത്തി​െൻറ സുരക്ഷ മാനദണ്ഡങ്ങൾ എല്ലാവരും കർശനമായി പാലിക്കണമെന്ന് അബൂദബി പൊലീസ് ആവശ്യപ്പെട്ടു.

ദിവസവും അർധരാത്രി 12 മണി മുതൽ പുലർച്ച അഞ്ചു മണിവരെയാണ് അണുനശീകരണ യജ്ഞം. അബൂദബി, അൽഐൻ, അൽ ദഫ്ര എന്നിവിടങ്ങളിൽ യാത്ര ചെയ്യുന്നവർ ഈ സമയത്തിന് മുമ്പോ പിമ്പോ മാത്രം യാത്ര ചെയ്യണമെന്ന് അബൂദബി പൊലീസ് അഭ്യർഥിച്ചു. കോവിഡ് വ്യാപനം തടയുന്നതിനുള്ള മുൻകരുതൽ നടപടികളുടെ ഭാഗമാണിതെന്നും വാർത്തക്കുറിപ്പിൽ അറിയിച്ചു.കഴിഞ്ഞയാഴ്​ച മുതലാണ്​ രാത്രികാല അണുനശീകരണം ആരംഭിച്ചത്​.